الحب ليس معصية ولا هو خطيئه
بل المعصية هي ان تحاربو الحب
............ ...........
نرجع لنرجس واحداث صارت بالماضي
...............
نرجس...... كثر تواصلي ويه جاسم وكثر حبي اله اضعاف جان اقوه سند الي وجنت لسه بفتره العطله يشجعني عالدرسه
ذبيت نفسي كلش علمود امي ما تتفشل وارفع راسهه
......
جاسم... جان دوامي اسبوع بأسبوع
ايام الدوام. جانت هي تكعدني الصبح
تخابرني كل شويه تغديت تعشيت نمت
جانت ملزمه عليه انه ارجع لصلاتي
جنت اكوللهه يي داصلي بس جنت اكذب عليهه
ابتعدت عن كل السوالف الموزينه
لا بنات لا شرب لا ملاهي كلهه نشالت من حياتي
صرت اخاف اخسرهه بهاي السوالف
....
رجعت من دوامي للبيت وجنت مصمم انه احاجي اهلي حتى اخطبهه وهي متدري لان جانت تريد تطلع من السادس يله
.....
رحت وحاجيت اختي الجبيره بما انه ماعندي ام.
...
جاسم ...... اكلج ام زهراء عندي حجايه وياج
ام زهراء ..... كول وليدي جاسم شعندك
جاسم...... العمر ديمشي بيه واحس نفسي كبرت وعنست 🤣. واريد اخطب
ام زهراء ........ يييييي واخيرا انفكت جبستك
الف مبرووووك خويه من هسه اروح ادورلك مره
جاسم ..... لا لا شنو تدوريلي المره موجوده
ام زهراء .... هاا ولك تحب جويسم
جاسم .... يي احب والبنيه حبابه كلش واني اريدهه وما اخذ غيرهه سالت عنهه وطلعو اوادم
ام زهراء...... يي تدلل نروح ونخطبهه الك صدك جذب . اهم شي انت راضي ومرتاح
جاسم.... يي مرتاح الحمدلله .راح اخابر واحدد موعد ويه اهلهه
وانتي فهمي ابوي وخواني اني مابيه حيل دوختهم واسالتهم
ام زهراء........ هاهيه عوفهه عليه اني اقنعهم يمعود هم ما عولو تقبل تتزوج
........
جاسم ..... جنت مصمم هالاجازه هاي لازم اخطب نرجس اهلي اقتنعو كلهم بقه بس اقنعهه هي
خابرتهه
جاسم.... هلو حبيبتي نرجس شلونج
نرجس.... ها حبي وصلت للبيت
جاسم. .... يي وصلت كلبي . اكلج عندي موضوع اريد احجي وياج اسمعيني للاخر
نرجس..... خير انشالله حبي احجي
جاسم ..... شوفي نرجس اني كبررت ولسه لا مكون عائله لا زواج لا شي اريد اتعلم اتحمل مسؤليه اريد الكه لكمة حارة اكلهه من اجي مليت من الوحده ... مليت من الفوضى .. اريد ارتاح واستقر ... والبارحه من اجيت اهلي حاجوني يريدون يجبروني اتزوج .. جذبت عليهه علمود اخوفهه... واني كلتلهم اتزوج بس شرطي البنيه اني اختارهه... وهم وافقو وكالو من باجر نروح نمشيلك عليهه..هذا كل الي عندي واذا تحبيني توافقين
نرجس..... جاسم احنه شمتفقين ... مو تدري عندي دراسه خليني اطلع السادس وبعدهه تقدملي ....
جاسم.... نرجس لا تعترضين كافي لخاطر الله حبابه خلينا بس مشية ونقره الفاتحه. ومن تنجحين نتزوج
نرجس...... مممم بس مشيه انطيني وعد
جاسم.... اوعدج بس مشيه وعقد هاهيه
نرجس.... اوكف اوكف انت من تجي شنو راح تكول لاهلي عمامي منين تعرفني شلون تقدمتلي ....
جاسم..... معليج حبي اني محضر كلشي
نرجس..... شلون فهمني..
جاسم... باعي اني عندي صديقي. يداوم وياي وهو من منطقتكم وقريب عليكم كلش
فمن اجي عليكم راح اكللهم اني اجيت على صديقي وشفتهه راجعه من المدرسه وسالت عنهه ومن هالسوالف
نرجس.... وانت مقتنع بهالتمثيليه
جاسم .... يي مقتنع كلش كتلج عوفيهه ورايه
نرجس... وك عفتهه وراك نشوف ...
سديت الاتصال منهه ورحت ارتب الامور حصلت رقم عمهه وخابرته
عرفته عن نفسي وحجيتله الموضوع كله وكتله احنه الجمعه جايينكم .. كال هلا بيكم ويصير خير
جان متعجرف كلش من خلال كلامه عرفته
نهيت الاتصال
ورجعت اكمل تحضيرات واتصلت على جماعتي حتى يروحون وياي بالمشيه وشيخ عشيرتنا هو ابوي.
طلعنا الصبح لان احنه بمحافضه وهي بمحافضه... جانت المشية مرتبة نوعا ما عمامي وخواني وثنين من خواتي ومرة ابوي وابوي وولد عمي وكم واحد من جمماعتي
وجان الكل فرحان لفرحتي ....
ما جنت اعرف الي ينتضرني .....
...........
نرجس ... جنت لازمه كلبي من الخوف من جاسم كال راح يجي يخطبني من اهلي
بعدين تطمنت من كال خابر عمي وكايله تعالو يصير خير. جان هذا عمي اهدئ واحد بيهم
عمي اجه علينا وانطه خبر لامي وكللهه اكو ناس جايين يخطبون نرجس وخوش ناس مبينين ...
امي هم فرحت
اني سويت نفسي لا ادري ولا اعرف شي
نضفنا البيت ورتبنا صح جان صغير بس مرتب كلش ونضيف وماتعبان
بقيت اتواصل ويه جاسم لحد ما
اخر شي اتصل عليه الصبح وكال هم جايين بالطريق ....
تحضرت ولبست ثوب طويل ومرتب ووياه شال ردت اخلي شي خفيف لوجهي امي ما قبلت ... بقيت على طبيعتي
سمعنا صوت سيارات. وصلت ...
عمي طلعلهم وتفاجأ لان جايين هواي واحنه ناس بسطاء حتى ماعدنا مكان جبير
جبنالهم كراسي وكعدنا بره
والنسوان طبن جوه
ثنين منهن جانن حبابات كلش ومكيفات بيه ويسولفن ويانه.
اما ذيج اللاخ جانت طول ما احنه كاعدين هي تخزر بيه
عرفني عن نفسهن وحده مرة ابو ووحده اخته الجبيره جانن حبابات
اما اخته فمبينه ماعجبناها
.....
جاسم ... وصلنا الهم وجان يتلكانا رجال واحد
كعدنا بره
لان الضاهر مكان صغير ومايكفينا
جنت اباوع بوجه ابويه خاف ينزعج أو شي بس جان بالعكس يحجي بكل اريحيه
بس اخواني من البدايه ما كانو راضين
لان هناك متعودين ناخذ من اقاربنا
المهم ... كعدنا ابويه فتح الموضوع ويه عمهه
وحجاله عن اصلنا وفصلنا وحجاله عني وعن شغلي وحالتي وهاي السوالف
أنت تقرأ
كسر الأغلال ( الايهم &يقين)
Romansaتتحدث عن فتاة فقيره لديها طموحات واحلام هل يا ترى ستجد من ينقذها من مجتمعها المتسلط وعائلتها الفقيره ( رومانسيه جريئة)
