حبة مشاعر 3

لهفة البدايات الكذابه

اليوم  اكتب هل قصه مو قصدي اشارك قصة حب وبس اليوم اني جاي اعالج مشكله بالمجتمع معظم الناس اليوم جاي يعانون منها وهو انو اكو كوومة ناس تتعاقب على افعال ناس ثانيه اليوم صارت الناس تقيم الشخص على حساب اهله او ناس حواليه اليوم صارت الناس تحكم على الشخص لمجرد انه انولد او تواجد ابيئه غير مناسبه اليوم ما احجي على اشخاص ولا قصص معينه كل السالفه مرتبطه بناس انظلمت ونحكم عليها على اساس غلط هم ما الهم اي ذنب بيه ناس انظلمت بسبب انغلاق عقل بعض الناس وبسبب احكام انفرضت عليهم ومالهم اي ذنب بيها اليوم صار لازم نحاول نغير نظرية الناس تجاه هل الشي لازم الواحد يبدي يحكم على الناس على اساس شغلها وعملها واخلاقها باليوم الي حجيت الهبه على كل الي صار بيه واني طفل لقيط وما اعرف اهلي منو ضلت صافنه ابتعدت ايام واسابيع

متوقعت ردة فعلها تكون هيج بالنهايه اني شخص ماله اي علاقه بظروف معيشته او بالحياة الي عاشها بالإضافة الى اني كونت نفسي وتعبت عليها واهلي الي ربوني ناس زينين كدروا يزرعون بيه قيم كللش قويه وحلوه عشت حياتي اخاف من الغلط حتى لا اتحاسب على اي شي والناس تحاول تنسى فكرة اني شخص لكووه بالشارع كونت نفسي تعبت على روحي ودراستي واشتغلت اليوم الحياة صارت صعبه محد يكدر يوصل للي يريده بسبب الظروف  والناس والحياة فإنك توصل الهيج مرحله ومعتمد على روحك وكل الي ينذكر عنك حجي حلو وكلمه طيبه يكون انجاز بهل المجتمع الي احنه عايشين بيه

اني ما اكول انو هي غلط بس ما اتوقع  شخص ممكن يرفض بهل طريقه مهم اني كملت حياتي ومجنت منتظر منها جواب لان من قلقها ونضراتها هذاك اليوم عرفت جوابها لهذا مجنت اريد احرجها طلعت من حياتها عادي بس بسبب حبي جان بعد عندي امل انها ممكن تجي وتكول موافقه جنت كل يوووم اكضيه على امل انو لا راح ادك راح اشوفها بس شكلها الحياة الها منحى ثاني غير الي اني اتمناه وبعد عدة اسابيع ما خلت من التمني واني طالع من المجله شفت ابو هبه بالباب جان مبين ينتظرني مهم جان وجها هيج ما يبشر باخبار سعيده لدرجه انه احبط كل الامال الي جنت عايش عليها الاسابيع الي راحت توجهت عليه وسلمت وكلي كلمات لحد الان ما انساها جانت كلمات قليلات كدرن انو يكسرون مشاعر وخواطر وايام كلمات جانت مثل الصاعقه عليه مع انو جنت متوقعهم بس شعورهم وانت تسمعهم اقوه بهوااايه...