Husband is great black belly (Myanmar Translation)

အထက်တန်းကျောင်းသူဘဝစတင်ခြင်း

ဆရာလည်း ရောက်လာရော စာမေးပွဲ ခန်းထဲ အပြေးအလွှားဝင်ကြပါပြီ။ကျွန်မကတော့ အေးအေးဆေးဆေးပဲ ။ကိုယ့်ထိုင်ခုံမှာဝင်ထိုင် ခဲတံ ခဲဖျက် ဘောပင် ထုတ် ၊ ဖြေဆိုခွင့်ကတ် ထုတ် ပြီး တည်တည်ငြိမ်ငြိမ်ထိုင်နေလိုက်တယ်။စာမေးပွဲမဖြေခင်တုန်းက ကျွန်မအတွေးတွေထဲမှာ ကန်ယု ရယ် မဖြေဖြစ်ခဲ့တဲ့ စာမေးပွဲ အကြောင်း တွေ ကြီးစိုးနေခဲ့တာ။ ဆရာလည်း ရောက်လာရော ကျွန်မ အကုန် မေ့ပစ်လိုက်ပြီး သက်ပြင်းရှည်ကြီး ချလိုက်မိတယ်။ ခေါင်းလောင်းလည်း တီးရော ဆရာက မေးခွန်းစာရွက်တွေ ဝေပေးပြီး ကိုယ့်စာရွက် ကို ရတာနဲ့ စဖြေလိုက်ပါတော့တယ်။

စာမေးပွဲက ခြောက်ဘာသာ ဖြေရတယ်။စုစုပေါင်းအမှတ်က ၅၁၀ ။တရုတ်၊ သချာ်၊အဂ်လိပ် က တစ်ဘာသာကို ၁၂၀ မှတ်၊ ရုပ ၊ဓာတု ၊လူမှုရေး က တစ်ဘာသာကို ၅၀ မှတ်။  တစ်ရက်ကို ၂ဘာသာ နှုန်းဖြေရတယ်။ စာမေးပဲဲပီးတော့ မေးလေ့ရှိတာက

  "စာမေးပွဲအခြေအနေ ဘယ်လိုလဲ "

အရိုးသားဆုံးပြောရရင် အခြေအနေကောင်းတယ်ဆိုတာကို ကြားချင်လို့ပါ။ဒါပေမယ့် Xu Ying ကိုမေးရင်တော့ အခြေအနေမကောင်းဘူးပဲ  ဖြေပါလိမ့်မယ်။ အဲ့လိုပြောတယ်ဆိုရင် သူမ ကောင်းကောင်း​ဖြေနိုင်လို့ပါပဲ။ တော်တဲ့ကျောင်းသားတွေက အဲ့လိုပဲ။ဖြေနိုင်ရဲ့သားနဲ့ မဖြေနိုင်ဘူးလို့ အမြဲပြောလေ့ရှိကြတယ်။
ဒါကြောင့်မလို့ တရုတ်ကျောင်းသူ  ကျောင်းသား တွေ ရဲ့ အလိမ်အညာစကား ဆယ်ခွန်း  လို့ ပြောကြတာပဲ။
သုံးရက်ပြည့်သွားတဲ့နေ့မှာတော့ စာမေးပွဲလည်း ပြီးပြီ။ကျောင်းသားတွေအနေနဲ့ ပထမဆုံး လုပ်ရမှာက စာအုပ်တွေ ဆုတ်ဖြဲပစ်ဖို့ ဒါမှမဟုတ်ရင် ရောင်းစားဖို့ပဲ။ ကျွန်မကတော့ အဖွားကို မီးမွှေးဖို့ပေးပစ်လိုက်တယ်။ ဘာလို့လဲဆိုတော့

ကျွန်မ စာအုပ်တွေကို အရမ်းမုန်းတယ်။....

ဂျူလိုင်လ လယ် မှာ ကျွန်မ ကျောင်းပြန်တက်တယ်။ ဆရာကလည်း အမှတ်စာရင်းတွေ ထုတ်နေပြီ ပြောပါတယ်။ အမှတ်စာရင်းမထွက်​​ေ သး တဲ့  ကြားကာလအဲ့ဒိနေ့ရက်တွေက. ကျွန်မတို့အတွက် စိုးရိမ်ကြောင့်ကြရဆုံး အပင်ပန်းရဆုံး နေ့ရက်တွေပါပဲ။  ကျွန်မ အမှတ်တွေကို မြင်လိုက်ရတဲ့အချိန် ဆွံ့အ သွားမိတယ်။
 
မဖြစ်နိုင်လိုက်တာ.....ဘယ်လိုဖြစ်နိုင်မှာလဲ။....
မဟုတ်သေးပါဘူး.မျှော်လင့်ချက်ရှိသေးတယ်....

ဂျူလိုင် ၂၈ရက်နေ့......