حبة مشاعر 3

لهفة البدايات الكذابه

كملت شغلي ك مصور وما فاتت مده الا وصرت احسن مصور حوادث واخبار بالمنطقه مضلت وكاله او مجله او قناة اخبار ما تتصل حتى اكون جزء منهم الحمدلله الضوجه وكسرة الخاطر طلعت بشغلي والله جبرني بشغلي وخلاني باكثر من الي جنت اريده لحد الان ما انسى انو امي جانت تكولي يا ابني طالما انت صح ومشيت صح وسويت الي عليك بكلشي بحياتك صدك شويه شويه راح تحس اكو خسارات جانت خسارتها مكسب لان رب العالمين ضاملك الي احسن منها اي شي يجي من رب العالمين يكون خير الك وما تعرف شنو مضموملك وراه واني وصلت مرحله صرت واثق ومرتاح من هل شي ومؤمن بيه لدرجه صرت راضي بكل شي يصيرلي...

اوووووووه هاي تالا بنتي طول عمرها تجي وتخربلي كل الي جنت اكتبه هههههههههههههه تحب انو العب وياها ومتسوي شي بدوووني

اووووووووه ثانيه لاني نسيت اكوللكم انو اني ومن خلال مسيرتي تعرفت على صديقه ما اعرف شووون بس خلتني احجيلها كل قصتي جانت وحده ساحره بمعنى الكلمه تعرف شون تنتقي كلماتها وشون تحجي وتخليني  احجي كل الي جنت احس بيه صديقه هي مشت الحياة الي

احيانا الحب ميكون إله شخص معين نكون أغبياء لو اعتقدنه ان الحب مقتصر على حب بين ولد وبنيه احيانا حب وخوف واهتمام شخص قريب منك يكون اهم واحلى شي بحياتك
نوبات الحب يجيك على هيئة صديق ودود صديق يضحي ويحبك ويسمعك ويشاركك افراحك واحزانك صديق يسمع منك ويخفف عنك يتقبلك بعيوبك وبمميازتك على عكس اي شخص ممكن يشوف الي تسويه غلط هو يبررلك أو يفهمك أو يخليك حتى تحس بالامان يوم يفهمك ويفهم ليش انت سويت هيج 
حب مثل هيج شخص يكون من أصدق ما يمكن تحسه شخص اجاك هديه من السما هديه انت تكعد تحمد رب العالمين عليها لأنه يكملك ويدفعك ويقدمك للإمام شخص يشوف نفسه عالي لو انت ارتفعت و يكون سعيد وبقمة الفخر لمن يشوفك واصل وصاعد