عشگ الساده وملوحه البصرة

تعريف الشخصيات ♥✨

و شك الساده وملوحه البصرة

تعريف الابطال كل واحد راح يعرف عن نفسه ويانه
راح اخليكم وي الابطال 😏♥
..............

مرحبا اني علي سالم عقيد واداوم بغداد يعني اروح 10 ايام بغدبد و10 بل بصرة هوه صح شغلنه صعب وتعب بس كلشي يهون لجل الوطن وفداء الشهداء الراحو احنا مو احسن منهم حته نخاف ومندافع عن بلدنا خلي اكمل عندي اخ واحد واخوات ثنين امي وابوي عايشين الحمد الله اني جبير خواني وعندي ريتاج اختي ازغر مني وزغر منها امير اخوي وبعدين تجي بزر الكعده كلوكه اختي الزغيره هاي اني اعتبرها بنتي مو اختي اموت عليها من زغرها مدللها وماخلي احد يحاجيها المهم نكمل

طولي 183 وجسمي مرتب وحلو عيوني كبار وميزتهن انو سود ونوب عليهن رموش طوال فد شي  خشمي وحلكي مرتبات  احنا من البصره ابوي شيخ عشيره ****عادل والكل يشهدله ماكو واحد دخل مضيف  سالم تميم وطلع وحاجته مامكضيه الكل يعرف عدالته ويكول كلمه الحق لو جان اخو هوه الغلطان ميضلم احد واني ورثت هاي الميزه منه ماحب الضلم عدنا اراضي هواي 

واكول لضالم بوجهه وكلهم يصيحولي الشيخ لنو اني الشيخ بعد ابوي بعد عمرن طويل ان شاءلله

اني عصبي كلش نار وبارود ماتحمل حجايه وكبل عيوني يكلبن حته بشغلي ماكو مجرم فلت من بين يدي لحد هسه اي واحد الزمه يتترف بجريمته بس مو ضلم يعني عندي نضره حاده اعرف بيها الجذاب بسرعه
عندي ابن عمي هوه اقرب واحد الي احجيله كلشي
وهوه يشتغل وياي هم احنا عائله جبيره كلش راح نتعرف عليهم شويه شويه

بس هسه خلي اعرفكم على اهلي والباقين بعدين
(اخليكم وي اهلي)
ابوي
حجي سالم تميم عمره 53 سنه شيخ وحاج بيت الله وعادل مثل مكلتلكم وميحب الضلم ابد مضيفه فاتحه لزغير قبل الجبير

امي
حجيه ليلى احمد  عمرها 52 سنه مره من اهل الله وتحب الكل وخاصه زهراء بت اختها الله يرحمها هيا مرت الشيخ والشيخه الي مينرفضلها طلب هيا صح متسامحه ومو عصبيه بس كلها تخاف منها حجايتها وحده متثنه بل بيت

اختي الازغر مني
ريتاج عمرها 29 سنه خريجه هندسه متزوجه تعرفت على رجلها لمن جانت بل كليه جان يدرس وياها وهوه اكبر منها بسنتين هوه جان مرحله ثالثه وهيا اوله لمن شافها حباها وجه تقدم وخلص دراسه وزوجو وهيا كملت هم بس مشتغلت  وعدها 3 جهال

سيف وعمره 8 سنوات شخصيته مثلي سبحان الخالق الناطق مو بس شكله وحته تصرفاته هم مثلي وحتا لو عيوني المتميز ماخذه يريد يعيش بل بصره بس امه متقبل تكله لا تصير مثل خالك 😏 شويه شويه راح تتعرفون علي

و اوس عمره 5 سنوات هادي مدبدب متعلق بسيف كلش هاذ لنو سيف ماخذ دور الاخ الجبير ومداريهم ويحافض عليهم

رونق هاي هي كتكوتتهم عمرها سنتين ونص بس فده شايله جمال بدون حدس جنها الكمر عيونها زرك شذريات وخدودها جنهن تفاح والخشم قلم وحلكها زغير وشعرها رغم بتدهي زغيره بس سبهان الله طويل وناعم