كسر الأغلال ( الايهم &يقين)

البارت الخامس

يقين .. طبعا مرت ايام على شغلي واني كولش مرتاحه بي
والمدير هم حباب كولش
صح مرات  يعصب لان انسه كم شغله ماكتبهن
بس هو زين ويانه كلنه الموضفين
   ❤️لحد الان  اتذكر هذا اليوم بكل تفاصيله  حتى التاريخ والهوى والجو اتذكر صادف يوم عيد الحب
   كعدت الصبح كلش مالي خلك وراسي مصدع
نوعا ما عندي شقيقه  يعني راح ابقه مثووله
ومستحيل اكدر اروح للشغل
فخابرت عالمدير.
صباح الخير استاذ

المدير.. اهلا صباح الخير.
منو
يقين .. اني يقين استاء
المدير اها تفضلي يقين شعندج
يقين .. بيني وبين نفسي كلت كبر شبي يحجي من وره خشمه 
كتله استاذ اني مريضه اليوم كلش
وتعبانه عادي اخذ اجازه
المدير .. الا  اليوم يقين اليوم عدنه شغل نهائيا ما مسموح باجازه 
يقين ...   وكي استاذ راح احاول اجي  مع السلامه
المدير .. مدري ليش نقهرت عليهه .. كتلهه يله اخذي زمنيه بس ب2 انتي هنا 
ماكدر انطيج أكثر من هالوقت
يقين ... شكرا
استاذ انشالله ب2 اني بالشركه

يقين .. سديت للموبايل ورجعت نمت ...
كعدت ب1 ونص
عززززه ولج يمصخمه ما بقه وقت
اليوم انطرد والله  يبووو
كمت بسرعه غسلت وجهي. ولبست ملابس بنطرون كابوي اسود ابو الخصر العالي
ووياه قميص اسود     وشال اسود خفيف كلش بس شمرته على شعري
خليت حمره خفيفه وحطيت لخدودي منهه همات
وترانشوز اسود
وطلعت ركض
امي كامت تضحك عليه
الام.. ولج يقين العالم اليوم كلهه احمر وانتي لابسه اسوود شكووو 
يقين .. ماما اني شعندي لابسه احمر. من اكبل عود البس
اشو. اني مصخمه لا حبيب لا رجل كلشي ماكو ..  وضحكت يصوت عالي عود اعاند بماما
الام ..  وج يمصخمه لو ما اتوسل بيج خلي ازوجج متقبلين
  وهذوله اكلو راسي تره والله
وحتى محاجين ابوج 3 مرات هذاك الاسبوع
يقين ... يبووو عليهم ماما مابقه وقت
وكليلهه لمرة اخوح مستحيل اقبل بيهم   يقين متعيش بنص ناس همج وكي يقين متتتزووووج انسووهه

طلعت ركض  محمد وصلني طبعا شبعت رزايل لحدما وصلنه للشركه
ليش لابسه هيج ليش حاطه حمره
وخلاني امسحهه بالسياره 
نزلت  لكيت الشركه تخبل صايرره النفاخ والزينه كله احمر
عود محتفلين بعيد الحب
دخلت لكيت نرجس واكفه وتشتغل ويمهه زبائن
رحت لمكاني وبلشت اشتغل
همزين ما اترزلت لان متاخره
عن الشغل
من شافني المدير كال راح اعبرهه الج هالمره لان مزاجي حلو اليوم
يقين
  إنشاءالله دوم مزاجك حلو استاذ
  المدير.. يله كملو شغل وتعالو للقاعه اكلو كيك ..
سالته نرجس ليش استاذ شنو المناسبه
المدير  ... اليوم عيد زواجي الاول
وحبيت احتفل بي
   يقين .. الف مبرووك استاذ مصطفى .
ونرجس هم باركتله
اول مره نعرف انه هو متزوج ما مبين عليه
لان بالاخص عدنه وحده موضفه ذابحهه نفسهه عليه
هو كولش حلوو ومرتب وزنكييل

المهم رحنه اكلنا كيك وسوالف وضحك ورجعنا نشتغل

يقين ...   واكفه عالمكتب مالتي
شفت الباب تدورت وانفتحت
من بعيد شفت شخص   اجه يمشي ويدخن  لابس ملابس تقريبا رسميه  ماعرف شنو اوصف طوله أو جسمه  بقيت مركزه وياه لحد ما وصل يمي
عيني مارمشت ابدا  حسيت تنطبق عليه هالجمله،
(‏منذُ أن رأيتُ عِيناك وِ أَنا أرى غِيركُ عدَم .❤️)
    حسيت كلبي صار يدك بسرعه  وهمت بيه. عيوني وكلبي وكولشي بالدنيا وكف
لحدما وصل يمي.  رمشت عيوني من كال.  مرحبا
  مارديت عليه ..
رجع كال هلوو
.. نرجس .. اهلا وسهلا استاذ تفضل .
يقين .. ماعرف شنو صارلي .. اسمعه يحجي بس عبالك انخرست مارديت الا نرجس جاوبته وضربتني بعكسهه
ببطني