حن الدنيا ♥

13

رواية : حن الدنيا ❤️✨.
للكاتبة : Nona Alsebhawy

البـارت التالت عشر .....
سراج : ايحح خيرها توا
انا : اكيد فهمت غلط تحسابك تضحك عليها وماتبيها
سراج : لا مانقصدش هكي انا قلت هكي لانه تخايلت مشاكلي نا وياها منتحاملوش
انا : وراس خويا بري فهمها وراضيها
سراج : سكت
انا : هيا
سراج : باهي
انا : احكي معاها كويس وبحنيه مش بغجريه
سراج مشي لحقها لقيها بجنب الدجاج
سراج : ضحك : يادجاجه
اريج : تمسح ف دموعها : اخطاني
سراج : مسكها ولفها ليه : خيرك
اريج : مصح وجهك ومزال اتقولي خيرك
سراج : شن سمعتي
اريج : تحسابني عيله
سراج : قوليلي انتي بس شن سمعتي
اريج : سكتت
سراج : هيا
اريج : خيرك تتسهوك عليا يعني انا منتاخدش ولا شنو وبالهزوه تحكي يعني محدش قالك خودني مش بالغصب هيا راهو بعدين انا مانيش مضحكه اللي تضحك
سراج : قعد يشوف لعيونها
اريج : ساكته وتشوفله
سراج : ابتسم : كملتي
اريج : رفعت حواجبها مصدومه
سراج : الكلام اللي قلتيه كله غلط وانتي فهمتي العكس
اريج : هي فهمني ياسي
سراج : اول حاجه انا منتسهوكش عليك لاني دايرك مضحكه تحسابيني عيل مالا هوا كل مافي الموضوع انه حن قالتلي نبيلك عروسه ع دوقي قلتلها ورينا دوقك قالتلي اريج انا ضحكت علشان ديما نتعاركو وبنتخيل روحي معاك ف بيت واحد مقدرتش هدا اللي خلاني نضحك وانقول مستحيل فهمتي توا
اريج : تشوفله
سراج : نزل لمستواها وتقابلو عيونهم ابتسملها : تبي نتزوجو
اريج : حطت ايدها ع وجهه ودفاته : بعد عني يابايخ وضحكت
سراج : مسح دموعها : ها يادجاجه رضيتي
اريج : يسس وبتمشي
سراج : بسبس شافتله غمزلها وضحك وهيا جتني تجري وهو طلع شافلها وضحك وخش للشباب
انا : شني مني يابطه
اريج : ابتسمت
انا : نوضي عشتي الدور شكلك وين البنات
اريج : ماهو بنكلمك بنقولك تعالي معانا
انا : هيا ندخلو فالحوض لصغير
اريج : ايي هيا
انا : بري ناديهم لبنات
اريج : خزي تفو المفروض انا نبعتك ليهم لكن مفيش احترام للكبير ياكلبه ومشت
انا : جيبي معاك المنشف متاعي والمنضومه
وراجيتهن لين طلعن يجرن يعيطن وطاحن فالحوض
انا : خزي خايبات ونزلت فالحوض بالشوي وقعدنا نعيطو ونلعبو كيف الصغار وبعدها فتحنا المنضومه ع اغنيه بدر العزي منصدم من اصحاب وانغنو واعياط وجو ليين جي بابا
بابا : نقص الاغنيه : لنا ساعه نعيطولكن
حور : خير ياخالو شن فيه
بابا : الغدي واتي نضت من ع السفره بيش اناديكم قبل بينوضو خوتكن يكسروكن
طلعنا من الحوض نجرو غسلنا ولبسنا توت وطلعنا.
