Husband is great black belly (Myanmar Translation)

အပိုင်း ၅၄

#unicode

အိုးရန်မြောင်မြောင်  ...အရှုံးကိုသာဝန်ခံလိုက်ပါတော့ဟာ.....နင်က ကန်ယုရဲ့ပြိုင်ဖက်မဟုတ်ဘူးဆိုတာကို..လက်ခံလိုက်ပါတော့...ဘယ်တော့မှ ဘယ်တော့မှ နင် ပြိုင်နိုင်မှာမဟုတ်ပါဘူး......

သည်းမခံနိုင်လွန်းလို့ ငိုချင်နေပါပြီ....

....................******....................................

ဒီလကုန်ရင် ခရစ္စမတ် ရောက်ပြီလေ။ခရစ္စမတ်အကြိုနေ့မှာ အန်ကယ်ရှန်က ကန်ယုကို မျက်လှည့်ပွဲလက်မှတ်နှစ်ခု ပေးလာခဲ့ပါတယ်။တစ်ခုက ကျွန်မအတွက်ဆိုတာ အသေအချာပဲပေါ့။

ပိုစတာကြည့်လိုက်တော့ အဲ့မှာရေးထားတာက မျက်လှည့်ပညာရှင်က ဂျပန်က လာတာလို့ပြောထားတယ်။ကြားရတာကတော့ အဲ့မျက်လှည့်ပညာရှင်က ဂျပန်နိုင်ငံရဲ့အတော်ဆုံးထဲက တစ်ယောက်လို့ပြောတယ်။အဲ့ဒိအချိန်တုန်းက ဒေးဗစ်ကိုပါဖီး  က အရမ်းနာမည်ကြီးနေခဲ့တော့...အဲ့ဒိမျက်လှည့်ပွဲရဲ့ လက်မှတ်တွေက စျေးကြီးပေမယ့်လည်း sold out ဖြစ်ခဲ့ပါတယ်။အန်ကယ်ရှန်က အဲ့ဒိလက်မှတ်တွေကို သူ့ရဲ့ဂျပန်လူမျိုးသူငယ်ချင်းက လက်ဆောင်ပေးခဲ့တာတဲ့။အန်ကယ်ရှန်က အဲ့လိုပွဲတွေကိုစိတ်မဝင်စားတော့ ကန်ယုကို ပေးလာတော့ ကျွန်မအနေနဲ့
ဆင်ဖြူတော်ကိုမှီပြီး ကြံစုပ်ရတာပေါ့နော်။

အဲ့ဒိပွဲကို Hong Kou. အားကစားကွင်း ထဲမှာ ကျင်းပမှာပါ။ည ၇နာရီ စမှာပေါ့။ဒါကြောင့် ကျွန်မနဲ့ကန်ယု ၄နာရီကတည်း ထမင်းစားပြီး ထွက်လာကြပါတယ်။ကျွန်မတို့စောစောထွက်လာရတာက bus ကား သုံးဆင့်စီးရတာမလို့ပါ။ပွဲ နောက်ကျမှာစိုးတာလည်း ပါတာပေါ့။

အစကတော့ ကန်ယုက သိပ်စိတ်မပါဘူး။သူက ဂျပန်လူမျိုးတွေကို မုန်းတယ်တဲ့။ဒါပေမယ့် ကျွန်မ အရမ်းတောင်းဆိုလွန်းလို့......နောက်ဆုံးတော့ ကျွန်မတို့နှစ်ယောက် အားကစားရုံ ရှေ့ကိုရောက်ရှိလို့လာပါပြီ။ရှန်ဟိုင်းက လူတွေက လူစုလူဝေး လုပ်ရတာကို ကြိုက်ကြတယ်။နိုင်ငံခြားကလာကျင်းပတဲ့ပွဲတွေရောပေါ့။နာမည်ကြီးတဲ့သူပဲဖြစ်ဖြစ် မကြီးတဲ့သူပဲဖြစ်ဖြစ်.... လူတွေက အမြဲပြည့်ကြပ်နေကြတာပါပ။လူများလွန်းလို့ တန်းစီပြီး ဝင်တာ မိနစ်သုံးဆယ်လောက်မှ ကျွန်မတို့နှစ်ယောက် အထဲကို ရောက်ခဲ့ပါတော့တယ်။ထိုင်မယ့်နေရာရှာကြတော့ဂျပန်ကောင်ချောလေးတစ်ယောက်က အကောင်းဆုံးနေရာကို ရှာပေးခဲ့ပါတော့တယ်။နေရာကကောင်းသလို စျေးကလည်း ကောင်းတယ်လေ။ ၃၈၀ယွမ်တောင်ပေးထားရတာ။ကျွန်မတို့နှစ်ယောက်ထိုင်လိုက်ပြီး ပွဲစမယ့်အချိန်ကိုစောင့်နေရင်းဘယ်ကြည့်ညာကြည့်လုပ်နေခဲ့ပါတော့တယ်။ပွဲစမယ့်အချိန်နီးကပ်လာပေမယ့်  မျက်လှည့်ပညာရှင်က ထွက်မလာခဲ့ပါဘူး။