# يوجد غيري 💔
للكاتبة : Rana
الحلقة 9
خش محمد للمربوعة وامه للصالة
اني كانت معاي مياس في الكوجينهه
مياس. تجنني
اني. وووه 💔😭 خايفة من بابا
مياس. اني بايتة معاك سالم قتلي باهي وبوك يتحشم مني
اني. واااك 😫💔
محمد. كيف حالك عمي
طبعاً المربوعة فيها بابا و احمد عزو في الخدمة وزيد وزياد يبو يخشو بس بابا مخلاهمش
صالح. الحمدلله وانت
محمد. كويس ، كيف حالك يا احمد
احمد. بخير
محمد. مبارك عليك
احمد. الله يبارك فيك انشاءلله
محمد. اني والله جاي ندوي في موضوع خصوصي شوية
صالح. تفضل
كان نفس الحوار صاير بين غزل وصباح
اي وحقا فيصل مباش يجي لان مش راضي ع الجوازة قال هيا ل ولد عمها وبوها حيسكر راسه مش ح يعطيها اني منزلش كرامتي
محمد. الصراحة اني جاي نطلب ايد بنتك
صالح. 😡😡
محمد. ها شن قلت
صالح. بنتي خاطبها ولد عمها
محمد. اي نعرف
صالح. باستهزاء: باهي تعرف علي حد علمي الراجل يقدر يتجوز زوز مش المراءة
احمد ساكت
محمد. اني قلت بالك تغيير رايك اني دوت مع زيد وقالي هنا مزال مقروش الفاتحة واصلاً مفيش حاجة رسمية
صالح خدي نفس عميق. عندي شروط
محمد. تفضل وكان نقدر انديرهم
صالح. نبيلها حوش بروحها مش شقة فوق اماليك و..و..
وقعد يطلب منه في حاجات خيالية
محمد. اني منقدرش هادا كله يا عمي
صالح. اني هادا نبيه ولد عمها قدر يوفره هيا ل ولد عمها سامحني ياولدي مفيش نصيب
ناض محمد متعفلق طلع وقال لامه هيا وطلعو
خش صالح يدور علي ملاك لين لاقاها واقفة مع مياس تجاهلها
وقعد يضرب في ملاك
اني.اهااا ياماما
بدون مبالغة يضرب فيا في ضرب موت
ماما تحاول شده بس دفها وجي حتى احمد وقعدو يضربو فيا
من صياحي خش زيد وزياد
هما الوحيدين يلي قدرو يجبدوني من بين ايديهم
اني. اها يا زيد
زيد جبدني. زياد شوف الامور
زياد. تمام
ركبت اني وزيد ولحقتنا مياس
زياد بصياح وقعد يعارك في بابا
بابا يكشخ عليه المهم بالمختصر صارت عركة كبيرة
اني وزيد ومياس في الدار
يحاولو يهدوني
—————
حوش محمد
خش محمد لداره متعفلق هبد الباب وقعمز ع السرير معاش عرف مضايق ضيقة مش قادر يعبر ل شخص عليها
صباح اتقطق علي الباب وتحاول تفتح بس بدون فايدة محمد مسكر ب المفتاح
صباح. افتح يا محمد افتح تو نلقو خير منها بإذن الله
فيصل. خليه اني قتله البنت ل ولد عمها هوا مسكر راسه
محمد يفكر ولا ايرادياً دموعه ينزلو
فتح مذكرة وكتب ( سأكتفي بك حلماً ، فواقعك ليس لي )
سكر المذكرة وناض يبي ياخد دوش يبرد عليه
———-
سالم. هيا اطلعي
مياس. هيا هي
زيد. خليك معاها شوية
اني. اي ونبي ميوس
مياس. والله م نقدر بنمشو نخطبو ل خوي تو انجي غدوة
اني. باه تمام
مياس جت حظنتني. معاش تبكي حبيبتي في ستين ألف حل تقدري م تتجوزيشي ( وشبحت لي زيد ) ساد عندك خوت مش راضيين عليه تعرفي لو معندكش راهو ح تتجوزيه من غدوة
اني. تمام صحيتي بنتعبك معاي
مياس. لا ولايهمك عادي، هي سلام
اني وزيد. سلامات
طلعت مياس روحت
بدلت وطلعت هيا وامها وخوها بيمشو يخطبو سوسن يلي مياس متزبطش انها سوسن خالة ملاك بتتفاجأ
خش سالم وبوها للمربوعة
ومياس و كوثر في الصالة مع ام سوسن
يدو في الموضوع لين خشت سوسن
مياس. قصدكم انتي العروسة
سوسن. قصدك هوا خوووك
وتفاجؤو كيف يعرفو بعض
اي المهم تم خطبوها وروحو وقررو العرس بعد شهر باش ميطولش الموضوع
————-
تسريع الاحداث!!
فات اسبوع مفيش ولا حاجة تذكر الا ان اليوم بتمشي غزل تخطب مياس لي زيد. 😂😂😂
اني كنت فراحانة اكثر حتى من زيد
المهم مشينا بابا و زيد واحمد خشو للمربوعة واني وماما برا
طبعا كوثر وغزل يدو في الموضوع
واني ميتة من الضحك علي مياس
المهم كملنا وقررنا ان عرسهم حيكون مع سالم
يعني تنين في واحد 😂😂😂
خلاص فات اسبوع وتنين وتلاتة واني وماما نونو في روحنا ونوتو في خونا وبرضو كوثر توتي في صغارها يلي ح تتهنا عليهم مع بعض في نفس اليوم
اني في الصالة نسمع في حد يعيط يلي كان
اني...
زياد...
زيد...
يتبع...
رايكم 🤍
أنت تقرأ
# يوجد غيري 💔 ( روايات ليبية)
Fiksi Umum# يوجد غيري 💔 للكاتبة:Rana المقدمة❤️ الرواية تحكي ع بنت عايشة حياة طبيعية وفجأة فـ يوم من الايام صارلها مشكلة وهيا يلي حنتعرفو عليها خلال سرد الحلقات انتظروني....
