عشگ الساده وملوحه البصرة

البارت السادس😶

شگ الساده وملوحه البصرة

..............
محمد

طبت علي وعيونها حمر ماعرف منو هاي وشجابها بس حسيت كلبي نمرد من شفتها تبجي باوعتلها بدون قصد

جانت واكفه مصدومه مدري بعدهي ماشايفتني من كد ما عيونها متروسات دموع
مالفت نضري غير عيونها مادري ليش اول ما شفت عيونها ذكرت هذيج البنيه الي من سبوعين واكثر هيا براسي ماكدر اطلعها

شفتها مره وحده لا مو شفتها شفت بس عيونها وسحلن كلبي هيج لعد لو شايف وجها شجان صار
نزلن عيوني على شعرها الي جانت شادته ذيل حصان ونازل يم ركبتها مكسر بس ناعم وبي لمعه سواد مثل لمعه الكمر بليله مطره متبين بيها النجوم

رفعت عيوني من شعرها وصدن على خدودها  صايرات يمكن من الله مدري هيا مخليه مكياج
وعيونها حمر دم وخشمها صاير بلون عيونها من كد ما مبين عليها باجيه ونوب لابسه تراك اسود وهيا بيضه كطن عاكس لون التراك ولون شعرها على وجها  شحرتني ب 5 دقايق ونوب مبينه خايفه مادري شبيها ترجف و

شفايفها يرجفن من الشهكه والعبره الي مبينه على وجهاا والخوف والضياع

كل الي وكفتهن ماكو 5 دقايق بس حفضت كل تفصيله بوجها

طلعت تركض من يمي واني الف حسبه بالي مني هاي وشبيها ليش مبينه خايفه وشعدها هنا ليش طبت معقول هاي مرت قاسم بس قاسم ما مزوج وماسامع انو عنده اخت ابد ما كالي قبل انو عنده اخوات معقوله كرايبه

ضليت افكر بيها لحد ما رجعني للواقع قاسم وهوه يهز بيه

قاسم:  يمعود شمالك فاك حلكك شبيك
محمد: هااا
قاسم:  يول شمالك عفتك 5 دقايق بس علمود اجيبلك ماي اجي الكاك مثوول شببك
محمد:  هااا
قاسم:  وسطعش مرضاء شبيك تيهت لسانك
محمد:  هااا
قاسم:  ضربه هلى راسه وكال ربببي صبرني بس راح اسحلك هنا اذا ماحجيت شبيك
محمد:  نتبه وكاله مابيه شي بس الوالده تصلت وكالت تعال بسرعه ضغطها صاعد وتريدني
قاسم:  لعد متحجي شبيك سطرك الحمزه صار ساعه احجي وياك

ماعلينه امشي بسرعه خلي نروحلها
محمد:  وين نروحلها
قاسم:  يمعود وين روحلها يعني اكيد للبيت علمود نشوف شبيها
محمد:  مشكور حبيبي بس زهراء يمها بس كلتلي جيبلي دواء الضغط من تجي وهسه اني طالع اخذه الها واطمان عليها
قاسم:  يمعود خلي امشي وياك
محمد وهوه يمشي يريد يطلع: لا حبيبي ميحتاج اني راح اخذه وروح وصل الباب وكله اودعناكم  ومشى بس باله كله يم هاي الكحيله الي طبت علي. منو وشجابها شدخلها هنا وليش هيج جان حالها

ضل يمشي ويفكر بيها حسبه تاخذه وحسبه تودي
حته نسه هوه جان جاي على قاسم علمود يشوفون طريقه يقنعون بيها الكل علمود زواج زهراء وقاسم رجع للبيت وباله كله يم الشافها بعيون مثل الدم