كسر الأغلال ( الايهم &يقين)

البارت الثالث

يقين ..من كالتلي صديقتي. عن هالشغل واني طرت فرحه   كلت همزين هم اخلص من البيت وهم بي فلوس
بسرعه رحت دخلت على صفحتهم وراسلتهم
    لليل يله جاوبوني   كالو انه يريدون بنيه  تجاوب الزبائن.  ومن هالسوالف كتلهم يي اني خريجه  ومتفرغه وهيج كالو انطينه تفاصيل عنج   ورادو صورتي هم. دزيتلهم صورتي. بدون ميدرون اهلي.  حسبالي امان 
مرت الايام واني اشتغل ومكيفه كلت لامي كالت خوش بس ماكتلهه دزيت الهم صورتي ولا شي.   
مر شهر  على شغلي وياهم. ودزولي الراتب على شكل رصيد صح هن قليلات ١٥٠ الف بس احسن من الكعده
    المهم وراها كلولي دزينالج بريد  الكتروني. علمود الشغل وحسابات جديده اني مطيه بسوالف الموبايلات.
  والله كولو انطيتهم الرمز مال البريد
ومرت ايام 
ما احس الا محمد طاب عليه. للغرفه   ويصيح وكسرني تكسر. بالصونده زوركني كمت ماكدر اجر النفس واعيط محد يكدر يخلصني منه
امي تصيح تكله شكو.
هو يكللهه خزتنه نزلت روسنه
    الله لا يوفقج يقين.  ليش ولج شسويتي بينه. اليوم اكتلج خلاص
    اخر شي اجه ابويه كام يصيح عليه  ووخره عني بس اني الدم  يجري من وجهي ومصدومه😳 شنو السويته حتى يخلي هيج يسوي بيه
بقيت ابجي واصيح والله ممسويه شي 😭
ابويه اخذه وطلعو بره
محمد...  اني جنت طالع ويه جماعتي   ولازمين موبايلاتنا.  فواحد من جماعتي كالي محمد هاي مو اختك. 
كتله بله انطيني.   يي والله هاي يقين
صخام بوجهج يقين شنو هاااي 😱
الصور كلهه مال مناسبات وصلوخ    واكو  صور منضرهه مخل  كلش 
  بقيت مصدوم   شجاب الصور هنا. من فشلتي حتى ما باوعت بوجه الولد رحت ركض للبيت وطبيت بدون وعي ركض لغرفة يقين كسرتهه ناوي عليهه اموتهه اليوم.  خلاص 
شبعتهه كتل موتتهه حسيتهه راح تموت بين ايدي بس كلبي مارف عليهه لحد ما اجه ابويه ووخرني كوه عنهه
طلعت ويه ابويه وحجيتله عن الشفته
ابويه حسيته راد يغمى عليه من الي صار. رجع راح على يقين
كاللهه لوما خطيتج عد ربج جان ذبحتج
بس خلي اعرف تفاصيل هالمشكله وساعتهه اعرف شلون اتصرف وياج
يقين ... من بابا اجه عليه وهيج كلي تمنيت الارض تبلعني ليش شسويت وهيج هم كارهيني  ياربي خلصني ما سويت شي غلط والله  بقيت الح عليهم ليش هيج سويتو بيه 
حجتلي ماما عن القصه كلهه    ساعتهه عرفت انه الصارلي كله بسبب الشغل الي داشتغله
   وربطت الاحداث كلهه. والبريد الاكلتروني يمكن من خلاله كدرو ياخذون صوري
بس اني ما عندي هيج صور ماصخه بموبايلي
   بقيت ٣ ايام لا اكل ولا شي محبوسه بغرفتي  وبقيت ادعي على ايه صديقتي هي ورطتني بهاي السالفه
  قررت احجي لبابا   عن شغلي وعن كلشي فكتله اني اشتغل وهيج بابا كلي ليش تشتغلين ميته جوع
كتله لا بس ما عايشه عيشه كريمه اريد اشتري براحتي اريد اطلع اتونس حالي حال البنات
هو عافني ومشه
طبعا خلال فتره حبسي بالغرفه    لاحكيت الموقع الي ناشر الصور. وحاذفينهن
واخويه اندل هذوله الحقراء الي هيج سوو بيه
طلعت مفبركين الصور وحاطين وجهي   على جسم مو الي
طبعا مو اول وحده اني هيج مسوين بيهه كومه بنات هيج يسوون بيهن هدفهم يشهرون البنات ومرات يبتزوهن
  منعني ابويه من الطلعه والموبايل
بقيت اكل ونوم ومشاكل من وره مرة عمي الحيه
وايه اختفت هاي الحقيره
    
مر شهر على هالسالفه وابويه كل ما يشوفني احسه يستخطيني 
مره من المرات عمتي جانت يمنه كلتله ما تخلي يقين تشتغل هم تعينك بالمصرف وهم  تطلع من البيت خطيه تخرجت وكاعده
كللهه بابا وين تشتغل ماكو امان
عمتي .. لا عيني ابو يقين اكو امان وهواي بنات يشتغلن    اكو شركه  اثاث كلش ضخمه ومعروفه وتريد موضفه  عالحاسوب    ترتبلهم جداول مشتريات وهيج شي خليهه تروح.  بلكت يقبلوهه
يقين ... حسيت. كلبي راد يطلع من الفرحه وابويه شكله اقتنع     كللهه الله كريم دزيلي العنوان
  منا راح تنفتحلي ابواب. تحقيق الاحلام 
وبنفس الوقت ابواب الخطايا والذنوب
  
بلشت قصتي.   مع كسر الاغلال والقيود  مع تحقيق الاحلام
مع   الاخطاء 
انتضروني في البارت القادم واحداث مشوقه