هلوو يـَ حِلوين ، جبتلكم مشاهد من البارتات الجاية ، توضحلكم الأحداث القادمة ، بَس بدون ذِكر أسماء
أعتبرو غُش🌚.
,,,
وحدي بالغرفة ، حاضنه رجليه على صدري و گاعده ع الچرباية و أفكر شلون أخلص منه و أرجع لأمي و مستحيل بعد أحچي وياه و عيني تطخ عينه ، فجأة أنفتح الباب و دخل ، وگف باوعلي بنظرات غريبة ، قفل الباب و طلع المفتاح و حَطه فوگ الكنتور ، بده يتقدم عَليه بخطوات بطيئة ، گمت على حيلي ...
- رجعنيي للبيييت هَسسههه ترجعننيي أفتهممتت ، مااريدككك آني مااارييدكك أفتتهمم عاااد
ما حچه شي و أستمر يمشي بأتجاهي ...
- أطلللعع بررهه ماارييد أششووفكك
وصل يمي و تقرب عَليه كلش ، و آني رجعت ليورا من شَفت قُربه مني ، آني أرجع وره و هو يتقدم عليه ، بحركة سريعة منه جرني من إيدي و لزگني بصدره ، سحب الشال اللي على راسي و فتح شعري و آني أحاول أبعده عني و أوخر بَس هو لازمني بقوة لدرجة حسيت أصابعة أنغرزن بخصري ، حَط أيده على راسي و باسني من شفتي بوسة خفيفة ، دفعته عني و صحت ...
- وللكك شتتسسووي أنتت ، شلوون تتجرأ و تسسووي هييچ !!
رجع لزمني من خصري و قربني عليه ، دنگ عليه و قرب وجهه لأذني و همس ...
- أنتِ حَلالي ، لا تحاولين تقاومين
وخر شعري و باسني من رگبتي بقوة ، هنا گلت خَلص راح ياخذني قبل العرس و يجبرني عَليه و يخليني أتزوجه غَصب ، صرت أبچي بقوة و أضرب بي و أحاول ابعده عني ، هنا حَس على نَفسه و أبتعد عني ، باوعلي بنظرات حزن و كَسر ، حچه ...
- والله أحبچ و ما أشوف غيرچ ليش ما جاي تفهميني !!
حَط إيده على گلبه و عگد حواجبه و دنگ راسه مال واحد متألم ، راح أخذ المفتاح و فتح الباب و طَلع ...
,,,
دخلو بسرعة للعمليات و آني گعدت ، أتذكر منظره و هو غرگان بدمه ، راسه ينزف و صدره ينزف ، ضليت أدعي الله يفكه منها و يگوملنه بالسلامة ، مستحيل أتحمل موته آني ، والله أموت وراه ، أنتبهت لـ **** جاي بأتجاهي ، وصل و حچه ...
- هاااا وينه شنو وضعه ، أحچي بس لا مات؟؟!
- دخلو للعمليات ، **** وضعة چان حيل سيئ ، نزف دم هواية
- إن شاء الله ميصيرله شي
- بَس لا أبوية حَس بشي؟؟
- ما أدري آني من وصلت گالولي و طلعت بوجهي للمستشفى ...
,,,
ما حَسيت شلون حچيت گدامه و فضحت سِر گلبي اللي محد يدري بي ، من سمعت هالخبر دموعي نزلن لا إراديًا و گمت ما أعرف شحچي ، حچه و هو مصدوم و يباوع عَليه ...
- يَعني طلعتي تحبين **** !!
گام من گدامي و صار يفتر بالغرفة و يردد جملة " طلعتي تحبينه !! " ، ألتفت عليه و صاح ...
- يعنننييي رفضضتيننيي لأننچ تححبينهه موو ؟؟؟
ما حچيت شي و لا جاوبته ، و دموعي مستمرات ينزلن على خدودي و يحرگنهن حرگ ، أجه عليه لزمني من إيدي بقوة و صاح ...
- ولچچچ أححچيي رفضتتينيي على موودههه ؟؟
- فدوة *** وديني لأهلي
- ماكووو رووحهه لأههلچ تتبقيين هنااا يمييي و أشووف شلوون تححبيينههه
عافني و طلع ، طبگ الباب حييل وراه و فزيت من صوته ، حضنت رجليه و گعدت أبچي بخنگه ...
,,,
وصل **** و ويه وصلته وصل *** ، نزلو من السيارت و هُمه يشوفون الدخان يطلع من جوه باب المكتب و الناس ألتمت ، رادو يفوتون بَس لزموهم ولد و گالولهم تحترگون إذا تفوتون هَسه يجون الأطفاء و هُمه يتصرفون ...
- أبوويةة جاي يحترگ جووههه و تريدوني أننتظظرر الأطفاااء ، هدووونييي يولوووو أبووويةةة رااححح يموووت هدووونيي ، ياااا الله
لازمينه 3 شباب و مو مسيطرين عَليه ، *** غافلهم و راح يركض لجوه ، **** من شاف *** دخل دفعهم عَنه و تخلص منهم بالگوة ، دخلو جوه و حاولو يفتحون الباب بَس الباب مقفول ...
********
هذا مُختصر للأحداث القادمة إن شاء الله ، حَبيت أحمسكم شوية للرواية🙂🔥 ، ( أحمسكم لو أگليكم ههيههيي🌚 )
يلا عيني شوفوني توقعاتكم و تحليلاتكم الحلوة
المهم أبقو وياي بروهات ، القادم أفضل بأذن الله💙
سحر الدليمي
أنت تقرأ
عشگ الفرات ( عِندما تَهوى القُلوب )
Romanceأحياناً نعشق من لم نكُن نتوقع أن نعشقهُ يوماُ و أحياناً نعشق من لا يُبادلنا العشق في روايتنا هذهِ سـ نَمر بالحُب و الكُره بالخَير و الشر سـ نَتجول بين البَصرة و الأنبار سـ نكتشف معاً قصص جميع من هُناك تذكرو دائماً أن البدايات ليست كـ النهايات رواية...
