حن الدنيا ♥

8

رواية : حن الدنيا ❤️✨.
للكاتبة : Nona Alsebhawy

البـارت الثامـن .....
انا : من انتي نور ولا حور
نور : ضحكت : انا نور
انا : ابتسمت
نور : ويين شن دايره خيرك متجيش لحوشنا راه ماما ديما تحكي عنك اتحبك دايرتك بنتها
انا : ضحكت : ربي يخليها اعميمه وولله ي نور شن بنقولك انا منخالطش ف حد عرفتي ومنحبش نحكي واجد مع شخص مش متعوده عليه
نور : اهاا باهي انشالله تتعودي علينا ..وضحكت : نبي نتعرف علييكك يعني بنت خالي الوحيد ومنعرفش عنها حاجه وماما ديما تحكي عليك وفراس يقول ايييه يمي خلااص من حن اللي تحكي عليها هدي حت لحوش ماتجيش
انا : تحشمت : صحح كلامك ولله بس انشالله انديرولكم زياره
نور : اتكون قريبه راه
حور و اريج جو : شن اللي قريبه
انا : ضحكت
اريج : خير ياطيير لك وحشات ياحن بما انه منعرفكش واجد
حور ونور : اي ولله
انا : انزلط وجهي : تعالو زوزوني مالا
حور : شني ماك والده
انا : انفلقت ضحك
نور : ضربتها : مش هكي طول ياهم خلي فيك شوي انوته ودوق تعرفي عليها بعدها ديري كيف تبي ياعار
حور : خف علينا ياغالينا ت غير لما نروحو بسس اصلا بنت خالي مش وحده غريبه وشافتلي : صح ولا مش غلط
انا : ضحكت: مش غلط
اريج : جوك يهبل
انا : هيي توا استأذنوني شويه انمد الحلو للنسوان وانجي
نور : لالا بنساعدوك كساد وهيا انتن قدامي وخشينا للمطبخ وطلعنا الحلو وفرقنا ع النساوين وردينا نهدرزو فالمطبخ وف نص الهدرزه رن عليا سامر
انا : حيي نسيته ..الووو
سامر : ايوا
انا : نسيتك راه وانت ليش مرنيتش
سامر : لالا نزلت من امبدري
انا : اهاا شني مني تبي حاجه
سامر : لالا بس فيه وحده عندكم تكون حبيبتي راه
انا : متفاجأه بس مبينتش : احمم منو
سامر : ضحك : لنقنك فالحه ..نور بنت عمتي
انا : اهااااا وانا انقووول وضحكت
سامر : تعرفي عليها و صاحبيها
انا : توا انشوف
سامر : يلا توا انخليك
انا : سلام وفصلت
اريج : منو وفرحانه متحمسه
انا : سامر وشبحت ف نور
نور : ضحكت
حور : حن متقوليش علاش خوتك اسماح يهبلو
انا : من ربي شن دخلني انا
ضحكن فجأه يخش سراج ب قوه واندفاع
سراج : خيررر
انا : تحشم شن تبي خاش
سراج : رفع حواجبه : حر انتي من
اريج : بنت عمتك امنه
سراج : ااااهاا انتي اللي مره طالعه لجنان حوشكم بـ سروال عمي عيسى(راجل عمتي) 
انا و نور وحور ميتات بالضحك
اريج : مصح الله وجهك هدي موضه
سراج : يفتح فالتلاجه : اقطع موضتك كان فيه موضه هكي
حور : تضحك : قصف
سراج : سكر التلاجه وشبح فيها : انتن تشبهن فراس
حور: كل يوم ف حوشنا ياكداب ديما نتعارك انا وياك معادش اتجينا
سراج : انا في حوش صاحبي وولد عمتي شن دخلك
انا : تحشم واطلع
سراج : اووو نويره شنجوو
نور : تمام ويينك اليومين اللي فاتو مجيتناش
انا شبحت فيه بمعنى متقولش
سراج : وللهي مفضيتش
نور: باهي تعال مره اخرا وجيب حن ديما قاعده بروحها
سراج : ان شاءالله
اريج : اففف
سراج : خيرك تنفخي علينا
اريج : هوينا ياعمم
سراج : ت غير لالا
انا وقفت وطلعته : عيب ي سراج
سراج : اللي ف قلبي ع لساني انا واحد صريح
انا : امشيي امشي لمربوعه سلم خوي
سراج ضحك ومشي وخشيت لقيتهن يدخلن فالمواعين تبع الحلو والنسكافيه غسلت معاهن بعدها قعدنا شوي برا وردينا للمطبخ سخننا العشي وبينا نفرقو ع السفر وخشو خوتي واولاد عماتي يطلعو فيهم
سامر : حنونه
انا : خير ياطير
نور : تبتسمله
انا : سامر
سامر : نعم
انا : حسابك معايا بعدين
سامر ونور ضحكو
انا : اطلع اطلع واخر سفره مديتها لـ شخص يشبه نور وحور عرفته فراس وهو نفسه اللي امبكري يضحك قدام باب المدخل
فراس : ياهلا
