Pink Boy

Part-1

Pink Boy

အပိုင်း၁

"ဟဲ့....ဟိုမှာ.....ဟိုမှာ.... "

"ဘာကိုလဲ....ဘယ်မှာကိုပြောတာလဲ...."

ခိုင်ကြည်ရှင်းသန့် သူငယ်ချင်းမလေးရဲ့ လက်ညိုးတထိုးထိုးဖြင့် ညွှန်ပြရာနေရာသို့ ကြည့်ရင်းပြောလိုက်သည်။ သူမသည်ကန်တင်းသို့ လာနေသော ကျောင်းသားများရှိရာသို့ ညွှန်ပြနေခြင်းကြောင့် ဘယ်အရာကိုပြချင်မှန်း ခိုင်မသိပါ။

"အမလေး....မိခိုင်ရယ် နင့်မလဲ ပြူးသလောက်ကန်းတယ်...."

"အော်....နင်ကတစ်ဒါဇင်လောက်ရှိတဲ့ လူအုပ်ကြီးကို.....လာပြနေပြီး....ငါကဘာကိုမြင်ရမှာလဲ...."

ခိုင်သည် စိတ်ပေါက်ပေါက်ဖြင့် သူငယ်ချင်းမလေးအား ဟောက်ပစ်လိုက်တော့သည်။ ထိုအခါမှ သူငယ်ချင်းမလေးက ​ေခါင်းတခါခါ၊ လည်တခါခါလုပ်ရင်း မချိတင်ခဲဆိုလာသည်။

"နင်ဟာလေ....ပိန်းလိုက်တာ....အားလုံးထဲမှာ ထင်လင်းနေတဲ့ Pink Boyလေးကို မမြင်ဘူးလားဟ..... "

"Pink Boy...."

ထူးဆန်းပြီး မိန်းမဆန်လွန်းသည့် အခေါ်အဝေါကြောင့် ခိုင်ထိုလူအုပ်ကြားထဲကို ထပ်မံရှာဖွေကြည့်လိုက်သည်။ ခိုင်တွေ့လိုက်ပြီဖြစ်သည်။ ပန်းရောင်ဆံပင်ဖျော့ဖျော့အား ထိပ်မှနေနောက်သို့ လှန်စီးထားပြီး အောက်ဘက်တွင် ဆံပင်တစ်ချို့ ခပ်ဝဲဝဲလေးချထားကာ၊ ပန်းရောင်Hoodiခေါင်းစွပ်လေးကို အနက်ရောင်စွတ်ကျယ်လေး ခံဝတ်ထားပြီး၊ အနက်ရောင်ဂျင်းဘောင်းဘီကို ပန်းနှရောင်ဖျော့ဖျော့ ဖိနပ်လေးဖြင့် တွဲဝတ်ထားသည့် ကောင်လေးတစ်ယောက်ဖြစ်သည်။

"ဘယ်လိုလဲ.....ရှင်သဘောကျနေပြီမလား...."

" ချောတာတော့ ချောပါတယ်...."

" ချောတာတော့ ချောပါတယ် မလုပ်နဲ့မိန်းမရေ.....သူကမနှစ်ကKingတဲ့တော်..... ငါတို့ရဲ့စီနီယာPinkလေးပေါ့.... ဟီ့ဟီ့...."

ခိုင်ရဲ့ သူငယ်ချင်းခင်ခင်လေးအား ကြည့်ရင်း ခိုင်ခေါင်းသာခါမိတော့သည်။ အဆင်လေးတွေ ငမ်းရမယ်ဆိုရင် မိခင်လေးတို့ကတော့ သွားရည်တများများနှင့် ဖြစ်နေတော့သည်။