فارس : الحمدلله ع السلامه
انا معدلتش عليه قعمزت
ع. امنه : شن هالهبال والعياط اللي دايراته
امير : تقولي هنود حمر يغنو
انا : ققققق
انور : نحسابك شرقتي
كلهم ضحكو
حور : بعد الغدي من يلعب كوره
نور : اي فريق بنات وفريق اولاد
سند : اني موافق من توا
كلهم وافقو
فراس : شبحلي : وانتي
انا : شبحتله : بنرقد
سيف : ترقدي عينك نحدفك فالحوض بعدها
انا : قلبت عيوني
ع. عيسى : حت انا بنلعب مالا
انا : ضحكت : مادام عمو بيلعب حت انا بنلعب
المهم تغدينا وغسلنا المواعين وشربنا شاهي وبعدها خشيت غسلت شعري من ميه الحوض ونشفته ودرتله كريمه وخليته مفتوح وطلعت لقيتهم فالكراج يرجو فيا بيلعبو كوره وعماتي وماما وبابا مقعمزين يتفرجو
سامر : اهي جت لمشفشفه
امير : يصفق : هيا توزعو كل واحد وفريقه
ووقفوا ودرنا فريق بنات واولاد
اريج : احني فريقنا  شويه
ع. عيسى وبابا جو معانا وبدينا نلعبو والاولاد دخلو زوز اهداف وبعدها لعبو جت الكوره بحداي رفعتها وحدفتها فالمرما وقعدنا انصفقو وانعيطو
فراس : لالالا غش هدا متنحسبش
انا : تي اما غش
حور : هدف يعني هدف
انور : بري العبي بعيد
اريج : مسكاته من تيشرته : اسمعع كيف ما انتم زوز اهداف احني هدف وبنزيدو هدف
نور : وهوا هدا
انور : غير اكبر مني منبيش انبكيك ورقص حواجبه
اريج: هي اوزن كلامك
سراج : تو بتخش بعضها وضحكو وبدو يلعبو وعماتي وماما يشجعو وعمي عيسى دخل قول وبعدها الكوره جت لفراس وانا بنتفلح ع اساس بنمسكها اتجي ع خشمي
سيف : اصابه ضربة جزاء
انا : من قوه الضربه لين انصدمت ماعرفت نبكي ولا نضحك حاطه ايديا ع خشمي ومسكره عيوني بعدها دخلت للمطبخ نجري
ع. امينه : عميتها ليا
فراس : مشعارف
ع. امينه : مزال تجاوب بري شوفها
قعدو يضحكو عليهم
فراس : باهي شوفوها انتم
كلهم : لالالا اتولي علينا تفش غلها امشيلها بروحك انت اللي ضربتها تحمل مسؤليتك
فراس : فصل : قصدي منبيهاش ليها راه ودخل يدور فيا لقي خشمي ينزف
انا : نبكي وخايفه: كسرته ليا كسرته ليا
فراس : لالا منكسرش وبدا يقرب
انا :  شوفه كيف ينزف
فراس : مسك يدي يهدي فيا : اهدي شويه وارفعي راسك انشوفه
انا: نبكي رفعت راسي : ها
فراس : جابلي مناديل ومسك وجهي : لالا مش مكسور خلي راسك فوق شويه اندخلك للحمام اغسليه واطلعيلي
انا : به ودخلت غسلت خشمي ووجهي وطلعت لقيته يرجا فيا سكرت الحمام
فراس  بيقرب
انا : زاعله منه : بعد عني
فراس : اسف مش بقصدي
انا : بنمشي مسكني من يدي : خيرك
فراس: شن تصرفاتك الغريبه اليوم خيرك
انا : سيبني ف حالي متكلمنيش
فراس : انا جيت بنطمن عليك وبنعتذرلك وخبط يده ع الحيط بالقوه : الباين مسببلك عقده مضايقك واسفين ياستي وطلع
