أُحبّك حبًا
لا تنقصه الظروف
ولا ينهيه خلاف
أحبّك باليقين الذي
لا يشوبه شك.
...................... ................
يقين .... كل الي صار جنت بأحلامي ما متوقعته
لقائي بأيهم
اعجابي بي
حبي اله وعشقي
هو بادرني بحبه وزادني بالعشق
والحلم الاكبر هو ايهم
قرر يسمي علاقتنا
..........
راحو المشيه....
انتضرت ابويه يفاتحني بالموضوع
بقيت اليوم كله انتضر وهو محجه شي ولا علق ابدا
جان عندي عطله ثاني يوم هو الجمعه يعني مراح اكدر اشوفه لايهم
خابرته وهو متوتر كلش وخايف لا بابا يرفضه
يقين . ..... حبيبي ليش مكتلي انت حتجي
ايهم . ..... . جنت اريدهه مفاجأه الج
يقين ...... مجنت مرتبه نفسي واخاف امك مشافتني بمنضر حلوو
ايهم ... لج هي غير متخبله عليج
يقين ..... مممم هسه شنو يحقلي اخلي شروط حالي حال البنات
ايهم.... بس خلي ابوج يوافق حطي كل شروط العالم واني موافق
يقين.... متاكد تره اني مو سهله حبيبي
ايهم ...... متاكد بس صيري الي كلشي ما اريد
يقين ..... خلي نشوف وين تصفه حبي
ايهم ..... انشالله خير
.....
يوم الجمعه جنه كاعدين عالغده
ابو يقين...... يقين .... شنو رايج بالناس الي اجوج
يقين ..... هاا بابا مادري بكيفك
محمد ..... يابه انت سالت عنه
ابو يقين ...... هو يحتاج واحد يسال شو هم مبينين ذولاك وينهم اكو واحد مايعرف عشيرته
وبعدين حتى ابن عمتك يعرفه يكول كلش خوش ادمي
ام يقين .... ابو يقين بس مو اكول صعبه ننطيهه لواحد متزوج هي يقين شناقصهه
ابو يقين ..... والله مادري حاير ومتردد
محمد ...... يابه تره هي يقين راح تتزوج .خليهه هي تقرر هذا مصيرهه حتى لا باجر عكبه تكعد تلومنا
يقين...... كل واحد ينطي رأي ويحجون واني احترك دمي ماكدر احجي شي خاف يبين عندي شي وياه
من كال محمد هالجمله تمنيت اكوم احضنه حتى نسيت شسوه بيه
يقين ..... بابا هو مكال ليش اجه علينا يعني وين يعرفنا
ابو يقين ..... يي كالي جاي على صاحبه للشركه وشايفج هناك
يقين.... اها
ابو يقين .... هسه شكلتي انطيني كلمه اخيره وواضحه موافقه لو لا لان رادو خبر من عدنا بسرعه
يقين...... بعد رايك انت بابا ... اذا انتو موافقين اني موافقه
ابو يقين .... هاهيه لعد نتوكل راح اخابرهم وارجعلهم خبر
ام يقين..... ماما يقين فكري زين تره متزوج ولا تصدكين يعوف زوجته انتي مافكرتي بهالشي شلون تكونين ضره وبعدين هو اكبر منج .. حتى لو عنده خير يجوز ماراح يكدر يسعدج يجوز طبعه مايعجبج
يجوز بالج مايرتاح وتضلين مشلوعة كلب
والله خايفه عليج
يقين .... بيني وبين نفسي ..اوف ماما ايهم حافضته أكثر من روحي
هو سعادتي وراحة بالي
يقين.... لتخافين ماما ماعرف احسه هو راح يسعدني
ام يقين .... كيفج بعد حياتج هاي بس لا تجيني باجر عكبه وتكولين ما مرتاحه. .
يقين. ..... نغزني كلبي . كولي يا الله ماما ليش تفاولين عليه
...
يقين كمت منهم ورحت كعدت بالغرفه ما جنت مخليه ببالي مرته ابدا عبالك ناسيه مرته وولده
ولج يقين انتي شلون تقبلين مافكرتي هو عنده مره
يعني مستحيل يكون الج وحدج
يعني ايهم حيكون بحساب الي نص منه
ونص حيبقى لمرته وولده
لاا مستحيل ... ماتزوج خليني هيج ابقى احسن. كلبي كام يوجعني من كد ما فكرت
رن الموبايل. ....
ايهم ..... هلاو حب شونج بشري
يقين.... هلو صباح الخير
ايهم .... وين حبيبي
يقين .... ايهم ماريد اتزوج
ايهم .... خير إنشاءالله بلشنا خبالات
يقين .... مو خبال بس جد ماريد اتزوج
نبقه هيج احسن
ايهم...... ليش شنو الصار البارحه جنتي مكيفه
يقين..... ايهم تحبني انت
ايهم ..... شنو هالسؤال .. طبعا احبج
يقين.... انسه موضوع الزواج ...
ايهم ..... ولج بويه شنو انسه الزواج غير اكو سبب مقنع شنو هي لعب
ماريد اضل طول عمري اتحسر عليج وعلى لزمة ايدج اريد اكعد الصبح والكه وجهج كبالي
اريد اشبع شوف منج ولج مو حبج زرف كلبي
يقين....
ماااريد يعني مااريد
ماخليك تتحسر شتريدني اصير اصيرلك
وعد مراح تتحسر على شي بعد
ايهم...... ماتكدرين تصيرين يقين ... لا تخليني اندم عالساعه الي اجيت بيهه ومشيت عليج
يقين..... شتريد اصير ... تريدني اصيرلك عشيقه هذا كل الي هامك موو ميخالف قابله
ايهم ...... طبج مرض لا توافقين ..... مو صوجج ...
يقين....... سده بوجهي .. يبوووو يربي
........... ............
ايهم .... .. يقين راح تخبلني ماخلت براسي عقل من كلتلي متريد تتزوج ...
مجنت اتوقع نفسي اروح اخطب وامشي
وتالي هسه هي هيج تسوي بيه
سديته بوجهه وروحي طالعه
أنت تقرأ
كسر الأغلال ( الايهم &يقين)
Storie d'amoreتتحدث عن فتاة فقيره لديها طموحات واحلام هل يا ترى ستجد من ينقذها من مجتمعها المتسلط وعائلتها الفقيره ( رومانسيه جريئة)
