كسر الأغلال ( الايهم &يقين)

بااارت 13

ضحكتچ ، عطرچ ، مشيتچ
كل هدنْ ذمة برگبتچ
تعبني ركضن گلبّي عليهن
ركضة الكادود حتة يگض خُبزتة
الشَامة بـ خدودج ، بياضج ، ليَّل شعرج
ذني نتحاسب عليهّن !!
غيّرن عابِد لربيّ، وگمت أعبد كلشي بيج
وين ما أگعد وأسولِف
كلشي أسولِف بس عليّج
......................
يقين .........  زعل ايهم جان كولش ثكيل عليه
حتى من رحتله للبيت وحاولت ارضيه جان صعب الارضاء جدا...
خفت من كالي مستعده للعقوبه ...
ايهم.... كومي وياي ..
يقين .. هاا وين
ايهم ..... كتلج كومي وخلص
يقين .... كمت وامشي وراه 
ايهم ....   جنت نوعا ما قلق من التصرف الي راح اسوي وماعرف ردة فعلهه شنو.
كومتهه واجتي تمشي وراي حسيت البيت كله انصاب بجو من التوتر الي احنه جنه عايشين بي
وكفت مقابل غرفة جان بابهه مسدود
فتحته  هي ضلت صافنه ومو فاهمه شي نضراتهه توجهت الي تستفهم شنو اريد

يقين ....  وكف يم غرفه  فتح الباب  مافهمت شنو يعني باوعتله رجع هو اشرلي  عالغرفه
باوعت بيهه
جانت فارغه  بياضهه الناصع مؤذي للعين
بوسطهه جان اكو دوشك كولش جبير مدور وعليه فراش غطوات جبيره كولش باللون الابيض والاسود ... كل الي شفته وكاني مثل الغبيه مافهمت شنو المقصود
.....
ايهم.....   شافت كولشي وركزت بالغرفه هي مو فاهمه اني اعرفهه متستوعب بسرعه أو بالاحرى على نيتهه كولشي متفهم
..
ايهم ... يقين مستعده تكفرين عن الي سويتي وياي وترضيني
يقين.....  ااااا شنو يعني ايهم مدافهم عليك
ايهم ..... كوليلي مستعده لو لا واني افهمج
يقين ...... لاا مو مستعده ايهم .. لا تخوفني
اني اسفه على الي سويته وياك مو بقصدي فدوه
..احجي واني عيوني تريد تفجر شكو بيهه من دموع وخوفي صار واضح لايهم
هسه يله فهمت هو شنو يريد مني

ايهم ......  لا يقين الاسف مو مقبول    ... اني كوه واكف وكوه احجي حسيت نفسي تعبت كلش وارتفعت حرارتي

يقين .....  حبيبي انت مبين عليك تعبان  ومو بوعيك دتحجي
ايهم ..... لا كلشي مابيه  مو تعبان
تعالي وياي
يقين ..... جرني من ايدي وطبك ايده عليهه
ودخلني للغرفه ...
ايهم......  لا تاذيني ايهم .. فدوه ماريد ينعاد الي صاار
ايهم ...... ماراح ينعاد صدكي
الي حيصير بقناعتج انتي
يقين ......  لاا عفيه ايهم خلينا نرجع مثل قبل حباب انطيني فرصه  خايفه كلش مو مستعده ابدا
ايهم......   كعدت على الفراش وسحبتهه عليه كعدت على رجلي   وصاده وجهه على صفحه مني .....
ايهم .... يقين باوعي عليه
يقين .... ماباوع خليني اكوم
ايهم ..... درت وجهه عليه بسبابتي
يقين .... هياني باوعت شتريد
ايهم ....  يقين اذا ايهم يعنيلج شي  فاثبتيله هسه ..
  يقين ..... ايهم فدوه مستعده اثبتلك باي طريقه تريدهه بس مو هيج
ايهم .....   حسيت حرارتي ارتفعت كلش بحيث  عيوني تغوش ودخت   وكعت ليوره ما كدرت اسند نفسي وابقه كاعد  بس عيوني جانت مفتحه وواعي للي ديصير يمي
   يقين انرعبت كلش  وصارت تصيح
يقين .....    ما حسيت على ايهم الا وهو واكع ليوره كمت من رجلينه ودنكت عليه
ايهم فدووه شبيك. جاوبني اخابر احد يجي ياخذك للمستشفى فدوه اكعد
جان ايهم بس عيونه تباوع عليه  
اشرلي على الباب ..
داريد افتهم منه شي ماكدر
ايهم شنووو فهمني شتريد
ايهم .... تذكرت عندي دوه بس بالسياره بره اشرتلهه حتى تجيبه الي مافهمت
  يقين .... بس كول كلمه دافتهم عليك عفيه احجي لا تخرعني ايهم .. احبك فدوه بس كوم
اني احجي وياه وابجي ...
ايهم خاف دتمثل عليه عفيه كوم والله حموت خوف
ايهم.... كدرت اطلع الكلمه كوه ... دوه
يقين.... وينه. الدوه وين الكاه
ايهم ..... بره .. بسرعه
يقين...... افتهمت منه كوه ..
طلعت ركض بره داشوف وين يعني شفت سيارته واكفه بره والسايق واكف يمهه ..
بسرعه افتح السياره ..فتحهه ولكيت مجموعه ادويه
جبتهن ورجعت ركض  نسيت نفسي حتى طالعه بدون حجابي
جبت ويايه مي
  اشرلي على دواه وانطيته اله وشربته مي هواي علمود الحراره تنزل
مرت نص ساعه تقريبا
هو شويه تحسن كدر يكعد  وكام يحجي
اني كاعده بصفه لزكت بي لزك من خوفي ما منتبهه على اي شي اسويه 
يقين..... ها حبيبي هسه احسن موو
ايهم ... اي احسن
يقين .... بله اشوف حرارتك  مديت ايدي على جبينه. جان لسه محرحر بس احسن
ايهم ......  مدت ايدهه دتشوف حرارتي. لزمت ايدهه وحطيتهه على كلبي
ايهم..... يقين اني وجعي هنا  ...  احس كلبي راح ينفجر  ..
يقين .... حبيبي عسى وجعك بيه. .. شنو بيدي
ايهم....... بيدج كلشي بيدج .. خليني احبج
يقين .....  وخرت ايدي  عنه وداكوم
ايهم ..... وين حبج لعد ...  ينطيج كلبج تعوفيني هيج  واني بحاجتج هالوقت اكثر من كل وقت ثاني
يقين ..... حبيبي اني هياني يمك ابيع عمري وما اخسرك ... بسس هالشي مو وقته ايهم  ماكدر
نفسي متتقبل هالموضوع ما مستعدتله