انا مصدومه وانقول ف خاطري : خيره اصلا انا غبيه منعرفش نتصرف ودخلت لدار حطيت راسي ع المخده نسمع فيهم يضحكو ويعيطو ويهدرزو فتحت تلفوني قعدت نتصفع ع الفيس لين خداني النوم رقدت بعدها وعوني فالعشيه دوشت ولبست قفطان طويل ودرت كريماتي وعطري ولبست شبشبي ورفعت تلفوني وطلعت لماما دارتلي شعري ظفيره وبعدها هدرزنا وشربنا القهوه والعصير والحلويات وطلعت هدرزت مع راجل عمتي وبابا ورجعت للبنات يهدرزن في حال
انا : متقولليش علاش هرجتكن واجده اتقولي افارقه
حور : تضحك : رسميي
نور : المشكله كيف نفهمو ف بعض مشعارفه
اريج : شنحال خشمك
انا : ضحكت : مازال نحس فيه ساخن
نور : انشوف ف فراس قارن حواجبه بعد طلع منك
انا : تعاركت معاه زعلته
حور : تو يرضا بروحه
اريج : في عينك يكرهها بعدها ضروري تتأسفي
نور : براحتها يابنات
انا : مش ماشيتله احتمال انتعاركو من جديد منعرفش نسكت بسلامتي
حور : ساهله مالا خشيله ع الماسنجر ولا الواتس
انا : لا معنديش ماسنجر
نور : خشي واتس
انا : زعما
اريج : ياهم خشيله
انا : معنديش رقمه به
حور : هاتي انا حافظته وكتباته ليا وسجلاته ♥
انا : شنو لقطاف قلب احمر وجو
نور : مرت خوي الغاليه وضحكت
انا : قققق صديق لا اكتر وخشيتله كتبتله مازلت زعلان 😕...
فراس : منو معاي 🤨
وحور ونور واريج متابعات معاي اول بأول
انا : الجن الازرق 😂
فراس : 😒
انا : 🙂🙂🙂
فراس يتصل
انا :خايفه: حيييي يرن يابنات
حور : ضربتني ع راسي : ردي ياهم
انا فصلت لخط بلاش منه خليه يطربق مالي ومال لقطاف وسكرت التلفون
البنات طاحو ع بعض مالضحك
انا : اقفن نتمشو
نور : هيا
وقعدنا ندهورو فالمزرعه تبع الاستراحه و نور رفعتنا للمهره
انا : محلاها
حور : المسيها قنينه متخافيش
انا : نلمس فيها ونضحك
اريج : خايفه : هيا ياكلبات تعرفني اني نخاف منهم
وطلعنا ومشينا قعمزنا مع الاولاد يلعبو فالكارطه
اريج : عادي انقعمزو
امير : خزي كدابه دايره روحك تستأذني
حور : انت خيرك تحب لمنابشه
سيف : اديرن فالجو قعمزن كان بتقعمزن بلا هرجه واجده
المهم قعمزنا وانا انشوف ف فراس يتجاهل وخلاص ساكت حت هدرزه ميهدرزش
نور : بصوت عالي : حن انتي صورتك ع الواتس بنت ماسكه ف يدها قطوسه وانا انفنص فيها وهي تضحك
حور : اي اكيده هيا لانه حت انا خشتلي
اريج : شن جاب الهدرزه هدي
انا : فنصت فيهن ولقيت فراس يشوفلي بعدها فتح تلفونه وانا جاني مسج فراس ضحك وانا درت روحي مش معدله
وقعدنا نهدرزو وطلعنا قعمزنا مع عماتي وماما وبابا وراجل عمتي للمغرب بعدها خشينا والاولاد عليهم العشي يديرو ف شوايات وانا والبنات فالدار مكسدات
انا: خطرها يا تافهات حشمتني امبدري لولا اريج راه دخت
نور : درت هكي باش يعرف انه رقمك ياخوافه
انا : تفوو
حور : ضحكت : لكن لمحته بعد بعتلك
انا : اييي حقا خلي انشوف شن باعتلي
اريج : ورينا يابقره
