الكلمات...
الكلمات من اصعب الاشياء الي مكدر اي شخص يفهمهم كلمات تنطيك الحياة وطيرك فرح وثانيه تنزلك السابع ارض الكلمات امرها عجيب شغلات تطلع منك متكدر تعرف انو شنو ممكن تسوي بالمقابيلك كلمات قادره تخليك تموووت بدون متطلع روحك كلمات الها القابليه تكسر بيك طمووحك او ايامك او احلامك او كلللللبك نكولها من دون منعرف اثرها ولا شنو ممكن تسوي بالي مقابيلنه متوقعين انو ممكن تكون صراحه او حل المشكله بس هي ممكن تكون نهاية حب شخص او شغفه كلمات نوبات نكولها من الحب بس تاذي خلونهه نكون انتقائين بكلماتنه لانها ممكن تحطم شخص كامل …
ابني ابتعد عن هبه انت مو الشخص المناسب الها وانت ادرى بظروفك منها ولو تحبها ابتعد بهدوء وخليها تكمل حياتها بسلام هي راح تاخذ ابن عمها والثنين موافقين اتمنالك انو تلكه الي تسعدك والي احسن من بنتي ما اعرف شون هزيت راسي بالموافقه واني جنت راح امووت ادري اني غلطت لان وره ما تعلقت بيها حجيت بس هيج مواضيع ما تمشي وتكولها للناس لازم يكون عندك ثقه بالشخص يله تحجيله هيج سوالف اني شعرفني انو ممكن نحب بعض جانت مشاعر من طرف واحد ما انطتني الجرئه احجي بيها الها اصلا شنو السبب الي يخليني احاجيها بهيج سوالف شخصيه كللش ومن اجت واعترفت الي بحبها وكتلها احبج مجان اكو وكت اكوللها الموضوع كضيناها علاج ومستشفى وتعب
تعرفون شنو اصعب شعور بالدنيا انك تسمع اشياء انت مجنت تريد تسمعها توكف تكول يا ريتني ما حجيت يا ريتني ما كملت يا ريتني ماحبيت يا ريتني لو مشايفها من الاول... المشاعر وخصوصا الصادقه الي من الكلب صعبه انو تغيرها او تنساها او تعبرها عادي صعبه تحب من مده والشخص الي مقابيلك يبادلك نفس الشعور ويجي يووم وفجاه يخرب كلشي اصعب شعور هو شعورك
أنت تقرأ
حبة مشاعر 3
Short Storyلهفة البدايات الكذابه... كل شخص بينه يحمل رساله النفسه للناس للايام للقدر رساله محتفض بيها الروحه كل واحد بينه عنده حياته ضروفه ومواقف تصير وياه تخليه يختار غلط او صح... رسالتي هل مره خليكم بعيدين عن لهفة البداية بالنهايه مو كلشي يلمع من بعيد الماس...
