"អ្នកនាងរ៉ូស! ការវះកាត់ប្ដូរបេះដូងលើនេះបានជោគជ័យណាស់ខ្ញុំតំណាងឲ្យមន្ទីរពេទ្យអបអរសាទរដល់អ្នកនាង" គ្រូពេទ្យនិយាយ។
"អរគុណលោកគ្រូពេទ្យ" រ៉ូសញញឹម។
"បើស្ថានភាពល្អខ្ញុំគិតថាពីបីថ្ងៃទៀត គឺអាចចេញពីពេទ្យបានហើយ សម្រាប់រឿងលំអិតចាំគ្រូពេទ្យបេះដូងនាងមកបកស្រាយបន្តិច"
"អរគុណលោកគ្រូពេទ្យ" ឈិតនិយាយ។
"សម្រាកចុះ" គ្រូពេទ្យបានចេញទៅ។ បន្ទាប់មករ៉ូសក៏បានសើចយ៉ាងក្អាកក្អាយជាមួយឈិតឯឈិតបានអង្គុយលើគ្រែរួចនិយាយទៅកាន់រ៉ូស។
"ខ្ញុំយល់ថាប៉ុន្មានថ្ងៃនេះឯងកាន់តែសើចគឺកាន់តែមានសុខភាពល្អហើយ"
"ប្រាកដហើយខ្ញុំប៉ិសឈានជើងចូលក្នុងមឈូសទៅហើយ តែទេវតាមិនដាច់ចិត្តទេ" រ៉ូសសើច។
"ចឹងត្រូវរស់នៅឲ្យបានសុខហើយត្រូវថែរក្សាបេះដូងមួយនេះឲ្យបានល្អ" ឈិតញញឹម។
"អ៎ ត្រូវហើយឈិតដឹងថាបេះដូងមួយនេះអ្នកណាបរិច្ចាកឲ្យទេ?"
"មន្ទីរពេទ្យថាឯកសារត្រូវរក្សាការសំងាត់មិនអាចប្រាប់ពួកយើងថាអ្នកណាបរិច្ចាកទេ"
"ប៉ុន្ដែយ៉ាងណាលើកនេះ ហៅថាស្លាប់ហើយរស់ឡើងវិញ" រ៉ូសសើច។
"ត្រូវហើយ...ដូច្នេះជីវិតមានតម្លៃណាស់" ឈិតញញឹមរួចក៏ទះស្មារបស់រ៉ូសតិចៗ។
"យើងគួរតែប្រាប់លីសាពីរឿងខ្ញុំទេ?" រ៉ូសនិយាយភ្លាមនោះឈិតក៏និយាយតបទៅយ៉ាងលឿន។
"គួរតែកុំអី...ចាំគ្រូពេទ្យអនុញ្ញាតឲ្យនាងចេញពីពេទ្យហើយពួកយើងទៅប្រទេសថៃជួបគេតែម្ដងទៅល្អទេ"
"អូខេ! អញ្ចឹងក៏បានដែរ"
"នាងសម្រាកសិនទៅ" ឈិតបានដាក់ឲ្យរ៉ូសគេង។
បន្ទាប់មករ៉ូសគេងលក់ឈិតបានដើរចេញទៅក្រៅទូរស័ព្ទទៅហ្វានទាំងទឹកមុខក្រៀមក្រំ។
"នៅទីនោះចាត់ការយ៉ាងម៉េចហើយ" ឈិតនិយាយ។
"គ្មានបញ្ហាអីទេរលូតល្អណាស់ចុះរ៉ូសមិនអីទេឬ?"
YOU ARE READING
បងប្អូនស្រី
Romanceប៉ារបស់លីសានិងរ៉ូសបានស្រលាញ់ហើយពួកគេក៏ចាប់ផ្ដើមមកនៅក្នុងផ្ទះតែមួយជាមួយគ្នា តើរឿងរ៉ាវនឹងទៅជាយ៉ាងណាមានតែតាមដានទាំងអស់គ្នា។
