" قبل ان تفتح صَفحة جديدة بحياتك ، تأكد أنك قرأت القديمَة جيدًا وَ تعلمت منها وَ طويتهَـا "🖤✨
بعد مرور أسبوع.....
كان منزل مريم مُنقلباً رأساً على عقب فاليوم هو اليوم المُحدد لعقد قران مريم وعمر وذلك بعد أن تحدث عمر مع والدة مريم وأخبرها بأنه لا داعي لفترة الخِطبه فهما يعرفان بعض مُنذ فترة ليست بقليله فوافقت بعد أن رأت مدى حماس ابنتها وسعادتها فماذا تُريد سوى سعادة ابنتها وراحتها
مريم بمرح: ها يا ماما كدة كويس ولا أكسر البلاط وأنضف تحته
الأم بعُجاله: يا بنتي هو دا تنضيف؟! بذمتك عمر يجي يقول علينا اي جايفين
مريم على نفس الوتيرة من المرح: وهو عمر لما هيجي هيمشي إيده على الأنتريه يشوف متلمع ولا لاء ولا يكونشي هيشيل السجاد ويقيم البلاط ممسوح ولا لاء
الأم بنفاذ صبر: لو بتشتغلي أكتر ما بتردي محدش هيبقى زيك لمعي الأنتريه كويس الوقتي تلاقي الباب بيخبط واحنا لسه مخلص... ليقطع كلامهم رنين الباب الذى صدح في المكان
أطلقت الأم شهقه: ينهار أبيض عجبك كدة دا أنتِ حتى ملبستيش ولا جهزنا نفسنا
مريم بإرتباك: بصي افتحي انتي عما ألبس
الأم: وانا هفتح كدة إزاي يعني
مريم بتردد: طب هنعمل اي أنا مستحيل أخليه يشوفني وأنا لابسه عبايه نانسي عجرم في أغنية أة ونص
ليصدح صوت ولاء ومليكه معاً على نفس الوتيرة: افتحي يا مريم الله يخربيتك هنخلل برة
أسرعت مريم بفتح الباب بعد أن اطمئنت أنها ولاء ومليكه وليس عمر
ولاء بغضب مصطنع: ساعه عشان تفتحي
مليكه بمرح: صباحك لذيذ يا طنط احنا قولنا نيجي نساعد
والدة مريم بحنان: فيكوا الخير يا حبايبي تعالوا شوفوا مقصوفه الرقبه اللي هتموتني ناقصه عمر دي
ولاء بمرح: ولا تزعلي نفسك يا طنط سيبك منها قوليلنا نساعدك في اي
والدة مريم: ولا اي حاجه يا حبايبي أنا خلصت عاوزاكم بس تاخدوا البت دي من قدامي وتظبطوها عشان عمر زمانه على وصول بالمأذون
ولاء بمرح: عُلم وينفذ يا فندم ..ثواني وسحبت مريم خلفها: دا منظر واحدة كتب كتابها النهاردة
مليكه باستعمال: فين الفستان بتاعك يا بنتي
مريم بتوتر: هتلاقيه متعلق في الدولاب
