يقين
بابا اخذ عنوان الشغل ورحت اني وياه علمود المقابله
جان المكان يجنن والمنطقه كولش راقيه
جان المكان بي كومه بنات
من شفتهن. ايست وكلت مستحيل يقبلوني
البنان الموجودات. احسن مني شهايدهن
وسافرات كلش. قصير وضيك وبدون حجاب
يقين .. بابا خلي نرجع. مبينه ما راح يقبلوني
شوف البنات كلهن شهادات احسن مني
بابا . لا يقين خلي نحاول يجوز يقبلوج وابن عمتج يعرفه لصاحب المكان وموصي عليج يجوز يقبلوج
يقين .. بوزت حلكي وكعدت انتضر دوري
صاحو اسمي ودخلت.
جان اكو واحد. بعده شاب. هو يسوي المقابلات
سالني كم سؤال
عمري تحصيلي الدراسي
وين ساكنه
اني اجاوبه بس كلي يأس انه هالشغله مو الي
عاد طلعت بره وكالو انتظرو ونختار منكم ثنين بنات
بقيت كاعده اكثر من ساعتين انتظر
طلع المدير الشاب وبيده اوراق
كال اول وحده نرجس
والثانيه يقين
عزززززه 😍
بقيت من الفرحه مدري شسوي
عاد هو كال اتمنى تكونون على كد المسؤليه
وتتحملون ضغوط العمل
وكال الي انقبلو تعالو ورايه للمكتب
بابا كيف كلش رحت للمكتب واخذت بابا وياي
فانطانا ورقه وكال وقعو عليهه عقد لمدة ستة اشهر
بس اي خطا يصير تتحملينه انتي كتله ميخالف
جان مكتوب بالعقد الراتب ٦٠٠.
ويومين بالاسبوع عطله
واستراحه زمننيه
والوجبات على حساب الشركه
يقين ... ياربي صدك جذب هيج فتحتهه بوجهي
واخيراااا 🤗
وقعت عالعقد. وطلعنا للبيت اني وبابا
وباجر اول يوم اداوم بي
طبعا هم انطوني راتب مال الشهر ليكدام
وجان اكو تعليمات انه. الزي موحد بالشركه
بنطرون اسود وقميص لو وردي لو ابيض لو اسود
اني حجابي نص ونص. يعني مو كلش ملتزمه بي
المهم. داومت اول يوم جان الدوام كلش مريح. مابي تعب
المكان هادئ
ابقه كاعده عالحاسوب واشتغل بالبرامج وارتب المواعيد والمشتريات
والبنيه الي نقبلت وياي
صارت صديقتي كلش اسمهه نرجس
خليهه تحجيلكم عنهه
................
نرجس .. هلاو
اسمي نرجس عمري ٢٣ سنه متخرجه معهد
مواصفاتي طولي وسط. بشرتي حنطاويه وشويه ضعيفه
بس عيوني متكفلات بالموضوع 🤣كلش حلوات
اني ابويه متوفي من جنت صغيره واني الوحيده لامي عايشين على راتب ابويه
عايشين بريف وبيت صغير بس الحمدلله مكتفين
احجيلكم قصتي
جنت صف خامس اعدادي واول مره انزل فيس بوك
من اول يوم اجاني طلب صداقه
وافقت عليه جنت احس نفسي زعطوطه ما حاجيه بحياتي ويه ولد
دخل الي خاص بقينا نحجي الليل كله
وبقينا يوميه نحجي تقريبا شهرين على هالحاله وحجيتله كلشي عني بس بدون ما اذكر منطقتي أو سكني. تعودت عليه وهو هم تعود عليه
عرفني عن نفسه ودزلي صور اله
شكله يخبل ومبين من ذوله الطاكين والسياره مالته تجنن وطلع يشتغل بالاستخبارات
اني كلبي كام يرجف
كلت هذا يخوف وحذفته نهائيا خفت لا ولد عمي وعمامي يعرفون يذبحوني وره اسبوع تقريبا اني اروح للمدرسه ومن رجعت بالطريق. شفت واحد واكف يم سياره
بقيت فاكه حلكي
يمممه هذا شجابه هنااا
.... اخذني الواهس بالحجي خلي يعرفكم عن نفسه
....
كافي نرجس شكد تحجين 🤣
جاسم ... هلاو اني جاسم من ... . عمري ٣٢ سنه بس ممبين عليه بعدني شاب. مرتب وسيم كلش 🤣
اشتغل بالاستخبارات
عايش ببيت وحدي. بس بصف اخواني وابويه.
امي متوفيه وعمري ٩سنين
رغم هذا عمري بس. احس محتاج حنان وشي يعوضني عن امي
اني بطبيعتي سبورت كلش احب اتشاقه ويه البنات واسولف وياهن.
وكل طلعاتي ويه البنات
وماجذب عليكم حتى علاقاتي توصل 🔞
وما مخلي وحده بنفسي
عندي فلوس هواي واملاك
ما اهتم لاي شي
فدائما اراسل عالفيس
شفت الصفحه دزيت طلب
فبسرعه وافقت
كمت اضحك كلت شبيهه ما شايفه
بقيت احجي وياهه هواي
حسيتهه زعطوطه
وماعرف ليش ما لعبت عليهه أو شي ولا حتى دست بالحجي وياهه
ابد جان كله حجي عادي وعرفتني عن نفسهه وحجتلي وضعهه انو ماعدهه احد وعمامهه مسيطرين عليهم فجنت احجيلهه عن نفسي وحياتي
بس بيوم الي عرفتهه عن نفسي وكتلهه اني بالاستخبارت
اشوف هاي راسا اختفت انتضرت يوم يومين
ماكو اخر شي طكت روحي حسيت نفسي افتقدتهه
كمت ادور عن اي شي يوصلني الهه بحكم عملي لكيتهه
عرفت مكان بيتهه ومدرستهه
فرحت وكفت قريب على بيتهم وسالت كالو يي. محد عايش هنا بس هي وامهه ويتيمه
بقيت انتضرهه بس اني ما شايفهه ابد غير مره وحده دزتلي صورة عيونهه وطبعن عيونهه بعقلي سحرني سحر
شفت بنيه. حلوه لابسه ملابس مدرسه ناعمه نوعا ماا اجتي تمشي. على البيت بس هي شافتني جمدت بمكانهه
عرفت هي هاي
.... نرجس
ولج عزه العزاج نرجس
هذا عرف مكانج واجه يمه راح يذبحوني عمامي
لا اراديا كمت ابجي. هو شافني حاول يحجي وياي
راسا رجعت ليوره هو شافني ابجي طب للسياره مالته.
وانوب طلع
ذب ورقه بالكاع ومشه
يمه دمي كام ميمشي بجسمي صرت ارجف من الخوف دنكت شلت الورقه وركض للبيت
.... يتبعع
أنت تقرأ
كسر الأغلال ( الايهم &يقين)
Romansaتتحدث عن فتاة فقيره لديها طموحات واحلام هل يا ترى ستجد من ينقذها من مجتمعها المتسلط وعائلتها الفقيره ( رومانسيه جريئة)
