عشگ الساده وملوحه البصرة
...............
ملاك
اوفف شسوي يربي صبرني اني بعد ماكدر راح اموت معقوله هيج الفراك يسوي معقول الفراك يخليك تكره الحياة معقول اني ضعيفه هيج لدرجه ماكدر اصبر على حكم ربي
اني ادري هاذ ختبار منك يااللهي بس طالبه الصبر الصبر وبس اخخخ
يابخت ال مكابر شبعانه منك وانه مـטּ اشتاگلك بس احچي عنڪ
كمت وهاي صار اكثر من شهرين واني مادري بال دنيه وين ودتني ومنين جابتني صدكون اذا اكلكم حته ماذكر شصار بهاي الشهرين
مادري ماكدر اميز اي شي كل الي عشته بهاي الشهرين بس الأم وجع فراك شوگ ماكو حياة بس كافي اليوم يوم جديد
لازم نستمر بحياتنا مهما كان السبب والضروف اني مادري بال دنيا خواني وامي وابوي كل ما يسئلون ماعرف شكول وشحجي
اكنفي بال نوم بس كل ماتضكني الدنيه انام وبس ولا اكل ولا اشرب صرت هيكل عضمي عايشه على المغذيات بس
اخخ يعافيتي هيج فراگك سوه وبيه كلشي تخيلت بس تعوفني هاي الماجنت حاسبتلها حساب
"
يالـهـي ميت ولـفي..... لحد ما
اريد وگلبي دم يبچي... لحد ما
يهنياله الحضن ولفه.... لحد ما
شـيبو وثنـينـهم ماتو سويه
طلعت كل فكره من راسي وگمت سبحت وطلعت ملابسي علمود اليوم اداوم ضيعت هواي من دراستي هوه اني ضيعت حياتي كلها بفراكه بس على الاقل ماضيع مستقبلي وحلمي لنو هوه جان يشجعني حته اكمل
واحقق حلمي واني راح احققه حته لو مو الي بس على موده
سبحت وبدلت وتصلت على بنين وكلتلها تجي علي قبل ماتروح للكليه علمود اروح وياها وهيا فرحت كلش لنو من يوم المات وهيا وبراء بس يقنعن بيه واني ماسمع منهن وضليت بحالي
نزلت جوه لكيت علي وامير وماما وبابا كلهم كاعدين صبحت عليهم
ملاك: صباح الخير
الشيخ: صباح العافيه عليج بويه تو مانور البيت يضوه وشمعه هل بيت
الحجيه: صباح النور يمه اي هيج شوفينه طولج الحلو والله من يوم الوكعتي ماكو واحد بينه شاف الراحه
علي وامير كامو وحشنوني سوه
امير: اي ولج ملوكه هيج شوفينه طولج الحلو خايبه اني ضايع بدونج تدرين حته من يوم ما تمرضتي تخيلي اني امير سالم ماصنفت على واحد حته علي انتي بس تخيلي
علي ضربته على راسه وكتله نجب وحاجيت ملاك: حبيبتي الحمد الله على السلامه خوفتيني عليج بنيتي
ملاك اني باوعتلهم وحزت بكلبي كلت لو تدرون بيه عذرتوني بس انتم هم حقكم
ملاك: اسفه تعبتكم وياي وشغلتكم ان شاءلله بعد متتكرر
أنت تقرأ
عشگ الساده وملوحه البصرة
Romanceاخ يا ڰلبي شسويت بيه ضيعت عمري بعشڰ ابن البصرة ولج علكتي كلبي بعشڰج شسوي بيج وانتي صرتي الجࢪج والدوه النفس والهوه اخ ياكلبي الضيعتني بعشك بت الساده
