# يوجد غيري 💔
للكاتبة : Rana
الحلقة 12
اي خلاص كلنا مقعمزين نقرو في قرآن
وبعد مفاتو 3 ايام العزي الناس قلت
نسمعو صوت رصاص يلي كان جاد يتعارك مع زيد
اني. ووووه هادا شن جيبه
وقعدنا نسمعو في الرصاص لين سمعته يقول
جاد. اختك بناخدها تبي ولا متبيش
حسيت ان بنفقدو حد تاني بسببي
اني طلعت الجنان نصيح. خلااااااااص اقتلني اني بداله واااك حسستني اني ملكة جمال باش ادير هادا كله يا راجل منبيكش متفهمش شن هادا بكلل ره عمك كيف مات خل يربعن علي الاقل
وخشيت نجري ل داري
كان الصمت عام الحوش
خوتي مكشخوش عليا كأن عجبهم شن قلت
جاد طلع من الحوش وهوا يحلف ويستحلف انه حيتجوزني
اني في داري بدون م نحس بديت نردد في دوة غريبة ومحسيتش ب روحي لين لقيت مياس وامال جنبي يقولولي شن تقولي قعدت انقول في دوة مش مفهومة
تلفتت وقلتلهم
لما يوم يقولو ماتت القلوب عليا رافت 🖤🥺.
كلها تطلع صحبا معايا واني حيا مجاني واحد🖤🥺.
كانت الاغنية هادي مدمنتها اني نحبها هلبا مش عارفه علاش تعبر علي داخلي نحس فيها🖤🥺
مياس تعرفني نحبها تحسابني نغني هكي وخلاص
بس امال كانت تحسابني نبي ننتحر او شي هكي
بس اني عكس هادا كله كنت نغني واني مش حاسة ب شي 🖤.
——————
بعد مرور شهرين
اني في سريري نغني
ويلي يا ويلي وفي ليلي مرايف انااااا 💔.
نصبر في عيني يا ويلي في دموع واهااااا 💔.
يلي يا ويلي وفي ليلي مرايف انااااا 💔.
نصبر في عيني يا ويلي في دموع واهااااا 💔.
ونقلب في التليفون فيس لين تجيني رسالة من محمد
( تعبت والله تعبت
تعبتيني اني اليوم جايب امي
خلاص قوليلي في نصيب ولا لا
ركبني الاكتأب وكل شي حبيتك بجد
خلاص اني عييت نحارب علي خاطرك
حاربي حتى انتي 🤎)
اني استغربت منين جاب رقمي هادا !
بعتتله
( تفضلو بس يمكن نفهم انت شن حاربت علي خاطري )
محمد استغرب من جرائتها
( ع فكرة ليك شهرين مسألتيش ولد عمك خيره مختفي )
اني بعتت( اي لان اني قتله منبيكش )
محمد بعت ( طيبة والله ع فكرة خوك احمد يبي يجوزك ليه واني عييت واني نقنع فيه لان اني نبيك ويلي يبو اني فيه اقتنع ومشي قال ل جاد منبوش نعطو اختي لان .. حكاله عليا مشي جاني جاد خطفوني سبوعين ولما طلعت اني قلت بنخاد حقي وحقك مشيت قربعتها عليه صارت عركة كبيرة كان مسمعتيش جاد خش حتى العناية بس طلع منها وقاعد مسكر راسه واحمد خوك اعطاني رقمك باش نقولك انّي اني اليوم جاي يا قولي باهي يا لا )
اني بعتت( تفضلو ♥️)
———————-
جت العشية
اول حاجة نشوفو محمد يلي كان طاير من الفرحة وطارح يحسابه عرسه خلاص
بعدين انجو ليا كنت لابسة سروال سماوي وبلوزة بيضة رقبتها فصوص قصيرة
اني ومياس في الكوجينهه قبل م يجو انغني
عم تحكيلي كل شي فيكي
وانا هسة هون صافن بيكي جنبي خليكي
دنيا بتعطيكي وقت يناسيكي
دموع هليومين خلو عينيكي تعبانة
حطي راسك ع المخدة
جو قلبي م في قدك
لونو ابيض هو قلبي
محدا زيييك
يما شو عجبني ردك
اني دايما حصلي جنبك
لو كانو كلهم ضدك حضل احبك
حضل احبك
وبدينا نصيييحو
رببربربربربربربربر بصوت عالي خش زيد
نقصو صوتكم الناس جو
كانت فرحتي انحس فيها ناقصة حاجة
يلي كان بابا مهما صار مهما دار فيا انحس فيه ناقصني
جو يا حنة خطبوني وقررنا العرس بعد شهرين
وتكون ع السكيتي لان بابا متوفي وهكي
خلاص فات اسبوع
اي حقا عزو خطبناله بنت اسمها ألماسة وعرسه معاي
واليوم بنمشو نخطبو لي زياد يلي كان طااااير من الفرحة
بنخطبو بنت خالتي رواسي
كانت تهبللل البنت اول مرة نشوفها هكي 😂😂
خطبناها وقررنا العرس معاي اني وعزو 😂😂
روحنا لقينا جاد قدام الحوش
اني....
زياد....
يتبع...
رااايكم 🤍
أنت تقرأ
# يوجد غيري 💔 ( روايات ليبية)
General Fiction# يوجد غيري 💔 للكاتبة:Rana المقدمة❤️ الرواية تحكي ع بنت عايشة حياة طبيعية وفجأة فـ يوم من الايام صارلها مشكلة وهيا يلي حنتعرفو عليها خلال سرد الحلقات انتظروني....