فتحت تلفون وهجمن عليا البنات لقيته باعتلي اي مازلت زعلان
حور : اطربق
نور : ضحكت : حي حي فراس يدير فالحركات هالصايع
اريج : ياما تحت السواهي دواهي
انا : نضحك : خزي كان يسمعكن يستفكن ع الارض ويعفس عليكن بالسياره
اريج : هيا احكو ف موضوع مشوق
نور : نحكو ع عرسنا
حور : اييح ماصدقتي شورك
نور : لنقني فرحانه حب حياتي بنجتمعو نا وياه ف حوش واحد
اريج : اللي يسمع كنتي تسكني فالشارع
انا : وووه ماتنقدرن
نور : المهم التنسيق والتصوير عليك انتي حنو
اريج : طبعا الحفله ف يوم واحد مع بعض
حور : نبي التلاجه العرسان الله
انا : تلاجه عينك اشقي بروحك عرسكم الشهر الجاي
اريج : بديت انكبد الباين
انا : عارفتك ومنصدمتش العقبه لـ حوور
حور : ساكته
نور : خيرك
حور : ومرات ميبينيش سيف علاش اتلصقونا فبعض
انا : انتي ديريله حركات عاركيه نابشيه وابتسميله وشوفي رده فعله وانتي وقلبك را
نور : صح كلامها بس تأقلمو لبعض بسرعه نبي نتزوج
انا سيبتهن خليتهن يهدرزن وطلعت حاسه روحي مضايقه قعمزت ع حافة المسبح وحطيت كرعيا فالميه ونتفرج للسما وانغني ف اغنيه وين السلامه للفنان احمد الغامدي بعد شويه حسيت بحركه وراي سكتت
انور : ضربني ع راسي : خيرك سكتتي
انا : ابتسمت : شي
انور : اغنيتي هدي كمليها
انا : غصبا عني
انور : اي وضحك
انا كملتله باقي الاغنيه وسألته
انا : شن حببك فيها اغنيه حزينه بكل
انور : كلماتها عالجرح
انا : هزيت راسي
انور : عمرك حبيتي
انا : انصدمت وضحكت : لالا
انور : احسن شي حق ربي الحب مايجيب غير وجع القلب
انا : فعلا شفت ناس اتعاني منه والباين انت من الناس هدي
انور : ضحك : واضح عليا
انا : لالا لين بعد غنيتلك
انور : الله غالب ومنوره ع الصوت الجميل ووقف
انا : على وين
انور : ضحك : من امبكري فراس يفنص فيا
انا : وينه
انور : اهوا قدامك ومشي
انا : وقفت ومشيتله : مساءو
فراس : شبحلي
انا : ضحكت : خيرك
فراس : لا شي
انا : خيرك اتفنص ف انور
فراس : شن يدير مقعمز معاك
انا : وانت شن ادير واقف بحداي
فراس : رفع حاجبه : شن دخلك
انا : ضحكت
فراس : ساكت ويشوفلي
انا : اسفه ع امبدري
فراس : توا تتأسفي
انا : امبدري رقدت نا
فراس : امممم
انا : شبحت لعيونه ودرت روحي زعلانه : اسفه فراس مش بقصدي نزعلك والكلام اللي قلته ليا غلط راه
فراس : ابتسم
انا : ها تصالحنا
فراس : اها
انا : ضحكت : منور يابرووو
فراس : تقوليها مره تانيه نقص لسانك مش مقعمز مع راجل انا
انا : باهي
فراس : مسكني من ودني وفتح تالفونه ع رقمي: هدا رقم من
انا : ماسكه ضحكتي : هدا رقمي خيره
فراس : لا شي بس نتأكد وبعد يده
انا : اححييه ودني حسيتها سخنت
فراس : تستاهلي وهيا طيري للبنات
انا : كان فيا جناحات راه طرت ومشيت عنه

اليومم البارت طوييلل صاحح .........