[Unicode]
( Unedited Version !!)
Song of A Willow Tree
_______________________
" အားးးး…… "
နာနာကျင်ကျင် အော်ဟစ်လိုက်သော အသံတစ်
ခုကို ခေါင်းဆောင်ကြီး ကြားလိုက်ရသည်… ။
ဘေးနားတွင် ထိုင်နေသော အိမ်တော်သား
များက မည်သည့်အရာကိုမှ မကြားလေဟန်
ငြိမ်သက်လျက်… ။
အကြားအာရုံ၏ လှည့်စားခြင်း ဖြစ်ပေလိမ့်
မည် ဟု မှတ်ယူကာ အစည်းအဝေးဆီသို့
အာရုံထားလိုက်သည်… ။
" အားး…… စူးရှလိုက်တာ……
ဒါ…… ဘာနံ့လဲ…… "
အကြီးတော်တဦး၏ စကားနှင့်အတူ အစည်း
အဝေးခန်းတွင်းရှိ အိမ်တော်သားအားလုံးက
လည်း နှာဝကိုယ်စီကို အုပ်ကာနေကြသည်…။
နှာဝသို့ ကျီစယ်လာသော အနံ့စိမ်း တစ်ခုကို
သတိထားမိသည်… ။ မြေသင်းနံ့ရောသော
ထင်းရှူးခေါက်နံ့စူးစူးက နို့ရည်စမ်းသော
စတော်ဘယ်ရီသီး၏ ရနံ့နုနုလေးတွင် ကပ်ပါ
နေသည့် ရနံ့…… ။
အတိအကျ ဆိုရလျင်…
ငယ်ငယ့်ကိုယ်နံ့တွင် တခြားသော အနံ့တစ်ခု
ကပ်ပါနေသည်မျိုး … ။
* ငယ်ငယ် သူ့ကို လက်ခံလိုက်တဲ့နေ့ ...
ငယ်ငယ့်ကိုယ်ပေါ်မှာ သူ့အနံ့စွဲသွားလိမ့်မယ် *
*ငယ်ငယ် သူ့ကို လက်ခံလိုက်တဲ့နေ့ ...*
*သူ့ကို လက်ခံလိုက်တဲ့နေ့ ...*
မိမိကိုယ်တိုင် ပြောခဲ့ဖူးသော စကားကို ပြန်
ကြားယောင်မိသည်။ ချောက်နက်ထဲသ်ို့ ပြုတ်ကျ
သွားသည့် ခံစားမှုမျိုးကို ခေါင်းဆောင်ကြီး
ခံစားလိုက်ရသည်… ။
အစည်းအဝေးခန်းမှ ထကာ ငယ်ငယ်ရှိနေမည့်
အနောက်ဆောင်ဆီသို့ ပြေးခဲ့သည်… ။ နှုတ်
မှလည်း စကားတစ်ခွန်းကို အပြန်ပြန်အလှန်
လှန် ရွတ်ဆိုနေမိသည်… ။
" မိုက်လိုက်တဲ့ ငယ်ငယ်…… "
အနောက်ဆောင်၏ လှေကားထစ်များပေါ် ခြေ
ချ မိသည်…။တစ်ထစ်တက်လေ စိမ်းသက်သော
ထိုအနံ့က ပိုစူးရှလာလေ…… ။အတွင်းမှ ပိတ်
ထားသော တံခါးကို သော့ပိုဖြင့်ဖွင့်လိုက်သည်။
စူးရှသော ကိုယ်နံ့နှင့်အတူရောပါလာသော
သွေးနံ့လတ်လတ်ဆတ်ဆတ်က အခန်းတွင်း
မွှန်ထူလျက် ရှိသည်… ။
ŞİMDİ OKUDUĞUN
The Song of a Willow Tree ( season 1 + 2 ) |[ COMPLETED ]|
Gizem / GerilimWeeping Willow, stop your tears; There's something to stop your fear. You think death as you do forever part; I know he'll always be in your heart.
![The Song of a Willow Tree ( season 1 + 2 ) |[ COMPLETED ]|](https://img.wattpad.com/cover/242414112-64-k675630.jpg)