كسر الأغلال ( الايهم &يقين)

البارت ٢

  يقين
وصلت للدوام  كالعاده نفس  الروتين والملل
  اكو ولد ويايه بالدوام
اسمه احمد دائما يباوعلي وكم مره حاجاني بس جنت ارفض رفض قاطع
    مستحيل اطلع من فگر واطب بفگر مره ثانيه
صح حالته احسن شوي مني 
بس يبقه انه مستواه المعيشي متوسط
اني مخليه بأحلامي.   انو تصيرلي معجزه  وافتح اكبر مركز تجميل      واسافر واتونس لا زواج لا بطيخ اهم شي احقق حلمي
رجعت للبيت ومرت الايام دوام وبيت وهكذا
  
  اندكت الباب بيوم من الايام
   يقين . منو تفضلو
  عيني انتو بيت ابو محمد
يقين .. يي خاله احنه تفضلي
  طبو للبيت وكعدو.  نسوان اربعه.
ووياهم زلم ثنين
    المهم بقو شي ساعه وراحو
ام يقين ..   اكلج يقين.    اني اثق بيج اكثر من اي احد بالدنيا اريدج تحجيلي الصراحه

يقين . خير ماما كولي شنو.
ام يقين .  انتي عندج علاقه بالكليه
يقين .. لا والله ماما   ابد وتعرفين اني كلشي يصير ويايه احجيلج  .. ليش شكو منو كلج
  ام يقين .. هذني النسوان اجني يخطبنج لابنهم. تكول امه انه انتي وابنهم تحبينه ويحبج  
يقين ..   منو ابنهم. والله ماما لا احب احد ولا شي.  
ام يقين ابنهم اسمه احمد 
يقين .. ماما كالتلي هيج لو احس نار اشتعلت جوايه. بسيطه احمد هيج تطلع عليه حجي حتى تخليني امام الامر الواقع بسيطه   
يقين .. زين ماما. بابا شنو رايه خاف قبل بيهم
الام .. شتعرفين ابوج يجبرج طبعا لا كال القرار قرارهه  
طبعا. امي وابويه ناس فقره كلش من اهل الله أبويه رجال مسالم هادئ.   يبذل كل جهده في سبيل   يجيبلنا لكمه .....
 
   انتضرت يجي الدوام احر من الجمر  
يقين . احمد من رخصتك شويه تعال داحجي وياك
  احمد .. كولي يقين.    كلشي بيه يسمعج
يقين ..انت ما تستحي ما مليت.   الف مره كتلك لا. ومن سابع المستحيلات. نصير سوه
ليش هيج تطلع عليه حجي كدام اهلي  
احمد ... يقين فدوه انطيني فرصه شوفيني  شنو اسوي علمودج شتريدين اني حاضر
بس خلي نجرب. والله احبج ماكدر اطلعج من راسي لج والله حتى واني  نايم اتفزز من النوم من وراج كافي لخاطر  الحمززه   
يقين .. احمد اني ماحبك مو كوه هي واني مستحيل اتزوج لا انت ولا غيرك اني عندي احلام وطموحات. ماحب اتقيد
مو غصب هي
لا تخليني اجرحك بالكلام. من هالمكان وانساني خلاااص
 
   مادري ليش هالانسان مايعوفني. ولا اني كادره احبه ولا اطيقه اصلا    عفته ومشيت بقه يباوعلي بنضرات غريبه
مشت الايام. والاسابيع وهي تثقل على قلبي
لا حالي يتحسن ولا شي جديد يغير حياتي
 
لحدما تخرجت وبقيت كاعده بالبيت
لا شغل لا عمل
لو باقيه ادرس احسن عاد  اطلع من البيت  اشوف العالم
ولا هالحبسه هاي
يبوووو شنو هالعيشه 
    حتى صديقاتي حضرتهن من كل مكان ما منهن فايده
    ...   طبيعتي انسانه مزاجيه متقلبه ما يعجبني العجب
دائما امي تكلي يقين غيري طبيعتج تره تتعبين بحياتج   مايصير هيج تبقين لا اباليه
مرات حتى احس نفسي امل من اهلي
متسرعه بتصرفاتي
اسوي اشياء واندم عليهه وره ثواني
  الخطا عندي صح ما اهتم لاي احد
مخليه نفسي فوق الكل
   رغم ما جانت مرة عمي دايسه علينه دوس تتهمني انه اسوي اشياء مو زينه
بس اني والله ابد ما سويت شي خطا وابويه جان يعصب عليهه يكللهه مستحيل تسوي شي غلط يقين عقلهه يوزن بلد
... يقين الي جانت  حلم الكل يتمنى يوصله
كدام العالم اني مثل الجبل مايهزني شي
بس بداخلي اني نوعا ما انسانه ضعيفه شويه. احس بنقص لان احنه ماعدنه فلوس

شكد حاولت اقنع ابويه انه اشتغل هواي جانت اكو فرص عمل.  بشركات اهليه
عيادات طبيه
  ابقه اتوسل
بس بابا مايقبل ابد يكول اخاف من الحجي
ومحمد قافل اكثر من بابا

   اجتني فتره دخلت حالة اكتئاب بسبب الملل من البيت  ومشاكله    تمنيت اشرد شي

  فاجتني صديقتي وبنفس الوقت هي اقاربي كالت ولج تعااي
لكيتلج شي تطلعين منه فلوس
وبدون متطلعين من البيت
كيفت كتلهه يا الله شنو
  كالت هاي   الصفحه عالفيس وراسليهم. هم يفهموج
كتلهه خوووش
ماجنت اعرف انه. حتصيرلي مشكله بسبب هالشي 😥