حن الدنيا ♥

6

رواية : حن الدنيا ❤️✨.
للكاتبة : Nona Alsebhawy

البـارت السادس .....

صبححح اجديد ويوم اجديد
وعيت السـاعه 10 لقيت سند يطخ فيها نووم خشيت دوشت لبست توته وكلعاذه دهنت جسمي بالكريمات وشعري ولبست شخشير وشبشب الحوش ودرت شعري كعكه ع فوق و رفعت كاتي ودوشتلها ومشطتلها شعرها وجففته ونزلتها معاي لتحت
انا : صباحو يادنيتي وبستها
ماما : صباح الورد ياماما
انا : وين بابا والاولاد
ماما : باتك فالطريق جايب خبزه الفطور وانتي وخوتك راقدين حقا خيره سند راقد ف دارك
انا : الله ياماما هدرزنا وضحكنا مجاناش نوم
ماما : ابتسمت : انشالله دوم يارب
انا : انشالله حبيبتي
ماما : الفطور واتي نوضي خوتك قبل مايجي باتكم يلا جمعه اليوم
انا : حاضر هي وركبت نجري دقيت ع دارهم محدش رد دقيت تاني وفتحت الباب لقيتهم راقدين نووم و الدار حايسه ماعرفتش من خوتي من الدبش
انا : سامر وانخص فيه وهو كيف الميت : سوموو
سامر : راقد : هممم
انا : نوض جمعه وقت
سامر : شوي تاني
مشيت فتحت الروشن ع كبره وانوعي فيهم بالوحد بعد جهد فاقو من النوم وطلعت نوضت سند ونزلت دق الباب فتحته
بابا : صباح النور بنيتي
انا : صباح الورد بابا وبسته هات من ايدك وخديت الخبزه ودخلنا للمطبخ وحطينا لفطور ونرجو فالاولاد وبعدها نزلو بالواحد يجي يصبح عليا ويبوس فيا ع خدي الا سراج بالتشفشيف لشعر والضرب
انا : خيرك همجي
سراج : هدا اني ورقص حواجبه.
ماما : هياا افطرو بلا مشاكل
وفطرنا و فطرت كاتي وبعد شي ساعه دوشو خوتي وبابا ولبسو الزبون والعربي وصورتهم ومشو للجمعه وانا لميت الحوش وركبت لدار الاولاد لميتها وكنستها وولعت الغساله ع دبشهم وبخرتها وطلعت بخرت الحوش وفتحت فيه القرآن ورديت للمطبخ بنديرو الغدي نا وماما
انا : ها شن فكرتي انديرو الغدي
ماما : بندير كسكسي
انا : خاطري ف موالح انا
ماما : شمري ايديك وديري مالا
انا : مكسده مكسده بندير امبطن و محشي عصبان
ماما : اي هي ابدي خلي نشقا بغداي
وقعدنا انطيبو وانهدرزو وكاتي تلعب بجنب الباب الخلفي ورديت ركبت طلعت الدبش من الغساله ونشرته ونزلت وانفتح الباب عرفت انهم روحو ..خشيت للمطبخ لقيت ماما بتقلي البطاطا لمبطنه فالزيت
انا : لا خليه تو انا انكملهم
ماما : تعالي هي
انا : شوفي العصبان طاب
ماما : لالا مزال يبي شوي
الاولاد دارو هجوم للمطبخ
سامر : يفتح فالطناجر : شنن لغدااا جيعان
سيف : اوو كسكسي
سراج : خشييي تعالا تفرج عصبان ياعمي عصباان
سامر : يضحك : اللي يسمع يقول عمره ماداروه لهم
ماما : حقق كلامك
انا : بدوشتكم وترتوني
سراج : تحضري فالماجستير ع اساس كملي اللي ف يدك وضريني ع راسي
انا : نننننننن كان ماشكيت فيك بابا
سامر : هيي الا حن الدنيا محدش يكلمها ايوااه
انا : منوور ياقدر
سند : ضحك : وللهي الا مسترجله
سيف : رفع كاتي : بسبس يا ام عيون زرق
سراج : حلوااات النم
كاتي :شافتلهم : ميااوو
سيف : ضحك : تفهم ع اساس وطلع بيها
ماما : امشو الحقو خوكم البرا عن وجهي
وطلعو وكملنا اللي ف يدنا و صبرنا للساعه 2 وتينا الغدي وتغدينا  وخشيت غسلت المواعين وسخنت الشاهي وصبيت فالطواسي وطلعت فرقت عليهم وحطيت السفره ورفعت كاتي وقعمزت انمسح ع شعرها
بابا : حن امتا بتبدا مدرستك
انا : يوم الاحد
ماما : متاع بعد بكرا
انا : اي
سراج : سريب لقرايا منحباش
