حبة مشاعر 3

لهفة البدايات الكذابه

لحضات السعاده معدوده بحياتنا ما اعرف ليش ما نستغلها استغل لحضات فرحك الي تعلمته لو تحب شخص وتشوفه يسوه كل محاولاتك وحبك حارب واستمر وياه حاول ولا تفكر اذا راح تنجح لو لا المهم حاول هذا الكلام سمعته من اعز شخص على كلبي ونصحني ، حاول ومن دون مقابل اذا ضبطت اتكون ربحت حب حياتك واذا ما ضبطت اتكون ربحت شخص حباب وصديق لطيف وخلص ، بالنهايه لو شنو مصار حاول وحاول وحاول للشخص الي تحبه ورجاءا رجاءا بطلوا سالفة لا خلص تعبت وسوالف الجهال الي اغلبنه نسويها مال اثكل ولا لازم اصير ثكيل خليك معتدل ولا تفقد الأمل وخلي ثقتك برب العالمين وبحبك اكبر من هل بُعد ومن هل خربطه وصدكني هي راح تجيك مثل متحب يجوز وره فتره يجوز وره مده و يجوز تتعوض بالاحسن منها بس اتفائل لان اكيد الجاي احلى....

كمت من هل حادث واني رجليه ما تتحرك لفتره مؤقته جنت متأذي  مجروح بس جان احلى شي صار بحياتي لان هبه ضلت ويايه وكلتلي انها تحبني بقت ويايه لحد مرجعت وكفت على رجلي وصرت امشي جانت لحضات من حلاوتها معرفت شون عدت الشخص الي جنت اتمنى اكعد واحجي وياه صار يكولي حبيبي وحياتي ويوصلني ويفرني ويلزم ايدي ويكون ويايه بكلشي الشعور جان من أروع ما يمكن وصلت لدرجة كلت خلص اني اريد بس هذا النصيب من السعاده الي يصير ويه هبه وخلص ما اريد اي انجاز ثاني ولا اي شي بس انو ننجمع سوه...