Husband is great black belly (Myanmar Translation)

အပိုင်း ၄၅

#unicode

မဖြစ်ဘူး မဖြစ်ဘူး ကျွန်မ ဝိတ်ချမှဖြစ်မယ် မဟုတ်ရင် အဲ့အသားတုံးနှစ်လုံးကို ထမ်းနေရတာနဲ့ ပစ်လဲနိုင်တယ်
ဒါကြောင့်မလို့ ကျွန်မ ရဲ့နေ့စဥ်အလုပ်တွေက သူများတွေထက်လျှော့စားတယ် လေ့ကျင့်ခန်းတွေလုပ်တယ် ကြိုးခုန်တယ်  မဟုတ်ရင် ကျွန်မရဲ့ခွေးလေးနဲ့အတူတူ အပြင်မှာ ပြေး တယ်။လျှာမထွက်မချင်းပြေးတာနော် သေအောင်မောလို့ လျှာထွက်ပြီးဆိုမှ အိမ်ကိုပြန်တာ ။
ဆောင်းရာသီ ကျောင်းပိတ်ရက်အတွင်းကျွန်မ နောက်ထပ်၈ပေါင် လျော့သွားခဲ့တယ်။
ကျွန်မရဲ့ဗိုက်ကလေးလည်း တဖြေးဖြေး ချပ်လာပြီး   အသားတွေရှိနေသေးပေမယ့်လည်း အဝတ်အစားဝတ်ရင် ချပ်ရပ်ပြီး အရင်လို ဗိုက်မထွက်တော့ပေ။
အဝတ်တွေချွတ်လိုက်ရင်​တေ့ ကျွန်မဝနေတာက သိသာနေတုန်းပါပဲ။
အရပ် ၁၆၈ cm အလေးချိန် ပေါင်၁၄၀
ကျွန်မအတွက် ဝနေတုန်းပါပဲ။ရလဒ်တွေပြောင်းလဲ ဖို့ ကျွန်မ ပြင်းပြင်းထန်ထန်ကြိုးစားခဲ့ရတယ်။အစကတော့ ကျွန်မ အဆီတွေကို ဖြေးဖြေးချင်း ချသွားမလို့ပဲ ။ကျောင်းပိတ်ရက်အတွင်း ကျွန်မကျောင်းကို ပြန်လာခဲ့ရတယ်။ကန်ယု ကျောင်းပြန်တက်နေရတော့ သူနဲ့တွေ့ဖို့အတွက်လေ။ဒါကြောင့်မလို့ ကျွန်မ သူနဲ့တွေ့ဖို့ ကျောင်းပန်းခြံမှာချိန်းထားတယ်လေ။ကန်ယုရဲ့အတန်းမှာxiao fanနဲ့ Cao min ရှိတော့ ကျွန်မက ဘာမှမဖြစ်ဘူးတွေးပြီး ကျောင်းထဲကိုဝင်လာခဲ့မိတယ်။ကျွန်မ အတန်းရှေ့မှာ ရပ်နေခဲ့ပြီး ခနချောင်းကြည့်မိပေမယ့် ကန်ယုရဲ့အရိပ်ကိုတောင် မတွေ့ခဲ့ရပါဘူး။သူဘယ်သွားလည်း မသိသလို။xiao fan ကိုလည်းမတွေ့ခဲ့ဘူး။ဆရာလည်းမရှိဘူး။ကျွန်မ ဆန်ပြုတ်ကို မွှေနေတဲ့ဇွန်းလို ရှုပ်ထွေးသွားခဲ့တယ်။Cao min က ကျွန်မကို မြင်သွားခဲ့ပြီး

"ဖူ ကျင်း... "

ကျွန်မ ချွေးအေးတွေစီးကျလာခဲ့တယ်။ဒီကောင်စုတ် လေး ကျွန်မရဲ့နာမည်ပြောင်ကို မှတ်မိနေသးတယ်။.......

သူမ ကျွန်မနာမည်ကိုအော်ခေါ်လိုက်တာနဲ့ တတန်းလုံး ကျွန်မကို ဝိုင်းကြည့်လာခဲ့ကြတယ်။ကျွန်မ အတန်းရှေ့မှာ မျက်နှာနီရဲပြီး တောင့်ခဲစွာ ရပ်နေခဲ့မိတော့တယ်။ရုတ်တရက်ကျွန်မ အတန်းထဲ့ကနေ မိန်းကလေးတစ်ယောက်ရဲ့အသံကို ကြားမိလိုက်တယ်။