عشگ الساده وملوحه البصرة

البارت 30

عشگ الساده وملوحة البصره

.............

قاسم

رجعت البغداد ونصدمت بقرار ابوي يريد يزوج حنين ماعرفت شسوي بس كلت مستحيل اخلي يزوجها بس جانت عندي فكره كلت ماكو غيرها

جهزو كلشي وجتي العالم علمود المشيه وامي محضره كلشي وكعدو حسب الصول وجانو جايبين سيد وياهم علمود يعقد فد نوب

كل هاذ واني ماحجيت اي شي واشوف حنين شلون عيونهه ذبلانه وضعفت حيل بهاذ السبوع ماجنها حنين القديمه

كلبي نمرد عليها بس محد يكدر يسوي شي بس اني اكيد ماراح اسكت حجو الناس الكبار وسئلني ابوي كالي ها بويه شنو رايك انته اخوها الجبير وهم لازم تحجي

قاسم اني كلت هاي فرصتي وحجيت

قاسم: اني ك اخوها الجبير احب اكلكم مالكم مره يمنه قسمه ماكو يمنه ابنكم وكفو منه بس يستاهل الاحسن اختي تريد تكمل دراسه

والد العريس: هاي شنو ابو قاسم انته الي كلت تفضلو الموافقه تمت وهاي بس شكليات

حيدر: لا ابو وليد اني كلمتي وحده متصير ثنين البنيه موافقه وهسه راح يتم العقد ومايكون خاطرك الى طيب

ابو وليد: انتو ضحكون علينه لو شنو تره تصير عشاير احنا شيوخ ولد شيوخ مو مضحك وحد يكول هيج واحد يكول هيج

قاسم: عمي محشوم من الضحك بس اني راح احكم ضميرك اذا قبلها البنيه الكم ومايكون خاطرك الى طيب

ابو وليد: احجي وانه بوك

قاسم: تفضل اكعد وهاي الناس الخيره توجدها

حيدر: نجب لك وطلع بره ابو وليد حسبها علي هاذ مايعرف شيحجي

ابو وليد: لا كعدو خلي نسمع السالفه ونفهم موقف الولد

قاسم: اسمع شيخ اول شغله رسول يكول كل شي بالكراه الا الزواج موده ورحمه والله سبحان وتعالى يكول بكتابه باسم الله الرحمن الرحيم (وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ) صدق الله العظيم

الكل: صدق الله العظيم

قاسم: زين شيخ هسه اذا الزواج انبنه على عدم رضه وكراه شنو يعتبر

الشيخ: باطل وانه ابوك

قاسم: واني جاي اكلكم البنيه رافضه هاذ الزواج واذا هسه تنسأل وتوافق فهاذ تحت ضغط وجبر وهاذ اذا يرضيك انته والموجودين هسه اني اسكت وتكدرون تكملون الخطوبه

ابو وليد: ابو قاسم شنو هاذ الي جاي اسمعه معقول انته الفاهم والمثقف وابن ولايه تسوي هيج لعد شخليت لناس المعدان والهمج