Balas (Anak ni Randy) [COMPLETED]

BALAS:7

Si Areon akong paestoryahon diri hakdogg ko!

-------------------------------------------------------

Chapter 7: Fb name

"Talawan!"

Nadungog nakong ingon niya.

"Dili man sa talawan pud ganahan lang gyud ko na unya na."

"Daghan pa gyug palusot giatay..." hunghong napud ni Rhea.

Nahimuot kos iyang gipang-ingon. Ganina pako sigeg tan-aw sa iyaha habang gakaon ug Ice Cream niya. Cute kaayu siya ah dili gwapa kaayu.

Atong una palang nagwapahan na gyud ko niya. Sugod sa medyo healthy na lawas, puti ug kinis na kutis, taas na shine na buhok tapos seryosog mata. Kana akong type. Giamin nako na crush nako siya. Kabalo na gani akong barkada about ana. Pero ikapila na nako siya gipangita sa Facebook pero Rhea ra man akong nahibal-an wala ko kabalo sa iyang aplyedo.

Ganina pa kaayo ko gusto mangutana sa iyaha kung unsa iyang fb name para ma add nako siya pero murag maulaw man ko oy. Ing-ani diay ni.

Taod-taod nangduol iyang mga kauban. Except sa mga lalaki. Naa may kaestorya. Nadungog nako sa mga bag-ong abot na kauban ni Rhea na classmate daw to sa mga lalaki. Iyahay silag kaon sa Ice Cream taod taod nanuol pud akong mga kauban.

Syempre kaming mga ulitawo maulaw gyud mig mga dalaga ilabi na mga gwapa kaayo. Nahibal-an nako atong isa ka tabian na nagngalang Jeann na mag-ig-agaw silang tanan. Mga gwapa ning mga kaliwata. Halos pution pud gyud sila except aning Jeann morena.

"Alas sais na arat na," nadungog nakong ingon atong kauban nila na murag sharkboy ang hinapay.

"Nanawag napud sila Mama. Uli na daw ta," sabat pud atong laki nga niwangon.

Nagsige ra gyud kog tan-aw nila. Nanindog na sila para manghawa maong dali-dali pud kog tindog.

"Rhea!" Nilingi siya except sa iyang mga kauban na busy sa pakig estoryahay. Nagsiiyahay napug diskarte akong mga kauban sa iyang kauban.

"H-Huh?" Mapansin gyud nako iyang pag utal.

Ngano kaha ni? Kung buang lang siguro ko karon giisip na nako na crush pud ko ani niya kay halata man kaayu na maulaw siya dayon mautal. Pero di nalang ta. Masakitan gyapon ta. Di nako mag-assume. Pait na!

"Uhmm..." Gi check sa nako iyang mga kauban kung wa bay naminaw.

"P-Pwede ko mangayug number nimo?" Pwe, ako napo'y nautal.

Btaw, karon pa pud ko aning ngayu-ngayog number. Uhm, lisod man diay. Kulba na lami kaayu idagan.

"Uh..."

Wa na nako siya gipadayog estorya. Need nako bawion. Kabalo kong di siya komportable ato. Halata sa iyang itsura na di pud to niya gi expect na mao diay to ako iingon.

"Ah fb name nalang oh hehe..."

Nabantayan pa nako iyang pagpanlad-ok. Sorry, if I made you uncomfortable baby.

Nangalot kos kilay kay murag wa siya'y balak na mutubag. Hangtod sa gitawag na siya sa iyang mga kauban. Nakulbaan ko kay di nako makuha iyang fb name o bisag number lang. Basig dugay-dugay napud mi magkita ba sayang. Chance na unta ni.

Niduko ko. Mangayu na unta kog pasaylo pero niestorya na siya.

"Rhea..Rhea Jane Carat Banale."

Kato ra. Kato ra iyang giingon dayon nitalikod na para manguli. Success! Napa-smile ko ug wala sa oras.

"Rhea..Rhea Jane Carat Banale."

"Rhea..Rhea Jane Carat Banale."

"Rhea..Rhea Jane Carat Banale."

Nagbalik balik sa akong utok iyang ngalan hangtod sa makauli ko. Gituyo pud nako na para di nako makalimtan. Impas na! Pakaw na ta ani!

Dali-dali nakong gisearch sa akong laptop. Lowbat naman pud to akong selpon ganina pa maong di ko ka search.

Gitype nako ang ngalan na ganina pa gapa-smile nako. Tua. First honor sa line. Gipindot nako ang profile ug ni dako na siya.

Ang iyang profile. Nakapula siya ug sando samot na nagpaputi sa iyaha. Naa siya's dagat. Halata bisag blurred kay IPhone ang camera. Naklaro nako ang pamilyar na balas sa Tukuran.

----------------------------------------

Wa ko kabalo ngano gamay ra ning chaptera. Basta mao na ni.
Pakaw na pakaw!

Merry Christmas diay sa tanan. Date check: December 25,2021
Today is my 1st anniv. as a writer in this acc. lols naka English nuon ko.