مقتطفات دينيه💫❤

الأرتباط😔

"الأرتباط"
بنات ليه ترتبطوا بحد من ورا أهاليكوا "في الخفى" يعني؟، الأرتباط ده كأنه سرقه بجد!، ليه أكلم واحد ووافق إنه يرتبط بيا لمجرد إنه قالي إنه بيحبني؟، طب ما يمكن هو ميكونش بيحبكِ اصلًا وبيتسلى بيكِ!، ما هو أنتِ مشوفتيش علامات وشه وهو بيقولكِ بحبكِ؟!، ليه أرتبط بواحد دخل كلمني من الشباك!، ما هو لو راجل وبيحبني بجد هيدخل البيت من بابه ونبل الشربات وننبسط كلنا؟، اللي بيحب بجد والله مش هيمنعه الظروف ولا هيقدر يمنعه حد إنه يتجوزكِ أو حتى يكون لو حتى كلام بس بين الأهالي؟، والله أنا شوفت واحد بيحب واحدة بقاله 9 سنين وهي عرفت بالصدفة إنه بيحبها وعرفت عن طريق أخته!، ورفض يكلمها لأنه خايف إنه لما يعمل ذنب ويكلم واحدة مش محلله ليه ربنا يعاقبه ومتبقاش من نصيبه!، أهو ده اللي بيحب مش اللي يدخل يكلمني ويقولي أنا بحبكِ ومش عارفة إيه!
وعمومًا الجواز عن حب فاشل والله إلا من رحم ربي!، في ناس متجوزة عن حب وأول مشكلة تحصل بينهم يقولها أنا مش واثق فيكِ لأن مش ضامن كلمتي حد قبلي وبتقابليه ولا لأ!!
ليه تهينوا نفسكوا وتهينوا أهاليكوا عشان شخص أنتِ مش عارفة نيته خير ولا شر!، وهل بيحبكِ ولا لأ!
أبعدوا عن الأرتباط خيرًا في قلوبكم، وكمان الأرتباط حرام اصلًا فَـكفاية ذنوب بقى ونبتدي ناخد حسنات❤🌿..