"ကျောင်းဖွင့်ရက်တောင်နီးလာပြီ"
"ခင်တို့ရန်ကုန်ပြန်ရတော့မှာပဲ"
"မပြန်ချင်သေးဘူးခင်ရယ်"
"တူတူပါပဲ နွယ်ရယ်"
ဖိန်းနွဲ့ခါဆိုလျှင်ကျောင်းတော်ကြီးတောင်ပြန်ဖွင့်တော့မည်။စစ်ကိုင်းမြို့လေးမှထွက်ခွာ၍ရန်ကုန်မြို့သို့အရောက်လှမ်းရတော့မည်။စစ်ကိုင်းမြို့တွင်လည်းလည်ပတ်သင့်သလောက်လည်ပတ်ကြည့်ခဲ့ပြီးပြီ။ပြန်ချိန်သင့်ပြီထင်ပါတယ်။
~~~~~~~~~~~~~~~~~~~~~~
တီ တီ တီ
"ဖြူရေထတော့ ထတော့ ရန်ကုန်ပြန်ရောက်ပြီ"
"သိပ သိပ ဒီလောက်ပူအိုက်နေတာနဲ့ပြန်ရောက်မှန်းသိနေပြီ"
"ကဲ ကဲ မြန်မြန်ပြန်ရအောင်အဆောင်ကို တော်ကြာနောက်ကျနေဦးမယ်"
သိပ်မကြာခင်အချိန်အတွင်းမှာပဲလွမ်းဆွတ်တမ်းတနေရသောကျောင်းတော်ကြီးသို့ရောက်ရှိခဲ့လေပြီဖြစ်သည်။ထို့နောက်အဆောင်သို့သာပြန်လည်ရောက်ရှိလာခဲ့ပြန်သည်။
"အော်...နွယ်တို့တောင်ပြန်ရောက်လာပြီလား"
အဆောင်တွင်ကျွန်မတို့နှင့်နည်းတူနေထိုင်သောမိန်းကလေးထံမှထွက်ပေါ်လာသောစကားသံပင်။
"ဟုတ်တယ် နွယ်တို့အခုပဲပြန်ရောက်တာ"
"ဟုတ်လား ဒါနဲ့နွယ့်ဆီကိုစာတစ်စောင်ရောက်လာသေးတယ်"
"..."
"ခဏလေးနော် သွားယူပေးမယ်"
စာရောက်လာသည်ဆိုသောကြောင့်ကြောင်မိသွားသည်။သို့ပေမဲ့စာပို့မည့်လူမှာမေမေလွဲ၍အခြားလူမရှိချေ။
"ဒီမှာ ဒီမှာ"
"ကျေးဇူးပါရှင်"
"ရပါတယ်ရှင် ဒါဆိုကျွန်မကိုသွားခွင့်ပြုပါဦးနော်"
"ဟုတ်ကဲ့ပါရှင့်"
အခန်းထဲရောက်မှစာကိုဖွင့်ဖောက်ကြည့်မိတော့ထင်ထားသည့်အတိုင်းမေမေ့ထံမှဖြစ်သည်။သို့သော် စာပါအကြောင်းအရာများကြောင့်ထိတ်လန့်မိသွားသည်။တစ်ခါမှမထင်မှတ်ဖူးသောအကြောင်းအရာများပါလေ။
YOU ARE READING
ပန်းပန်လျက်(Complete)
General Fiction1980 ဝန်းကျင် ရန်ကုန်တက္ကသိုလ်ကျောင်းဝန်းကြီးထဲမှမိန်းမပျိုလေးနှစ်ဦး၏ချစ်ခြင်းကိုဖော်ကျူးပြသထားခြင်းဖြစ်ပါသည်။ Artist - Pann Eain 1980 ဝန္းက်င္ ရန္ကုန္တကၠသိုလ္ေက်ာင္းဝန္းႀကီးထဲမွမိန္းမပ်ိဳေလးႏွစ္ဦး၏ခ်စ္ျခင္းကိုေဖာ္က်ဴးျပသထားျခင္းျဖစ္ပါသည္။ Artist...
