# يوجد غيري 💔
للكاتبة : Rana
الحلقة 5
سكرت المذكرة وفتحت تليفوني
لين حسيت ب حد مش كتفي
عزو. خيرك ملوكة
اني. والله م نبيه يا عزو الله
عزو. انتي لما تسكري راسك اكثر بوك حيحسابك تبي واحد تاني
اني. والله م نبي حد لا جاد ولا غيره
عزو كيف بيدوي خشت مياس
مياس. اها اسفة وجت طالعة
عزو. لا تمام اني طالع ، خلاص ملوكة ميجيك الا نصيبك بإذن الله
اني هزيت راسي
طلع عزو وخشت مياس قعمزت جنبي
اني. ها شن صار
مياس. المطعم م باش يرد
اني. تو نكلم واحد من خوتي يرفعنا وخلاص
مياس. تمام
طلعت اني من الدار لاقيت زيد
اني. زيووو(قص عليا)
زيد. لا زيوودتي لا شي عندي م ندير
اني. ونبي وراس وخيي اني
زيد. بشرط
اني. شن هوا 😒
زيد. ناكل معاكم
اني. ادفع
زيد. لا امالا
اني. تي باهي هي
زيد. بري بدلي
اني تمام ركبت داري وقلت ل مياس تبدل
وقعدنا نبدلو في حوايجنا
————————————
محمد. يابوي
فيصل. هيا كلمة خلاص توا اول مطعم اوقف عليه
محمد. باهي باه
———————————-
طلعنا ووصلنا قدام المطعم
نزلت اني ومياس
اني. زيد خليك ف السيارة
زيد. مصحك باهي اركبي هي
اني. خلاص والله نبصر
زيد. نشوفك تعاوديها الكلمة هادي
اني. تمام 💔
خشينا
زيد. تعالو وازو شن تبو
طبعاً ساعة واحني نشبحو للقائمة ومش عارفين شن نطلبو بالزبط
زيد. هيااا
اني. كلهم حلوات ره
زيد. باهي وازي بسرعة كان مزال طلعتك صحة
خش محمد وبوه بالصدفة
مياس تلفتت. اني نبي شاورما
زيد. بعد هادا كله تبي شاورما
اني. امم اسمع حتى اني شاورما
زيد. تتسهوكي انتي وياها
اني. خيرك
زيد تلفت ل الراجل. عطينا ثلاثة شاورما
مياس. ملاك خوك ميعرفش يعد ولا شني احني زوز
اني. حق تعبه ياحنة ليه الثالثة
مياس تلفتت. اوووووف
اني. بطلي
مياس. حي ياحي
اني. خيرك
مياس. محمد
اني. مني محمد
مياس مشت تجري
مياس. كيف حالك
محمد ميت بالضحك. الحمدلله ع فكرة كل يوم تشوفي فيا ولا عمرك سلمتي
مياس. مش جاية نبي نسلم عليك غر طلعت في وجهي
محمد. علي مني تبي تسلمي
مياس تلفتت. عمي فيصل كيف حالك
فيصل مستغرب. الحمدلله ( ايقول في خاطره مني هادي العفو)
محمد. اسمعي خليك فاتحة اليوم نبي ندوي معاك في موضوع مهم
مياس. بخصوص شني
محمد سكت وشاف لي ملاك
مياس. 😂😂باهي باه
المهم كملنا وطلعنا روحنا
ومحمد وبوه روحو
————-
في الحوش اني خشيت نجري
طلع في وجهي جاد مقعمز وحاط رجل عل رجل
صالح. اهلين بنيتي خشي قعمزي خطيبك هادا
جاد. اي جيت نبي نأجل العرس شوية مش مع احمد
صالح. تمام ولا يهمك يا وليدي امتى م تبيها خدوها
اني نشبح يمين ويسار
لقيت زيد ومياس يشبحولي بمعنى شني هادا
لقيت في ايدي شيشة المشروب خضيتها وفتحتها وقعدت تصب
طبعاً هوا تصرف غبي بس خير م قعدت ساكتة
لوحت الشيشة وركبت ل داري نبكي
صالح. لما نوريك يا مش متربية لما نربيك
جاد. خليها يا عمي تو تاخد علي الوضع
مياس ركبت وراي
فتحت باب الدار وخشت وسكراته
قعدت ترضي فيا شوية وخش بابا
صالح. شوفي عندك خل واحد لو متبيشي
اني نشبح وساكتة
صالح. جيبيلي واحد خير من جاد يتجوزك
وطلع وسكر الباب
مياس. ووووه خلاص ياملاك
اني. تي من وين بنجيب واحد خير منه انتي تعرفي حالتهم معبيا هادا لو قدرت نجيب واحد اصلاً
مياس. خلصت حبيبتي بإذن الله يصير خير ، اني تمشي انوتي العشي خليك انتي ارتاحي
اني هزيت راسي بالإيجاب
طلعت مياس
فتحت مذكرتي وكتبت (تحتاج قليلاً من الجنون لتنجز اشياء عظيمة )
وسكرتها وفتحت فيس
لقيت محمد باعتلي طلب صداقة
تجاهلته وكملت تصفحي
——————
حوش محمد
محمد. يام تبيه ساندوتشك
صباح. اي لاكن نقسملك منه عادي ره
محمد. لالا
فيصل. قتله يشري ميبيش ولدك قفاص
محمد. فلوسي منبيش نشري ل روحي حر😂
——————
اني سكرت تليفوني وخشت مياس
مياس. هي تعالي كولي
اني. هي
قعدنا نهدرزو موضوع يجيب موضوع لين طيحت مياس في الدوة 😂
مياس. محمد شكله يبيك
اني. قوليله ينسا
مياس. علاش
اني. ونبي سكري الموضوع ناقصني اني جاد وتوا جي هادا
مياس....
اني....
يتبع...
رايكم + تفاعل واتباد 🤍
أنت تقرأ
# يوجد غيري 💔 ( روايات ليبية)
General Fiction# يوجد غيري 💔 للكاتبة:Rana المقدمة❤️ الرواية تحكي ع بنت عايشة حياة طبيعية وفجأة فـ يوم من الايام صارلها مشكلة وهيا يلي حنتعرفو عليها خلال سرد الحلقات انتظروني....
