عشگ الساده وملوحه البصرة

البارت ال19

عشگ الساده وملوحة البصرة

..................

اول شي وقبل ما نبدي البارت احب اكول شغله

اليله هيه ليله وفاة السيده زينب عليها السلام

نتقدم بأسمى آيات الحزن والعزاء الى مقام صاحب العصر والزمان (عجل الله فرجه الشريف) ومراجعنا العظام والأمّة الإسلامية جمعاء بمناسبة وفاة السيدة الطاهرة عقيلة الطالبيين ووارثة علم النبيين السيدة زينب بنت علي بن أبي طالب (عليهما السلام) الصابرة الممتحنة ، من إجتباها الله لتصحيح مسار الرسالة وحفظ إمتداد الإمامة وفضح جبابرة الظلم والإفساد فسلامٌ عليك ياكعبة الأحزان يا أم المصائب والرزايا وعلى قلبكِ الصبور ولسانكِ الشكور ولا حرمنا الله زيارتكِ في الدنيا وشفاعتكِ في الآخرة آمين رب العالمين

يلا نبدي البارت
................
زهراء

جنت فرحانه وزعلانه بنفس الوقت شكد تمنيت نعيش هيج بفرح وسعاده وامل وحب جنت دايما اتخيل نفسي مرت علي ونجي هنا يم ريتاج واشوف مناكر سيف وعلي

واشوف علي يغار علي حته من ابن اخته تمنيت اشوف اليوم الي علي يكولي زهراء سويلي اكل جوعان واذا راد شي يصيح علي اني مرته

تخيلت هواي شلون راح نعيش بسعاده وشلون من نروح لاي مكان اني افتخر بحبي اله مو اباوعله مثل الحراميه

جانت امنيتي اشوف النضره الي ليوم شفتها بعيونه بس مو بهيج ضرف ولا بهيج موقف جنت اريد اشوفها من جنت حره من جنت عايشه ويا وبيته

جانت اكبر احلامي اشوف نضره حب منه اليوم شفت هاي النضره بس بعديش بعد ماضيعني وضيع احلامي وحبي وكل طفولتي

جنت واعده نفسي اذا بيوم شفت نضره حب منه راح اروح واشمر نفسي بحضنه وعترفله شكد حبيته وعشگته بس هوه خلاني اشوفها بعد ما صار مالي حق حته اعترف النفسي بهاذ الحب وهاي المشاعر

بعد ماجانت اكبر احلامي حبي اله هسه صارت اكبر احلامي شلون اطلعه من كلبي لنو اني هسه صرت على ذمه رجال ثاني

اخخ ياكلبي كل ماشوف الفرح ترجعني للواقع المر الي خلاني اتخلا عن ابسط حقوقي واحلامي يربي ماجانت هاي منيتي كل حلمي جان بيت صغير وعائله بسيطه ويكون علي هوه هاي العائله ماردت بس حبه

بس حيرني زماني ويا شلون حيره لا اني اكدر اعوفه ولا اكدر اضل يمه والله لو يشوف الحسره الي بكلبي هسه جان شعر راسه شيب بس كلشي بي حكه اكيد الله ضاملي الاحسن وعسى ان تكرهو شي وهو خير لكم

ريتاج: زهراء

زهراء: هااا

ريتاج: ليش وافقتي

زهراء:........
..........

علي

ضليت اباوع على سيف وصافن بيني وبين نفسي معقول كلها تدري بيه احبها لعد اني شكد فاضح نفسي ومادري