عشگ الساده وملوحه البصرة

البارت السابع 💔

عشگ الساده وملوحه البصرة

................

زهراء

رحت علمود قبول الجامعه وكلشي  مشه تمام الحمد الله وقبلوني بكليه الطب******بغداد وكملت كل اوراقي ورجعت للبيت واني عندي امل هاي راح تكون بدايه جديده 

معقوله بعد كل هاذ الحزن والحب والشوگ اكدر بيوم انساك وعيش حياتي واحب وزوج وعيش مثل باقي البنات

انته ماتدري شسويت بيه بس كلبي يريدك بكل جوارحه وبكل وجع سببته اله ولك شسويتلي وخليتني لا اكدر اضل ولا ادكر امشي

من رجعت من البصره الهسه اقنع بنفسي يومه اكول ولج انسي هوه مو الج ولج هاذ الي كلت تفترين بجسمج بس علمود تلفتين نضر وتكولين اني حلوه ولج انسي ميستاهل حته تنزل دمعه منج علموده

صحت بصوت ضعيف وكوه يطلع اجت الكلمه وي دمعتي

ياااااارب لطفاً بكلللبي بعد ماكدر هاذ الحب اذاني كلبي بعد ميتحمل شسوي حته ارتاح حته اطلعه من كلبي ولك لا يمك مرتاحه ولا بعدك مرتاحه ليش هيج سويت بيه

صحت يممممه ولج وينج والله محتاجتج كلبي يوجعني وروحي توجعني حاسه الدنيا كلها تريد تنزل دمعتي يمه بتج تعبانه وتريد امهه تحضنها وتبوسها يمه لو انتي هنا ماصار بيه هيج ولا رحت وعشت يمهم ولا  حبيته وكلبي صار بشوفته ترد عافيته

ولج يمه ليش هيج صار بيه والله اني ماسويت شي ولا اذيت احد بس طلبته بكل دعا بكل صلاة الي وبكل مره اقراء القران جانت منيتي هوه

يمه خذيني يمج والله ماسوي شي بس اريد اجيج ورتاح يمه تدرين هاي اول مره احاجيج وشكيلج بس والله يمه اذوني

يمه تدرين اني شوكت حسيت بل يتم تدرين مرتين عيشوني هاذ الاحساس تدرين اني ماجنت احاجيج وشكيلج ليش لن زعلانه منج عبن عفتيني واني ماعرف شي بهاي الحياة عفتي بتج  وهيا توهه فتحت عيونها بهاي الدنيا يمه ليش هيج يصير بيه

غمضت عيوني واني اشهك وحجيت بضعف ربي ليش هته بفرحتي ذكرته وذكرت احزاني ليش مامكتوبلي بس البجي ليش من اجيت فرحانه وجنت افكر مستقبلي راح يدغير هوه اجه بفكري ومن اجه سوه عاصفه بكلبي وبتفكيري ومشه رجعني طفله مره ثانيه طفله تسمع اخوها يكلها انتي بت خطافه الزلم اليتيمه

ولكم طفله عمرها 6 سنين تشوف اخوهه يضربها ويكلها امشي لج مو زين لفيناج بت خطافه الزلم اليتيمه طفله بهيج عمر بدل متروح تبجي بحضن امها لنو اخوها ضربها وصيح عليها جانت تكتم الدمعه حته محد يسوي وياها الي يسوو وي البنات الي جانن وياها بل مدرسه ويكولون يتيمات يطلعوهن بل ساعه ويطوهن فلوس لو ملابس

جنت من اشوفهن وذكر حجي اخوي اشبع قهر بس ماريد اصير هيج الناس تشفق علي وتباوعلي بنضره شوف هاي يتيمه جنت زغيره اي بس ماريد احد يشفق علي