🇼‌🇦‌🇷- 전쟁 🀄 JJK ( Short Story ) ✔️

🧧 පළමු යුධය..

" ඉවත් වනු... "
ඒ හඬ ත් සමගින් ඔහුගේ ප්‍රතිවාදියා පපුවට ලද කඩුපරින් බිම ඇද වැටුනේ වයස අවුරුදු විසිපහක පමණ වූ ඔහු බිම ඇද වැටුන ප්‍රතිවාදියා දෙස එක් වරක් හෝ නොබලා ඉදිරියට ගියේ නොකඩවා තමා ඉදිරියට එන ජින්සේ රාජ්‍ය සෙබලුන් එකා පිට එකා කඩු මුවහතින් පොලවට හෙලා දමන අතරෙයි..

" යාහ්.... අහ්... "
එකිනෙකාගේ කෑගැසීම් මැද සටන නොනවත්වාම ඔවුනොවුන් විනාශ කලා..
එය තියුනු සටනක් වූවා.. රාජ්‍යන් ද්විත්වයෙහි සියලු සෙබලුන් සටනට ප්‍රවිශ්ඨ වී අවසානයි...

නමුදු සම්මෙක් රාජ්‍යයේ එකම ප්‍රතිවාදියා වූ ජින්සේ රාජ්‍ය අධිරජුන් මේ දෙස බලා සිටියේ සෙබලුන් වටවූ ආරක්ෂිත රථයක් මතයි.

තමාගේ ඉදිරියට ආ සියලු කළු පැහැ යුද ඇඳුම් ඇඳි ජින්සේ රාජ්‍යයේ පුද්ගලයින් තම කඩු පහරෙන් නසා දමන ගමන් ඔහු කෙමෙන් කෙමෙන් ළං වූයේ ජින්සේ රාජ්‍යයේ මහා අධිරජු අසලටයි ....

ඔහු නමින් ජන්කුක් විය සාමාන්‍ය ශරීරයකින් හෙබි කඩවසම් පුද්ගලයකු වූ ඔහු සෙබළ හමුදාවෙහි සාමාන්‍ය තනතුරු දරන්නෙක් වූවා....

විදුලි ක්ෂණයකින් තම වම් හස්තයට ලද කඩු පහරින් ඔහු මදක් අඩපණ වූවා... ආපසු හැරී තමා පහරකෑ ඒ ප්‍රතිවාදියාට කඩු පහර දුන් ඔහුගේ බොඳවුණු දෑස් යොමු වූයේ යුධ සෙබලුන් අතරින් දුටුව ඒ නුහුරු නොගැලපෙන රුව වෙතට...

ඒ අධිෂ්ඨානය පිරුනු ඒ විනිවිද පෙනුන ඇස් කලබලයෙන් තමා වෙතට එන සෙබලුන් දෙසට යොමු උනා ... දිගු කළුපැහැ බඳ දක්වා විහිදුණු කේශ කලාපය ඇයගේ අසිපත් වේගය හා සමානවම ලෙළදුන්නේ ජන්කුක් නම් සම්මෙක් රාජ්‍ය සෙබලාට ගෙවෙන්නා වූ මොහොත යුධ පිටියක් බව අමතක කරලමින්...

ඇය වෙතට ආ රාජ්‍ය සෙබලුන් දෙදෙනෙක් එකවර බිම හෙලූ ඇය පෙනුමට වඩා ශක්තිමත් ස්වරූපයක් ඔහුට දිස්වූවා..
එහෙත් ඇය කිසිදු යුධ වස්ත්‍රයක් හෝ පැලද නොසිටියෙන් ඔහුට වටහාගනු නොහැකි වූවා ඇය සම්මෙක් රාජ්‍ය ට හෝ ජින්සේ රාජ්‍ය ට අයත් දැයි....

කළු වර්ණයට හුරු වූ තද දුඹුරු පැහැයෙන් සමන්විත වූ ඇයගේ වස්ත්‍ර සටන් කිරීමෙහි ලා ඇයට පහසු ගෙන දෙන හැඩයි...