حبة مشاعر 3

لهفة البدايات الكذابه

ساااارا هاي جانت انتقاله غريبه بحياتي يمكن الواحد من يلكه احد يهتم بيه ويحاول انو يعرف شبيه ويسبق الكل حتى يسال عنه او يحاول وياه هي الي تخلي الواحد يكووون قوي ويتخطى اي شي بحياته ممكن يكون صديق او صديقه او اخ او اب او ام مهم يكون شخص من صدك مهتم الك ويحاول وياك يخليك تطلع من الي انت بيه

احيانا الواحد سكوته مو معناه انه قابل نوبات سكوته معناه انه تعب ،تعب من المحاوله تعب من الصبر تعب من خيبة الأمل الي تجيه كل يوم
الواحد يعيش ويحاول علمود بالاخير يلكه مقابل يلكه الي يقدر كل الي جاي يسويه بس فجأه وبعد عدة محاولات ما لكيت منها اي مبرر تحس روحك انو خلص تعبت تحس بأنو محد يسوه الي تسويه أو يسوه محاولاتك أو مبادراتك أصعب لحضه لمن ينكسر بيك شي نوبات الأمل ونوبات الحب ونوبات مشاعرك ونوبات الي ينكسر بيك كلبك ينكسر الشي الي جان مسؤول عن كل هل شغلات تحسه تعب أو انخذل أو توهم بس هي فتره تعيشها بتعب وراح تتخطاها لان الدنيا عمرها مجانت بهل قساوة دائما لو بتعد عنك شي اكيد راح يكون هل شي المصلحتك واكيد راح تتعوض بالاحسن منه 

راحت ايام واجت ايام و سارا هاي عرفت كلشي عني بجت وضاجت وتعصبت على كل الي سوووه شون اكو هيج ناس وشون يفكرون هيجي وشون هي ما اجت ولا حجت ويايه وشون هيج عادي نست كلشي وراحت بس كلتلي نفس الشي كالت كلشي قسمه بهل حياة يعني مو شرط كل شي يروح منه يعني احنه غلط لا نوبات احنه نخسر ناس لانو احنه صح ومنستاهل هل ناااس خلتني اتاكد انو الغلط مو بيه ولا بحياتي الغلط بهذوله القله من الناس الي مفكرين انو الحياة تمشي لان احنه معروفين النسب او احنه من عوائل معروفه الانسان الصح هو الشخص الي يكدر من بين كل الضروف الي حواليه يطلع ويكمل حياته ويبني مستقبله ويأمنه
اكتشفت بعد كلشي اني كسبت من هل عقبه الي صارت بحياتي قوة الي خلتني اكمل
بالنهايه محد يموت بدون احد ولا احد يموت بسبب حبه احنه نقوه بكل مره ….
نقوه من ضروف من الحياة من المشاكل من المصايب من الفقد ومن الانكسار ومن الناس الصح والغلط من كلشي نتعلم شي يفيدنه او يغيرنه او يخلينه نكتشف نفسنه