The Song of a Willow Tree ( season 1 + 2 ) |[ COMPLETED ]|

S 1 : Ch 5

[Unicode]

Song of A Willow Tree
____________________

ပန်းတို့အတိပြီးသော ကျောက်ဂူ……။
ရောင်စုံပန်းပွင့်များ၏ သင်းပျံ့ပျံ့ရနံ့က လေအလွှာကို လွှမ်းခြုံထားသည်…။

ပန်းပွင့်များစုပြုံပေါက်ရောက်ရာ ပန်းမွေ့ယာပေါ်တွင် တစုံတယောက်လှဲလျောင်းနေသည်… ။ရှင်းလင်းသော နဖူးပြင်ပေါ်သို့ ဆံသားနက်နက်များက အရိုင်းဆန်စွာ တစွန်းတစဝဲကျနေသည် ။အကြောစိမ်းများထောင်ထနေသောလက်မောင်းတဖက်က ကိုယ်လုံးသေးသေးလေးကို လွတ်ထွက်သွားတော့မည်လို သိမ်းဖက်လျက်… ။

သန်မာသော ရင်အုပ်ကျယ်ကျယ်ပေါ်တွင် နုညံ့သော လက်သွယ်သွယ်လေး တစ်ဖက်က နေရာယူသည်… ။ ပေါင်တံဖြူ သွယ်သွယ်တဖက်က ကြွက်သားအပြည့်နှင့် သန်မာသော ပေါင်တံများကို ဖက်တွယ်လိုက်သည်……။
အသက်ရှူ သံတစ်စုံက အနိမ့်အမြင့်မှန်ကန်နေသည်… ။ လှပသောအိမ်မက်များကြောင့် မျက်နှာလေးများက လတ်ဆတ်စွာ ပြုံးရွှင်လျက်… ။

လမင်း၏ အရောင် သိသိသာသာဖျော့တော့သွားချိန်အထိ ဓားသွားကို ဖက်တွယ်ထားသော ဖယောင်းပန်းနွယ်လေးကဲ့သို့ကြေးနီရောင်သမ်းသောကိုယ်လုံးကြီးကို နုနယ်လှပသော အဖြူ ရောင် ကိုယ်လုံးငယ်က ဖက်တွယ်ထားလျက်ပင် ရှိသေးသည်  ။

လမင်း၏ အရောင်က ဖျော့တော့သည်ထက်ဖျော့တော့လာသည် ။စောင့်မျှော်နေသော နှစ်ဖက်မိဘတို့၏ နှလုံးသားများ သည်လည်း လေးလံသည်ထက် လေးလံလာတော့သည် ။
_____________

"မနက်ဖြန်… ပြန် တွေ့ကြမယ်………"

လေးလံသော စိတ်များဖြင့် နှစ်ဦးသား မျက်ဝန်းချင်း စုံမိကြသည် ။လက်ချင်းယှက်ထားလိုစိတ်က ယနေ့မှ အကဲပိုနေသည် ။

နှုတ်ခမ်းနှစ်စုံကို စိတ်မပါ့တပါ ခွဲခွာခဲ့သည်မို့ဘတ်ဟျွန်း မျက်နှာလေးက ငိုမဲ့မဲ့ ။ မှော်စည်းတဖက်ခြမ်းသို့ ပြေးဝင်ပျောက်ကွယ်သွားသောဝံပုလွေကြီးကို မြင်ယောင်ရင်း လေဟုန်ကို ဆန်ကာ အိမ်သို့ပြန်ခဲ့သည် ။
မျက်ရည်တို့ ဝေ့ဝဲနေသော မျက်လုံးလေးများဖြင့် ပြတင်းပေါက်ဘောင်ပေါ် ထိုင်မိသည် ။ပေါင်တံသွယ်သွယ်လေးများကို ငုံ့ကြည့်မိတော့သူ့လက်ချောင်းရာတို့ အထင်းသား ကျန်ရစ်နေပါလား ။