# يوجد غيري 💔
للكاتبة : Rana
الحلقة 8
مياس. نوضي بسرعة
اني. ها خيرك شن في
مياس. هاك التليفون
اني شفت التليفون لقيته تليفونها والمتصل سالم
اني. شني خوك هادا
مياس دارت التليفون علي وذنها. شوية نفهمها وتكلمكم
سكرت الخط
قتلها تعالي برا
طلعنا للجنان
اني. ها ادوي شني
مياس. هادا محمد يبي يدوي معاك وانتي حطيتيه في الحظر وبعدين منسيتش انه كلمك ومقلتيلش ره تو شدي ادوي معاها وببعدين حسابنا
اني. تي حي حي باش يوصل فيا اني يتصل ب تلفون خوك ع تليفونك وباش نكلمه
مياس. خوي مباش يعطيه رقمي قاله كلم من تليفوني
اني. هيا افتحي خل انكلم
المهم فتحت التليفون
وتكلمت اني ومحمد
اني. اسمع نعطيك رقم زيد كلمه هوا تو ينسق
محمد. تمام
اني. شد الرقم هي *******092
محمد. تمام
سكرت الخط...
وكيف جاية بنركب
مياس شدتني تعالي قوليلي
اني قعمزت وحكيتلها علي كل شي
جت الساعة 9:00
واحني طبعاً مرقدناش
ناضو البنات وتينا صفرة الفطور ونستنو في العروسة
بتنزل تفطر معانا
نزلت العروسة وكانت تهبللل بكل معنى الكلمة
طبعاً بابا وخوتي واحمد درنالهم يفطرو بروحهم
المهم كانت العروسة بسيطة مش امؤفرة في شي
ومشعارفة حسيت اللقطة هادي مميزتها علي اي عروسة شفتها قبل عيوني عليها منزلتهمش
مياس جنبي في الطاولة قرصتني
مياس. معاش تشبحي حكي للمراة
اني. غصب عني تهبلل
كملنا الفطور
خشيت اني ومياس وبنت خالتي اماني بس نديرو في الكوجينهه
و رواسي و ميار وماريا يضمو في الجنان
اما ابتهال ونوران و سوسن خالتي يديرو في باقي الحوش
العروسة في الصالة ماما حلفت عليها انها مدير شي
طبعاً وبعد جهد جهيد من اقناعها انها تتغدا معانا لانها متحشمة هلبا هلبات
في الكوجينهه
خبط باب الكوجينهه بقوة كان زيد
فتحتله مياس
طبعاً لابسة هيا وشاحها وبنت خالتي الحيوانه ولا تقول تلبسه مصح وجهها 😂
خش زيد
زيد. اعطوني ناكل
اني. مكليتش معاهم
زيد. كليت شوية تحشمت نضت
اني. تي مني معاكم انتم هما بوك وخوتك اني يلي العروسة امقعمزة امعاي والله كليت الاخضر واليابس
زيد. تحشمت من احمد ع اساس عريس
الكل😂😂😂😂
عطيناه ياكل
اني كملت وركبت داري حاسة ان نهايتي قربت يعني في اي لحظة يجي جاد ويقرو الفاتحة انشاءلله بابا يقبل محمد قعمزت نبكي ونبكي ونبكي لين طلعت يلي في قلبي كله
كانو كلهم لوطة محسوش اني مش معاهم
نزلت قعمزت جنب العروسة وقعدنا نهدرزو
يا ناس حتى الهدرجة متاعها قنينة
———-
العشية
زيد. سالم جاي هوا وصاحبه
اني. باهي اكيد جاي ل اخته
زيد. لا مش لاخته لو لاخته ميكلمنيش ويقولي جايين ره
اني. مشعارفه 😂😂
زيد. خيرك تضحكي
اني. اني نضحك
زيد. لالا اني نتوهم ، المهم قوليلها توتي روحها خوها ميبيش يعطل
اني. تمامو
زيد. باه اقلبي وجهك هي
اني. خيرك زيد من يوم العرس وانت مش ع بعضك
زيد. لا شي