انا : اهلا ومشيت دخلت السفر للنسوان والتمينا وتعشينا وهدرزنا وضحكنا وتعرفنا وتعاندنا وبعدها غسلنا المواعين وحوسنا فالمطبخ وكملنا وبعدين بدو يخفو الناس و الجيران روحو وعماتي بيروحو وقاعدين فالجنان بيطلعو
انا : متروحوش اقعدو باتو
عمتي امنه : يبات الخير حبيبتي 
انا : غير هيا
عمتي امينه : كالا مني انا بنروح حبيبتي
انا : باهي نور وحوور
عمتي امينه : على فراس (باتهم متوفي)
انا : سامر يكلمه
عمتي امينه : براحتكم نا مش ماسكه حد
اريج : امييي بنباات
اسراج : جي : يعمتي النفاخه هدي متخليهاش عندنا
انا : شن دخلك
عمتي وماما يضحكن
جو خوتي واولاد عماتي وراجل عمتي طلع هوا وبابا فالشارع يهدرزو
انا: سامر ومشيتله وشوشتله
سامر : ضحك : شن دخلني فيكن
فراس يتفرج
انا :سكتت شويه : فراس
فراس : نعم
انا : نور وحور بايتات معايا
فراس : شن المناسبه
انا : بلا مناسبه
نور : وراس وخيي
فراس : لالا
انا : بيباتن معايا مش فالشارع
سامر : خلاص خليهن عاد مش ف حوش غريب
فراس : باهي
انا شفت لسامر ونخصته ع جنبه
سامر : ضحك.
انور : قصدك انتي بنت خالي
انا : اي من انت
انور : نا انور وهدا امير
انا : تشرفنا
سيف : متصدمينيش واتقولي منعرفهمش
انا : نعرفهم بالاسم بس 😂
عمتي امنه : منكم انتم متجيبوش فيها لحوشنا
سيف: مره تانيه انشالله وهيا خشن الداخل
وخشينا انا والبنات قعمزنا شوي نزلت كاتي
انا : حييي كاتيي نسييتك ورفعتها
البنات : محلااااهااا
انا : انعشيها وبعدها العبن بيها ع راحتكن
وبعدها حطيتها برا تتعشا وخشيت لقيت ماما وبابا والبنات يهدرزو
انا : تهدرزو في حال
بابا: اي عاد اول مره يباتن معانا خليهن
انا : ايي اللي يلقا احبابه ينسا اصحابه
ماما : هيوالله عندك الحق
اريج : حبيبي خالو مافيش كيفه
نور وحور : اي ولله ربي يخليك لينا.
خشو خوتي وقعمزو
سيف : شن تهدرزو
بابا : موضوع يجيب موضوع
انا ركبت للدار جبت هديتي لسامر ونزلت مديتهاله
انا : مبروووكك التخرج حبيبي العقبه لما نشوفوك عرييس وبسته
سامر : وقف وحضني : حبيبة قلبي
انا: وشوشتله : نور بتكرهني من تو
سامر قعد يضحك لفيت لنور لقيتها مش عاجبهه بس تساير
سامر: شكراا يهبل
انا : العفو
وكل واحد هداله هدية التخرج وبابا هداله شقه فرحح سامر والفرحه باينه ف عيونه
ماما : حن ركبي بنات عماتك للدار عطيهن توته توته
انا : حاضر وركبنا فتحتلهن الدار
البنات: محلاااهاااا
انا : تفضلن
دخلتهن للدار وسكرت باب الدار و فتحت الدولاب وعطيتهن بيجامات نوم وبدلنا وكسدنا نهدرزو للـساعه 2 بعدها نزلنا للمطبخ طلعنا شوكلاته و عصير طبيعي مصقع وتشيبس و مكسرات وسامينسا وصحن كونافه فرشنا ف دار المعيشه وحطينا فيها اللي وتيناه وفتحنا التلفيزيون ع ام بي سي 2 فيها فيلم رعب  وركبت لدار الاولاد لقيتهم كل واحد ع تليفونه
سيف : قعمز : خيرك شن صاير خاشه فهالوقت
انا : شن اديرو
كلهم كسااد
انا : انزلو معانا دايرين جو تشيبس و حاجات هك
سراج : وقف : لنقني بننزل وطلع
انا : ها وانتم
سيف وسامر : هيا جينا ونزلو
انا : سنودي
سند : كنت نهدرز مع وداد
انا : ابتسمت : باهي هيا انزل غير جو معانا
سند : مش عارف
انا : وراس خوي هيا وركبت ع ضهره
سند : يضحك : انزلي ي مجنونه
انا : لا انزل بيا لتحت
سند : خزي عيله
انا : عارفه روحي هياااا
سند : باهي يادوشه ونزل بيه وانا ميته بالضحك
كلهم قعدو يضحكو
سند : انزلي هي
انا : انشالله غير ماكليتو عننا
سيف : لالا
وقعمزنا هدرزنا وتفرجنا ولعبنا تحدي وصراحه وضحكنا وزعلنا وردينا تسامحنا وتعاندنا وكان الجو حلووو غسلنا المواعين ومع الساعه 4 وركبنا رقدنا

رايكم ف حلقةةة اليووممم...........