عشگ الساده وملوحه البصرة

البارت الخامس 💃🏻

عشڰ الساده وملوحه البصرة

.............

ملاك

صار سبوع من راحت زهراء من احس البيت فارغ مابي روح مابي طعم ولا فرحه هيا جانت شمعه البيت وضواء صدڰ ڪئيب صااار وملللل اههههف دراسه وملل وزهراء اجت ڪملته ..

صح مامبين علينه بس اني وزهراء كلش قريبين من بعض صداقتنه حلو هيا تعرف عني كلشي واني هم
وحده متضم على الثانيه شي ...
انا وياه اڪثر من خوااات حتين فرق لعمر مو هوااي سنه بس لي يشوفنه يڰول توئم لان زهراء ربت يمنه وهي من دون ڪللشي تنحب...

هيا تدري بعلاقتي اني وجود وجانت اول وحده احجيلها من عترفلي بحبه وفرحتلي كلش خطيه لنو تدري بيا احبه من زمان وتنصحني دائماً وماضم عنه شي .......

واني هم ادري بيها تحب علي ودايما احاول اخفف عنها اني مادري علي يحبها او لا لنو هوه طبعه ميبين مشاعره وصعب تحدد اذا جان يحب او يكره علي صعب تفسيره بس هي تحب وخطيه متلوعه بحبه ولله انقهر عليه لصراحه يستاهله علي لان حبابه زهوره بس هووو لله يحفظ يبوي على لبرود لي شايل.....

بروده دوم يشلع كلب زهراء خطيه تحبه من زمان بس متكدر تسوي شي ونهايتها عافتنا وراحت
ردت اقنعها وكلها ضلي بس شحجي مادري وهي لله يحفظه منتطت مجاال بساااع ولاتقبل احد يدخل بيه نشالله لاهي للسما وهي للڰاع وراحت لبغداد وبعد مادري بيه هناااك ويه محمد شيخلصه

حتاريت بيه...

يعني لا اكدر اكلها ضلي يحبج ولا اكدر اكلها اكو امل لنو محد يعرف هوه شنو بداخله هواي حاولت اكله صعب شعور لشخص تحبه ومتڰدر تحجي ولاتعرف شنو انت بالنسبه له......

ماتهتم بس صعب عليها هاذ مو قرارها كلبها الي ختار......لله يهدي سرهم

طلعني من صفنتي صوت تليفوني وهوه يعلن عن متصل

****¶****¶**
حنين
حنين مر سبوع واني منتضره قاسم يقنع بابا علمود

يخليني اكمل دراستي هاذ حلمي بس هوه ما يقبل يكول عيب البنيه تدخل كليه وهناك ولد مادري شنو من تفكير هاذ بس شسوي جاي احاول بكل طاقتي اخلي يثق بيه وانو اني اذا درست ماراح اخسر ثقته حلمي منتضرته سنين ولله صعبه يارب ڪون يوافق ويخليني ادخل ڪليه

تشجعت ورحت يم قاسم هته اشوف شسوه طلعت وسالت ماما

حنين: ماما قاسم وين

ام حنين: بل ستقبال كاعد يعني وين

حنين: اكلج يمه ما شفتي بابا بده يقتنع اكمل دراستي حبابه ماما قنعيه

ام حنين بزعل على حال بتها: يمه بنيتي تعالي كعدي خلي احجي وياج

حنين وعيونه مغوركه:  يمه فدوه اروحلج لا دكولين ميقبل والله كلبي ميتحمل اني ماطالبه شي جبير بس اريد اكمل دراستي مثل هاي البنات ليش حرمتو علي من زغري اشوف الضيم ما كفاكم حجبتوني وبوشتوني واني ساكته بل مدرسه ممنوع صديقات ممنوع نزع البوشيه وين اكو بنيه عمرها 14 سنه تروح للمدرسه بوشيه ترى حتى لله ميرضاه وين عاايشين صح تخاافون عليه بس مو هيج .....