كسر الأغلال ( الايهم &يقين)

البارت السابع

نرجس .....  عمر جان يعرف كلش زين امه ما تريدني ولا تطيقني ابد
والكل يعرف السبب لان اني سمره
وهم كلهم بيضان

   بس اني جنت اكسر عيونهم بشطارتي بالمدرسه
    
بيوم من الايام اجتي بنت عمي
وكالت تره عمر يحب وحده وياه من الكليه وداخل بعلاقة حب وياها
وبعد مايريدج
  صح اني جنت مو كلش احبه
بس متعلقه بي من اني صغيره

كتلهه جذابه مستحيل هيج يسوي هو يحبني ويريدني
كالت
والله
وحتى امه مكيفه. وتكول اخطبله هاي  حبيبته احسن مما اخطب نرجس الزركه

اني هنا تخبلت وكمت ابجي
  ليش يعني
  هم تيتمت وهم عشت بفقر
وهم سمره والناس كلهه تسميني الزركه
صدك دخلت بحاله هستيريه
وتاكدت من الخبر
وطلع فعلا عمر يحب وحده

تركته نهائيا
حتى من يجون علينه
ما اطلع ولا اباوع عليه ابد
  
مر اكثر من شهر على سالفة خيانته وعلاقته واجتي هدى بنت عمي
كالت .. نرجس هاي رساله من عمر بسرعه اقريهه
وهذا تلفون راح يخابر احجي وياه 
جاوبته ... ها شتريد ..
عمر .. نرجس اني اسف . صدكي الي صار مجرد نزوه .. ومو كل الي سمعتي صح
تره والله كلهه تريد تفرقنه
نرجس ...  وانت شنو دورك بالموضوع من رحت وحبيت وحده وعفتني معلكه
 
عمر .. كتلج مجرك نزوه واني اريدج. وراح اجيب اهلي واجي اخطبج
نرجس ... بقيت مصدومه معقوله صدك راح يجيب اهله واكسر عين امه
.. كتله عمر  بعد ما اريد احجي وياك لحد ما تسوي حل لهذا الموضوع

عمر ... يي نرجس راح احلهه وعد
نرجس ... سديت الاتصال واني طايره فرح . واخيرا راح اكسر عيونهم كلهم واتزوج عمر مو حبا بيه لا ابدا
بس حتى انتقم من كل شخص اذاني
بنات عمي  وامه وكلهم

ثاني يوم وشفنه عمر واهله جايين ..
ام عمر مطنكره كلش حتى كوه سلمت علينه

طبو جوه كعدو 
اني بقيت كاعده بالغرفه وهم بالصاله
   بس ام عمر تحجي ويه ماما
وعمي وعمر بره كاعدين
سمعتهه تذب بسمهه على امي

ام عمر .... عيني ام نرجس .  احنه نرجس ناخذهه لعمر. بس عدنه شروط ..  
ما نسوي حنه ولا خطوبه.
بس عرس بسيط
ونسويلهه حلقه وتراجي
  وما نحطلهه غايب

ام نرجس ... ليش ام عمر على بختج وحد هي من البنات
لو هاي لان يتيمه ماعدهه لا اخ ولا اب
  تريدون تكسرونهه هيج

ام عمر .. والله عاد تسوون فضل اذا ترفضون احنه البنيه ما. نريدهه بس عمر جبرنا نجي نخطبهه
والا شبيه تخبلت اخذ لابني وحده زركه مثل بنتج

نرجس .... اني سمعت هيج تحجي لو ناااار وصار تغلي بداخلي.
قبل لا يجيهه الرد من امي
طلعت عليهه ...  كتلهه
اهلا وسهلا عمه
بس ما يشرفني اقبل بيكم
  
انتو الضاهر ناس همج تهتمون بس للمضاهر
   وماريد اشوفج ولا اشوف وجه ابنج بحياتي
رجاءا تفضلو بره
بس اني احجي بصياح
بحيث على صوتي صراخي
دخلو عمر وعمي
وهم صافنين ميدرون شنو الصاير
  عمر ... زمخت بوجهه . ولج نرجس شلون تحجين ويه امي هيج
انتي مو مال واحد يحترمج
 
نرجس..... والله عيني استاذ عمر اسال امك شحجت عليه
   ديروبالكم تتعدون عليه وعلى امي
كرامتنا فوك كلشي
لا حسبالكم لان يتيمه. وماعندي ضهر
والفقر ماكلنه تدوسون علينه
لا عيني ما عاش الي يهيني اني وامي