Husband is great black belly (Myanmar Translation)

အပိုင်း ၄၉

#unicode

ကျွန်မ ဆေးရုံကနေ ဆင်းခွင့်ရခဲ့ပါပြီ။ အိမ်ရောက်တော့ ကျွန်မ လိမ်မာစွာနဲ့ပဲ စားလိုက် အိပ်လိုက်လုပ်နေပါတော့တယ်။အဲ့ဒိတော့ ဆက်ပြီးတော့သာ ဝနေပါ​တော့တယ်။ ဒါပေမယ့် မတက်နိုင်ဘူးလေ။ကျွန်မ ထမင်းနည်းနည်းစားတာနဲ့ ကျွန်မမိဘတွေက
အထိတ်တလန့်ဖြစ်ကုန်ကြပါတယ်။ဘာလို့လဲဆိုတော့ ကျွန်မ ဝိတ်ချဖို့ အကြံထုတ်နေပြန်ပြီလို့ တွေးနေကြလို့ပါပဲ။ကျွန်မကတော့ မလုပ်ရဲတော့ပါဘူး။ သင်ခန်းစာ ကောင်းကောင်းရသွားပြီနောက် ကျွန်မ diet ဆိုတာနဲ့ ဝေးဝေးရှောင်နေပါတော့တယ်။

ဒါကြောင့် ကျွန်မ စားလိုက် အိပ်လိုက်နဲ့ ဝက်တစ်ကောင်လို ရှင်သန်နေထိုင်နေပါပြီ။

မျက်တောင်တခတ်အတွင်းမှာပဲ ဆောင်းရာသီကုန်လွန်ပြီး နွေဦးရာသီသို့ ရောက်ရှိလာခဲ့ပြီ။ဒီနှစ်နွေဦးရာသီမှာ ကိစ္စနှစ်ခု ဖြစ်ပွားခဲ့ပါသည်။

ပထမကိစ္စ ကျွန်မတို့ရဲ့အိမ်​​ နေရာကို အစိုးရ ဖျက်သိမ်းလိုက်ပြီး ကျွန်မတို့ကို အဆင့်မြင့်အိမ်ရာတိုက်ခန်းကိုပြောင်းရွှေ့ခိုင်းခဲ့ပါတယ်။ကျွန်မရဲ့အဖေက နွေဦးရာသီအတွင်း ပြောင်းရွှေ့ချင်ခဲ့လို့ ဆွေမျိုးတွေကို အကူအညီတောင်းပြီး အမြန်ပြောင်းရွှေ့ကြပါတော့တယ်။ကျွန်မက အခုမှ နာလန်ထခါစ ပဲဖြစ်သေးလို့ အဖေနဲ့အမေ က ကျွန်မကိုအရမ်းဂရုစိုက်​ပြီးဘာမှမခိုင်းပါဘူး။ယန်ယန်ကပဲ ဒိုင်ခံသူ့အခန်းရော ကျွန်မအခန်းကိုပါ သန့်ရှင်းရေးလုပ်ပြီး ပစ္စည်းတွေသိမ်းဆည်းပေးရပါတော့တယ်။အဲဒိနေ့တွေဟာဖြင့် ယန်ယန်ရဲ့ဆူပူအော်ဟစ်မောပန်းနေတာကို တွေ့မြင်ရနေခဲ့ရပါ​တော့တယ်။
ဘာပဲဖြစ်ဖြစ် ကျွန်မကိစ္စမဟုတ်ပါဘူးလေ။ကျွန်မ ဘာမှမလုပ်ရတော့ ပျော်ပျော်ပဲ  ကန်ယုနဲ့ခိုးပြီး သွားတွေ့နေလိုက်ပါတော့တယ်။
သုံးဆယ်ရက်နေ့ နှစ်သစ်ကူးအကြိုနေ့ တွင် ကျွန်မတို့အိမ်ပြောင်းတာပြီးစီးပါတော့တယ်။အိမ်သစ်ကို မြန်မြန်ပြောင်းရတာဖြစ်လို့ မေမေက အသီးအရွက်​​​ေတွ အသားေတွ ဘာမှမဝယ်ခဲ့ရပါဘူး...ဒါကြောင့်မို့ ကျွန်မတို့ဘာမှ ချက်ပြုတ်မစား​တော့ပဲ မုန့်ထုပ်ကိုယ်စီနဲ့ TV မှာလွှင့်နေတဲ့ နှစ်သစ်ကူးအစီအစဥ်ကို တူတူကြည့်နေခဲ့ကြပါတယ်။၁၀ နာရီ မထိုးခင်မှာပဲ အိမ်ကလူတွေအားလုံးပင်ပန်းပြီး အိပ်ပျော်သွားကြပါတော့တယ်။