حبة مشاعر 3

لهفة البدايات الكذابه

موقعنا وهم خبروا الشرطه وكالو باجر راح نجي ناخذكم لا تخافون بس هبه جانت تعبانه من ركض والخوف بالنهايه مشينه هوايه وركضنه لهذا جانت تحس بوجع بكل جسمها...

اجت الشرطه و وصلوا النه طلعنه منها بقصة حب حلوه قصة حب الي كملت كل الي جنت خايف ابينه أو خايف اسويه صار

احلى شعور يوم تحصل على الي تحبه وتشوفه يحبك هنا ولمن افترقنا حسيت بشعورين مختلفين شعور حلو انو خلص انتهى كل الخوف الي جنه نحس بيه والايام الي بعدنه بيها عن اهلنه وشغلنه وجنه مضامنين حتى روحنه ، وشعور الحزن انو خلص راح ابتعد عن هبه الي تعلقت بيها اكثر هنا وحسيت انو قصتي خلصت يجوز المشاعر الي جانت بينه هي مجرد مشاعر خوف وقلق لهذا خفت لا تتوقع انو مشاعري جانت بس حتى اهون عليها

الأمل
الشعور بالامل بعد طول غياب من أحلى ما يمكن نوبات توصل لمرحله تيأس من كل شي تصير واصل مرحله انو خلص لا كلشي انتهى بس لا الي يرجعك إيمانك القوي وثقتك بالله وبحبك نوبات من شدة تعلقك بالشخص تنسى شنو معنى كلمة نسيان أو تخطي انو توصل مرحله خلص لا ، الي أريده هو لازم احارب لازم احاول على امل نرجع نوبات حبة مشاعر ونضرات وتصرفات وحتى كلام يخليك فرحان ويرجعلك الأمل نوبات مجرد كلمه او حتى عباره أو خطوه ترجعلك الأمل الي جنت ساعات وأيام وشهور وسنين تنتظره...
شعور الطمأنينه الي تأخذه من شخص تحبه من الطف ما يمكن يكون احلى شعور بحياتك احلى لحضات واحلى مواقف يوم تضل متعرف شتسوي ومرتبك من كل الي جاي يصير الشعور بالحب بعد غياب من الشخص الصح من الطف واحلى من يمكن السعاده الي تشعر بيها عمرك مراح تعيشها لحضات تعيشها بكل تفاصيلها ودقايقها وثوانيها ومشاعرها تحس بيها كامل...