حبة مشاعر 3

لهفة البدايات الكذابه

انطونه عطله حتى نرتاح من كل الي صار ويانه وبعد اسبوع اجه ابو هبه للشغل مالتنه فجأه وكال انه خلص هبه متريد تكمل بهل شغل وبعد الي صارلها جانت تريد تبتعد عن كل هل أجواء الي تعبتنه اهنا حسيت بوجع قوي بصدري ودكات كلبي الي جنت ما أكدر اسيطر عليهن حسيت للحضه برجفة الخوف رجفة انو خلص ومراح اشوف هبه مجنت متوقع اسمع هل خبر صارلي مده وياها تعلمت على طلتها تعلمت اشوفها اتعلمت نتشاقه سوه ونسولف للحضه حسيت الي نفقد جزء من جسمي حبي الها وتعلقي بيها وابتادها عني خلاني اصير مخربط ودايخ وبالي بغير مكان عدة اسابيع وما اشوف نفسي الا واني بالمستشفى وجان جاي يطلع دم من كل مكان بجسمي وراها اغمى عليه ومحسيت بشي ....

أصعب شعور تحسه من تفقد حماسك الشي من توكف بين نقطين من تحاول توصل مشاعرك بس متعرف شلون من توكف بين كلبك المكسور الي رجع نبض بالحياة وبين كل الوجع والمشاعر الي حسيتها أصعب شعور هو الشعور الي تحس بيه بعد ما تفترق عن شخص تحبه أصعب شي ممكن الإنسان يعيشه هو الشعور بالفقد الشعور الي توصله وانت بعدك مواصل للشي الي تريده شعور الخذلان من أصعب المشاعر الي يحس بيها الانسان الشعور بكل تفصيله تنهيداتك وجع كلبك ونوبات حتى دكات كلبك تحسها دك بكل مكان بجسمك نوبات الإنسان يخسر ونوبات تكون بدايه للحياة الجديده...

كعدت و محسيت الا واني اسمع وحده تبجي فوك راسي وجاي تدعي انو ميصيرلي شي وشويه شويه وره مفتحت عيني وإذ هي هبه ردتلي الروح للحضه نسيت كل وجعي كل همي جنت اتمنى لو متعرض الهل حادث من زمان وشايفها خايفه عليه وجاي تتمنى اكعد حتى تكولي احبك للحضه حسيت روحي بحلم جنت اسعد انسان بالدنيا واني فتحت عيني باوعت عليها جانت جاي تبجي وتدعي الله انو اكوم ضحكت وكتلها واخيرا شفتج بشكل مخربط طلعتي محلوه بالبجي وهي من سمعت صوتي وابتسمت وصارت تشكر رب العالمين لان اني مبيه شي...