انا : بالعكس تعودت عليها
سيف : شاطره
سامر : تـي هدي نسبتها من الـ 90 وفوق تحسابيها كيفك انت وياهم
انا : ضحكت : صقع عليكم
ماما: بسم الله ماشاءالله على بنتي رافعه راسي
بابا : اي نبيك ديما هكي شاطره ومحدش يقف فطريقك
انا : انشالله
سراج : باهي البنات ديما شاطرات
سيف : بالله طير من قدام وجهي
سند يشوف لتلفونه مشيت قعمزت بجنبه
سند : خيرك مالا
انا : شي مكسده شن اديير انت
سند : فتح تلفونه ع صوره : انفكر فيها
انا : هدي هياا محلاااهااا شن اسمها
سند : ابتسم : وداد
انا : فكرت شويه وقلتله : شن تشتغل هيا
سند : شغل منزل يعني تبيع فالحلويات
انا : عطيني ايميلها الفيس ولا رقم الواتس
سند : هاك انشالله اترد عليك
انا : فتحت تلفوني ونقلت منه الرقم والايميل : مدور شي توا نطلعها من تحت الارض
سند : ضحك
بابا : شاركونا ليش توشوشو
انا : لا عطيته يفتحلي البريد
سامر : تعالي ي مشفشفه شوفي
انا مشيت نجري اتكيت ع كتفه : ترا
سامر : هدا تخرجي
انا : شهقت : حقااااا مبرووووك حبيبيي مقلتلنااش حفله تخرجك اليوم انديرهالك قبل بكرا
ماما : ووووك وليدي تخرج ونا ماندري ياحشمتي
والكل يباركله
سامر: يضحك : الله يبارك فيكم بس ليش الدوشه هدي كلها
بابا : اكيد فرحانين
انا : ايوا ايوا خوي قعد مترجم انجليزي وحركاتت
سند: باهي طلع واحد فينا متطور
سراج : ضحك : اي ولله
ماما : نووضي حوسي معايااا اليوم ولدي انديرله عرسس مش حتا تخرج
سامر : ياساتر
بابا و سند وسراج يضحكوو
انا : ماما نعرف وحده ادير فالحلويات.وغمزت لسند
ماما : وينها هاتي رقمها
انا : لالا تو انكلمها انا وكان ردت وعندها حلويات واتيات يرفعني سند
سند : اي تمام
ماما : باهي مش حنلحقو فالموالح عندي وحده صاحبتي انكلمها اديرلي ع المغرب اتوتيهم ليا و سيف واحمد(بابا) يمشو يشرو المشروبات والشكاليط والمناديل وهك وسراج يمشي يشريلي الفواكه كامله ويرفعني معاه نشري شوي هدايا لصحاب سامر و سند و حن عليكم الحلويات و كله نبيه ع الابيض والاسود وانتم عرفتو صح وانا قبل مانطلع بندير رز بالخلطه وناضت تجري للمطبخ وقالت الحمدلله فيه لحم وكبده
بابا : اليوم كان مافلست معادش بنفلس
سامر : ولله مدخلنيش نا
انا نضت ونتصل بوداد ماشدش المره الاوله والتانيه والتالته يرن وماحدش رد عاودت قريب 10 مرات وبنفصل ردت
انا : الو السلام عليكم
بنت : وعليكم السلام تفضلي اختي
انا : انتي الانسه وداد تبيعي فالحلويات
بنت : وصلتي اختي
انا : فرحت ومصدومه : بالله نبي طلبيه حلويات تخرج لو عندك مستعجلين معلييش
وداد : عندي حلويات واتيات بس متاع تخرج معنديش الحق  
انا : زي شنو متلا
وداد : عندي كنافه بحشوات مختلفه و وعندي حلويات جافه كعك و غريبه وفيه عبمبر وترافل
انا : كوييس نبي من كل وحده 40 طرف والكنافه نوعين ع دوقك ممكن
وداد : ان شاء الله حيكون واتي وامتا تبيها انتي
انا : مع الساعه 4 انطق فيك وبالله ابعتيلي وصف حوشكم ف رساله و السعر كم تمام
وداد : ان شاء الله
انا : صحيتي وسكرت منها ونا فرحانه. ونزلت للمطبخ
ماما : شن صار
انا حكيتلها
ماما : الحمدلله تو مزال الباسطي والتورته جيبيهم ع الاسود والابيض
انا : باهي شن تبي انساعدك
ماما : قطعيلي الكبده بعدها اقليها وحمري اللوز والكاجو والزبيب ف زيت راك تحرقيه وبسرعه
انا : هي وبدينا

........?! تفاعلو للبارت السابعع