كسر الأغلال ( الايهم &يقين)

البارت الاول

صباح الخير ماما
الام . صباح الخير يقين. ليش متاخره مو تدرين الخط يجيج من وكت وكم مره عافج وراح. استعجلي يله
يقين. يي ماما هسه بسرعه ابدل قبل ليجي الخط
اكلج يوم محمد طلع للشغل لو لا
الام . لا ماطلع موجود
يقين. يبوووو هسه هم يعاركني
الام . يقين احترمي نفسج والبسي زين ولا تحطين مكياج لو. الا تاكلين كتله من الصبح وهاج هاي خمسه مصرف اليوم احد للاحد الجاي يلا انطيج بعد. خليهن الملازم
يقين. ماما تره والله ميصير هيج كل البنات يلبسن احسن مني ولبسهن حلو بس اني عبالك وجه ارمله وحتى استحي من يطبن للنادي اني ابقه صافنه عليهن ... سكتت
رحت بسرعه بدلت وخليت مكياج خفيف وكاعده بالمطبخ انتضر الخط يجي قبل لا محمد يشوفني. دك الهورن يييي طلعت ركض محمد لكفني تعاااااي.
يمممه عززه ....
كالي محمد هااي شحاطه لوجهج امشي غسلي بسرعه واطلعي للخط لا اكسر راسج
يقين .. ما اغسل والله معليك انت. ماما شافتني وكالت عادي روحي شعليك انت
كلمه مني وكلمه منه ضربني حيل. وطلعت للخط ابجي .....
اعرفكم على نفسي ... اني اسمي يقين. عمري ٢٠سنه ادرس كليه حالتنا الماديه فقيره كلش يادوب مدبرين العيشه
عندي اخ واحد واخت وحده اني اكبر وحده بيهم بس اخويه كلش مأذيني يحاسبني على كلشي لازم لبس كله طويل وعريض ولازم ماكو مكياج. وكله بالبيت عصبي ويصيح
وعندي عمي هم عايش ويانه هو ومرته وجهاله مكرهنه بعيشتنه ومرته فد وحده حيه
اوصفلكم نفسي
اني طولي حلو كلش. وجسمي مرتب يخبل رشيييققه
وبيضه يسموني الكلنسه ...كدما بيضه وبشرتي صافيه. شعري طويل جوزي ووجهي يخبل
دائما اي شخص يشوفني ينعجب بيه
صراحه دائما اتمنى اتزوج حتى اخلص من هالعيشه واحقق احلامي
بالخط. بالطريق بقيت ابجي وافكر ياربي شوكت اخلص شوكت احقق احلامي
ياربي لو تاخذني لو تفتحلي باب احقق منه احلامي واخلص من هالجحيم
... ما جنت اعرف شنو مضموملي ......