يكولون ان كل انسان يتكون من جزئين واول ما ينولد يكون عبارة عن جزء واحد وخلال حياته يبحث عن الجزء الناقص منه مرات يصادفه ببداية عمره ومرات مقدر اله ان ميلكاه او يضيع منه ، واني افكر بيني وبين نفسي اكول شلون الواحد يعرف جزئه الناقص ،بالاخير تركت الامر للقدر.....
لكن واخيرا صادفتك انت ❤️
.................. ........... ........
يقين.... حسيت كل ايامي صارت تمشي بسرعة بعدما جنت احسهه قبل لا اتعرف على ايهم اثقل من الحجر على كلبي
الايام الحلوه تمشي بسرعه بسبب كمية السعاده الي نحس بيهه ويه الناس الي نحبهم
ايهم بالنسبه الي جان الحظ الحلو جان ابتسامتي ... فرحتي والايام الي عشتهن بسعاده وفرح فالفضل يرجع لايهم
اكعد على صوته وانام على صوته تعلقت بي كلش بس مو كثر تعلقه بيه .....
صار ميكدر يفوت يومين بدون ما الكاه واكف بالكافيه قبلي ينتضرني
..... تفاصيل يومه كلهه يحجيلي بيهه ياخذ رأيي بكولشي
اكثر ما يزعجني بي هو عصبيته واذا كال كلمه خلص لازم انفذهه .... هالشي الي جان يعصبني منه
........
ايهم ..........
جانت علاقتي بيقين اقوه من اي شي ثاني بحياتي الي مليانه مشاكل ويه زوجتي واولادي رغم ما جنت موفرلهم كولشي يحتاجونه ماعدا الحب الي ماكدرت اوفره الهم رغما عني.....
زادت غيبتي عن البيت ووياها زادت مشاكلي ... جان الكل ملاحظ تغيري عليهم
صرت ما اكل بالبيت ابدا
مجرد ما ابدل وسبح واطلع
جنت احس بانزعاج يقين من اكوللهه رايح للبيت جانت تعتصرهه الغيره بس متحجي ولا تعترض ابد
جنت استمتع من اشوفهه تغار جان حبهه يتضاعف ...
......
جانت تعاندني ببعض الاحيان بس بالاخير انتصر عليهه واقنعهه باللي اريده
الا مره وحده سوت الي براسهه ...
.........
جنا كاعدين بالكافيه
يقين ..... ايهم اطلب طلب
ايهم.... عيوني ميغلن عليج
يقين .... يسلملي عيونك حبيبي بس ماريد عيونك اني اريد شي لاخ
ايهم..... كولي واذا سهله تامرين
يقين.... اريد اتعلم اسوق سياره واكو شركه قريبه هنا هي تعلمني
ايهم .... وليش شركه اني اعلمج
يقين.... صدوك حبي
ايهم ... اي والله حبيبي اني اعلمج بس افرغ من شغلي شوي
يقين..... يعني شكد يومين تلاثه
ايهم ..... حبيبي مو كتلج افرغ واعلمج انطيني مجال فد اسبوعين هيج وتدللين
يقين .... شوف. حبيبي. انت ماعندك مجال تعلمني فخليني اتعلم بالشركه احسن
ايهم .... كلت لا يعني لا وخلص سدي الموضوع
يقين ..... معليه ايهم اريد اتعلم شنو السالفه
ايهم .... يقين تسدين الموضوع لو شلون
يقين.... وك ... درت وجهي على صفحه وكتله اريد امشي كمت
ايهم.... اكعدي بعدني مارايح وتعلمي تحترميني
يقين .. .... هسه انت ماعندك شي بعد خليني اروح عندي شغل
ايهم .... روحي يقين ... اني اعلمج عليهه
يقين .. بااي
........
ايهم .... بقينا مطنككرين واحد على الثاني
مرات احس نفسي مراهق ولا كانو اني رجل واعي فاهم اتصرف تصرفات تخليني ماحس عمري بالاربعينات كانو انزل لعمرهه
قررت اكسر زعلتهه واروحلهه للشركه. ارضيهه وره ثلاث ايام رحت الصبح داسويلهه مفاجأه ... على غير العاده لان دائما من نلتقي اروح الضهر
نزلت شفتهه ماكو بمكانهه
ايهم ..... هلو نرجس شو يقين ماكو
نرجس .. اهلا بيك. يقين عدهه درس سياقه وراحت مصارلهه نص ساعه من طلعت
ايهم ...... شنوو وين راحت .
