حن الدنيا ♥

4

رواية : حن الدنيا ❤️✨.
للكاتبة : Nona Alsebhawy

البـارت الرابع .......

انا : باهي بنرتاح
سامر : مفطرتيش
انا : ماخاطري راسي يوجع فيا
سامر : اصلا توا وقت الابره
انا : من بيديرهالي
سامر : تو انكلم سراج وغطاني بالبطانيه وعدللي المخده وباس راسي وطلع
انا : نبكي وفي خاطري : صح ظالمته بس يتعلمم ويحسس اللي مريت بيه شوي دق الباب وانفتح ملتفتتش عرفته سراج
سراج : راقده
انا : مرديتش عليه....
سراج : قرب مني : صباح الخير
انا : رفعت عيوني فيه : .......ساكته
سراج : ااءء
انا : مديت يدي ونا ساكته ..وسراج عرف انه مزال منبيش نحكي معاه مسك يدي بيضربلي الابره متع التغديه ودارها بسرعه وطلع ولاا كلمه وانا رقدت ........

السـاعه 2 نسمع ف صوت ماما فتحت عيوني لقيت محولين الابره وماما اتنوض فيا
انا : ماماا
ماما : ياعيوني صحة النووم وباستني
انا : قعمزت حضنتها : عرفي مليت وكسااد
ماما : نوضي صحصحي اهني تلفوناتك جابهم سند قال نقلتهم اللي تبيهم
انا : ماما بننزل نتغدا معاكم ع السفره
ماما : باهي نوضي هي وغسلت ومشطتلي شعري و لبست توته خفيفه ونزلنا
بابا : اهلا اهلا
انا : ابتسمت : حبيبي وبست ع راسه
بابا : ها شن تحسي توا
انا : الحمدلله كويسه
ماما : انا ماشيه نحط الغدي ع الطاوله واناديلكم
انا وبابا : حاضر
انا : اتكيت ع كتف بابا: بابا
بابا : نعم يابابا
انا : تعرف شن خاطري
بابا : انتي قولي شن تبي بس تلقيه قدامك
انا : نبي قطوسه
بابا : ضحك : حااضرر كيف تبيها
انا : نبيها بيضه تكون قطوسه زينه عيونها زرق نبيها متوسطه فالعمر لا هي كبيره لا صغيره
بابا : يضحك : خلاص تم بعدين نطلعو انا وياك
انا : فرحت : ان شاء الله
نزلو خوتي الاربعه قعمزو مقابلنا وانا ماعبرتهم سكرت عيوني وحضنت بابا
بابا : شن رايك نطلعو العشيه ندهورو فالمحلاتت
انا : الله ياريت يابابا اصلا نبي شنطه اجديده واسبيدروات وقرطاسيه للفصل التاني فالقرايا قريب يبدا
بابا : خلاص تم ها تطلعو حت انتم راه
سامر : ان شاء الله
سيف : عندي خدمه
سند : واضح عليه الحزن والتعب : ماخطريش
انا : مركزه في سند لين شكله يخوف
سراج : اني بنطلع معاكم
بابا : سند خيره وجهك هكي
سند : لا شي
ماما : هيا الغدي
مشينا للطاوله نتغدو سامر مقعمز بجنبي
سامر : يوشوش: نبي بسبوسه جلكسي منسيتهاش راه
انا : شاده ضحكتي : قاعد الطاجين فالتلاجه من هداك اليوم
سامر : ضحك. : تي يابسه رشاده بنرفعها حت الكاشيك حصل فيها تبيني ناكلها نعجه مالا
انا : ضحكت بصوت عالي
سامر يضحك
كلهم يشبحولنا
ماما : مبتسمه : خيركم توشوشو وتضحكو ضحكونا معاكم
سامر : يوشوشلي ويضحك : ديري روحك ميته بالضحك
انا الصراحه قعدت نضحك بدموعي مش عارفه ليش
سامر : احم لالا شي
بابا : كان مانعرفك انقولو
سيف وسراج يضحكو
سند : الحمدلله وناض ركب لداره
بابا : خيره خوكم
ماما : حت نا مش عاجبني هالولد الفتره هدي لا ياكل لا يهدرز كيف الناس
سيف وسراج وسامر حسيتهم توترو وماعرفو شن يقولو
انا : اكيده تاعب من الشغل والقرايا
شبحو فيا وسكتو
انا : وقفت : الحمدلله سفره دايمه
بابا : صحه
ماما : صحتين توا انا نغسلهم مواعين الغدي ارتاحي
انا : ابتسمت وبستهم وركبت لداري رقدت ساعتين ازح وخشلي سامر
سامر : حنونه
انا : راقده : هممم
سامر : حن الدنيا
انا : فتحت نص عين : نعمم
سامر : هيا نوضي ياخميره بنطلعو
انا : فتحت عيوني : باهي ونضت
سامر : هيا مطوليش نرجو فيك فالجنان
انا : به وسامر طلع وخشيت للحمام دوشت وطلعت دهنت وجهي وجسمي باللوشن و لبست بدله ورديه كامله فيها خط سير ع البطن لونه ابيض ووشاح ابيض اسبيدرو ابيض ودرت عطري ورفعت تلفوني لجديد ونزلت نجري
بابا : الحمدلله ع السلامه
انا : ضحكت
سامر : هيا اركبو ...وركبنا فالسياره العائليه ومشينا للسوق
وشرينا وبضعنا و بابا نزل لمحل تالفونات وجاب كيس واعطاه ليا فتحته لقيت فيه رينق لايت و تلاته كفر و سماعتين يهبلو وحامل تاليفون اكيد عرفتوه الحق فرحت وروحنا الـ 7 قريب المغرب ركبت لداري نجري وهما طلعو من جديد مدورتهمش غسلت وجهي وجسمي ولبست قفطان خفيف وفتحت شعري وقعمزت انرتب ف اللي شريته وانجرب فيه ونا فرحانه وربي ..بعدها فتحت كيس طلعت منه توته شريتها لـ سند و اسبيدرو لـ سيف مشيت دسيتهم فالدولاب وطلعت بنجيب اميه اسمعت صوت من دار خوتي قربت منها وفتحت الباب ولعت الضي وقربت من السرير لقيته سند وسيف مش قاعد
انا : سند
سند مش قادر يتكلم معبي عرق ووجهه احمر وحاط يديه ع راسه ويتوجع منه
انا : متوتره : سند خيرك ولمست وجهه
سند : يحول في يدي من وجهه
انا : شن تحسس
سند : راسي بيتفجر
انا : من شنييي حيي
سند : اشششش مش متحمل ولا كلمه سكتت طلعت توضيت وجبت مصحف وقعدت نقرا ع راسه لين رقد ع كرعيه سكرت المصحف وبنطلع خش سيف
سيف : خيرك
انا حكيتله ع سند وسيف بينوضه يسأله انا : لالا متكلماش خليه توا كيف رقد
سيف : شبح فيه وسكت
انا طلعت ونزلت شربت اميه وركبت لداري نبربش ف التليفون وبعدها خشيت تصفحت ع الانستا وغفيت رقدت رقدت لين حسيت بـ الباب يدق
انا ..حييييي ............

تفاعـلو وشوفو البارت الخامس..........?!