တိတ်ဆိတ်သွားတဲ့ အခြေအနေကို ဖြိုခွင်းလိုက်သူကတော့ လွမ်းကိုယ်တိုင်ပါပဲ.......
" ကဲပါလေ လွမ်းစကားပြောမှားမိတာနဲ့ တစ်ခါတစ်လေမှ ထမင်းအတူတူ စားပေးတဲ့လူကိုစိတ်ပျက် စေတော့မှာပဲ "
" မဟုတ်တာ လွမ်းရဲ့ရပါတယ် အဲ့တာကိုစိတ်မကောင်းဖြစ်မနေပါနဲ့၊ ကိုယ်ကငယ်ငယ်လေးကတည်းက အဖေနဲ့သိပ်ပူးပူးကပ်ကပ် မနေခဲ့ရတော့ အဖေဆုံးတာကိုအရမ်းကြီးလဲ မခံစားရပါဘူး။ ဘယ်လိုပြောရမလဲ ကိုယ်ကအရမ်းသွေးအေးတယ်ပဲ ဆိုရမှာပေါ့လေ "
" လွမ်းကမိဘမဲ့ဆိုတော့ ကိုယ်ချစ်တဲ့သူတွေ သေဆုံးသွားတဲ့အခါ ခံစားချက်က ဘယ်လိုလဲဆိုတာ မသိဘူး ညှို့ "
အိမ်အပြင်ဘက်ကို တွေတွေလေးငေးပြီး ပြောနေသူလွမ်းငယ်ရဲ့ စကားတွေက ကိုယ့်ရင်ကိုအစိမ်းလိုက် ခွဲနေသလိုပါပဲကွာ။ ကိုယ်က အမိဆုံအဖဆုံနဲ့ နေနေခဲ့ရတဲ့အချိန်တွေမှာ လွမ်းငယ်က မိဘမဲ့ကျောင်းမှာ အားငယ်မှုတွေကို အဖော်လုပ်နေခဲ့ရတာကိုပေါ့။
" ကိုယ်နားလည်ပါတယ် လွမ်း တကယ်ရပါတယ် "
" နားလည်ပေးတာကျေးဇူးပါ ညှို့ ဒါဆိုလွမ်းတို့ ထမင်းဆက်စားရအောင် စားပြီးမှ အေးဆေးမေးတော့...... "
အေးစက်သွားတဲ့ ထမင်းကြော်လေးကို ကိုယ်စီစားရင်း အတွေးတွေကတော့ ထမင်းဝိုင်းမှာမရှိကြပေ။
" လွမ်း "
" ဟင် "
" ကိုယ့်ကို လွမ်းရဲ့ အရင်းနှီးဆုံးမိတ်ဆွေအဖြစ် လက်ခံပေးပါလား...... ကိုယ်မင်းနဲ့ ဆိုးတိုင်ပင် ကောင်းတိုင်ပင် အဖြစ် မင်းအနားအမြဲရှိချင်လို့ပါ "
" ဘာလဲ ညှို့ လွမ်းကမိဘမဲ့ဆိုလို့ သနားပြီး ပြောနေတာလား ရပါတယ် မလိုပါဘူး "
တကယ်တော့ လွမ်းအတွက်သူငယ်ချင်း ဖြစ်ဖြစ် ၊မိတ်ဆွေဖြစ်ဖြစ် အရမ်းလိုချင်ခဲ့တာပါ။ အခုတော့ အရင်းနှီးဆုံးမိတ်ဆွေတဲ့လား ညှို့ရာ....
" မဟုတ်ဘူး လွမ်း ကိုယ်တကယ်မင်းနဲ့ အရမ်းရင်းနှီးတဲ့မိတ်ဆွေ ဖြစ်ချင်တာပါ ကိုယ့်ကိုလက်ခံပေးပါလား "
ESTÁS LEYENDO
အချစ်၏ညှို့ငင်မှုနောက်သို့ (Ongoing)
Romance" ညှို့....ဆိုတဲ့မင်းရဲ့နာမည််အတိုင်း မင်းရဲ့ဖြစ်တည်မှုကလေ စပါးကြီးမြွေလိုပဲ လူတစ်ယောက်လုံးကို မင်းဆီကနေ မလွတ်မြောက်နိုင်အောင် ရစ်ပတ်ထားပြီး ညို့အားပြင်းပြင်းနဲ့ ညို့ယူနိုင်ခဲ့တယ် " " လွမ်းငယ်....မင်းပြောသလိုပဲ ကိုယ်ကတော့ မင်းနဲ့နီးစပ်ရဖို့အတွက်ဆို...
