عشگ الساده وملوحه البصرة

البارت 15

عشگ الساده وملوحه البصره

..............

محمد

قررت اروح القاسم اليوم واخطب حنين لان صدك حبيتها وماكدر اعيش مندونها هيا غيرتني من يوم العرفتها وحياتي كلها تغيرت مو بس حياتي لا حتا شخصيتي

من 17 سنه لحد ما تعرفت على حنين مايوم فكرت اني غلطان بحق اختي او لا دايما جنت اعاملها بقسوه حته من جانت زغيره مايوم حنيت عليها وشفقت عليها دايما جنت اشوفها عدوتي مو اختي

بس من تعرفت على حنين وبالذات من حجتلي على معامله ابوها الها بديت افكر معقول اني هم هيج قاسي وي زهراء معقول هيا تشوفني مثل ما حنين شوف ابوها

اي ليش ماشوفني هيج اني يمكن عاملتها اسواء من ابو حنين اني عيرتها بشغله هيا مالها ذنب بيها عيرتها بيتمها بين ما اذا افكر هاذ حكم ربنا مو بيد واحد اهله يموتون ويتيتم وهوه بعده ماجاي لهاي الدنيا

بس اني جنت اكرها لنو احسها اخذت كلشي من حياتي امها هيا الربتني من جنت زغير جانت هيا الي داريني وتعتني بيه هيا ماجان يصير عدها جهال ومن امي جابتني هيا تحملت كل مسوليتي

بس من بيوم........

طلعني من صفنتي وصول قاسم

............

رائد

مرت الايام والشهور وكلشي جاي اشوفه يثبت كل شكوكي صح ماعندي اي شي ملموس بس واضح انو ملاك تحب جود الله يرحمه

مو بعيده هوه جان سايق الخط ويجوز حبته ويجوز جانو على علاقه او يمكن بس من طرفها او يمكن هاي كلها اوهام

راح تخبل من التفكير من يوم الشفتها بهاي الحاله واني عقلي وقلبي داخلين بحرب حرب ادري انه الخسران بيها مهما جانت النتيجه

يارب صبرت سنين ويوميه اكول باجر تكبر وتحس بيه او اني انسها اشو لا هيا الحست ولا انه النسيت
شنسه شنسه منها وهيا ساكنه بروحي شلون حبيتها هيج مادري

جانت طفله وتكبر كبالي مادري شلون وليش حبيتها من دون كل البنات من جنت اشوف علي وهوه يتعذب بحبه لزهراء ومن احجي يكلي انته ماحاس بيه ولا تكدر تحس بكلشي جاي اعيشه

اضحك علي لنو هوه مايدري يمكن حساسي نفس حساسه ويجوز اصعب على الاقل هوه من راحت يم اهلها يمكن بيوم ينساها او يعيش حياته

انه ماكدر ابتعد عنها حته لو ردت هيا راح ضل طول عمرها كبالي خايف احجي وتكسرني برفضها وانه صعب احد يكسرني وهم خايف اسكت واندم بخسارتها

شسوي اذا الله منطيني عزه نفس ماتسمحلي حته اضعف كدام نلسي مو كدام واحد شلون راح احل هاي السالفه

بس ماكو غير حل واحد.......

.................

علي