نرجس ..... هنا شركه قريبه علينه
ايهم .... صارلهه شكد ..
نرجس..... صار اليوم ثاني يوم الهه
....
ايهم.... طلعت واني احك بكصتي من العصبيه
ركبت السياره وكفت يم شركه تعليم. قياده اقرب شي جانت
نزلت وسالت بالاستعلامات. دورو اسمهه بالسجلات كالو موجوده جاي تدرب بالساحه
رحت وكفت واباوع عليه دتسوق ويمهه مدرب بصفهه كاعد ....
انتضرتهه لحد ما وصلت يمي وهي مامنتبهه عليه ...
فتحت الباب وجريتهه حيل من أيدهه واخذتهه للسياره ... حركت بسرعه وهي تأتات من الخوف ومتعرف شتحجي كل شويه وكالت اسفه
يقين....... حبيبي حباب اني اسفه عفيه لا تزعل مني والله مو بقصدي
ايهم .... يقين اني مو منعتج لو لاااا حذرتج لو لااا ليش العناد شنو كدامج جاهل .بصياح.
يقين ..... لا حشاك والله انت نرفزتني ما خليتني اروح ولازم شتكول انفذ ميصير هيج
ايهم ..... وغصبا عليج تنفذين كايلج الف مره لا تسوين شي من وراي ولا تعانديني
رايحه كاعدتلي بحضن واحد وتتعلم السياقه وين عقلج انتي ...
يقين ...... شنوووو هاااا كاعده بحضنمن اني والله لاا
ايهم .... مو كاعد هذا بصفج وماد راسه جنه حيوان ويعلمج
يقين ....... ببكاء .. يي والله يعلمني بصفي مو بحضنه اني ... نزلني ايهم معليه هسه تنزلني ... ليش تصيح عليه ..😭
ايهم ...... حتى تتعلمين مره ثانيه شلون تشمرين حجايتي وراج وتسوين البراسج
يقين ...... زدت بالبجي ومخليه ايدي على وجهي وعيوني.... كتلك رجعني مااا مو كتلك اسفه ليش دتصيح عليه
ايهم ..... هاي كامت تبجي صدك اول مره تبجي كدامي ماتحملت اشوفهه تبجي
كااافي حبيبي . بطلت ما اصيح انتي ليش تعصبيني. مو مانعج من هالشي جان انتضرتيني وعلمتج والله تعبتيني تره
يقين.... وخرت اصابعي من عيوني اريد اشوفه خاف يجذب عليه
ايهم .... ولج انتي منو يكدرلج حياله
يقين...... لا والله معليه من صدوك ترجعني هسه
ايهم ...... بوويه والله اخاف عليج ناس ما تتامن وكلشي تسوي بالحرام
وهم اني اسف صيحت عليج وطلعت اني الغلطان هسه بس يقين ديريبالج واياج ..
يقين...... ييي ييي افتهمت بعد التوبه اذا اعيدهه اصلا بعد ابد ما مستعده اشوف وجهك الثاني عليه
ايهم ...... خوش نشوف ... ممنوع بعد تبجين عيب
يقين ..... ليش عيني عيب
ايهم ...... ولج تشلعين كلبي من تبجين
هسه وين نروح ...
يقين ....... رجعني للشركه مابقه وقت وعندي شغل متراكم
ايهم ....... وك ... حبيبي راح ارجعج
............
رجعتهه للشركه وطلعت لشغلي. ...
جان عيد ميلادهه باقيله اربع ايام ....
واني حاير شنو اسوي مفاجئه الهه
وبالاخص هاي اول ميلاد الهه واحنه سوه
... خطرتلي فكره كولش حلووه واتمنى توافق عليهه
أنت تقرأ
كسر الأغلال ( الايهم &يقين)
Romanceتتحدث عن فتاة فقيره لديها طموحات واحلام هل يا ترى ستجد من ينقذها من مجتمعها المتسلط وعائلتها الفقيره ( رومانسيه جريئة)