اني. لا في شي وتوا بتقول
زيد. باه لاكن قولي والله لما نقوللها
اني. والله اصبر من هيا
زيد. وحدة غر قولي
اني. والله لما نقوللها
زيد. منيش مقايلك
اني. زيددد
زيد. مش من قلبك قولتيها
اني. والله من قلبي الله
زيد. والله الا مهبولة قتلك م في شي
اني. حرجت منك ره
زيد. لا ونبي م تحرجي 😂😂
المهم قعدنا نص ساعة شورا مع بعض ومياس بدلت
جو الولاد خشو للمربوعة
مياس. تعرفي كان نلقا نزغرط
اني. مش زيد بوي ره
مياس. انتي قولي انشاءلله يرضا زيد مش يرضا بوك
اني. علاش
مياس. باش يبدا ع الاقل واحد واقف معاك
اني. انشاءلله
———
الولاد
محمد. اي وبس
زيد. نفهم منك انك تبيها
محمد. اي انشاءلله
زيد. وهيا
محمد. مشعارف 😂😂
زيد. ت واااااك خيره ل نكلمه اليوم يبدا يضحك
سالم. صبر روحك يا راجل 😂😂😂
زيد. اني بالنسبة ليا عادي بس مش اني بوها وبعدين رايها ضروري
محمد. اي خود رايها علاش لا
زيد. هيا طالبها ولد عمي تعرف
محمد. لا منعرفش😂
زيد. باه ح نتجاهل ضحكتك المرة هادي
محمد. غصب عني والله 😂
زيد. بوي قال لو جي عريس غير ولد عمها وعجبني ح نعطيها
محمد. وباهي
زيد. تعالى اخطبها وانشالله ع خير
محمد. تمام
سالم. ونبي قوللها تطلع هاديكا
زيد. تمام
المهم طلع زيد واني درت روحي شادة التليفون ومنعرف شي
زيد. خوك قاللك هيا
مياس. ناضت طلعت
وطلع زيد سقدهم وخش
طبعاً خالتي وبنات خالتي روحو
والعروسة هيا واحمد ركبت
الوضع صار شبه طبيعي
زيد. ملاك تعالي نبيك
اني نضت ومشيت معاه داره
زيد. سمعتي
اني. شني 😂😂😂
زياد كان امداير روحه راقد
زيد. والله كان مزال دويت معا حد وناض يضحك معاد مكلمه لين يتأسف
اني. باهي خلاص شني
زيد. حي محمد صاحب سالم وطلبك واني رضيت وقال بعد اسبوع بي جي يخطبك من بوي انت شن رايك
زياد ميت بالضحك تحت البطانية
زيد. ها شني
اني. اي شي يفكني من جاد
زيد. كنت عارف
اني. شني
زيد انك ح تقبلي وعارف انه داوي معاك
اني. 😂😂كيف
زيد. من الضحك انكملك انتي تضحكي انكلمه هوا يضحك وواضح عليه يعرف وضعك كويس
اني. باه خلاص
زيد. نبي الموضوع بينا لين يخطبك
اني. تمام احني الزوز بس
زياد لوح البطانية. الثلاثة 😂😂😂😂😂
زيد. وووه يادراه شن دير اهني
زياد. اولاً مبارك ملاك ، ثانيا اني متبوش تقولولي
زيد. خلاص اهو عرفت
زياد ناض من ع السرير. متخافوش سركم في بير
اني. ونبي زياد فكنا من الشوشدة
زياد. عيب عليك
خش عزو
عزو. اووووو مبارك 😂😂😂
زيد. لا إلاها إلا الله من معاك تاني
عزو. اني بس ومتخافوش لان حتى اني منبيش جاد ف سركم في بير
زيد. وووه عزو متعاودش وراسك
عزو. متخافش مش حنقول ل حد
اني. ونبي الموضوع بينا الاربعة
عزو و زياد. ولا يهمك
زيد. وانت علاش جاي تقريبا مش دارك باش تخش
عزو. اصلاً انت نادراً م تنادي علي ملاك بروحها كانت لقطة مختلفة شوية وفي حاجة لو جت من زياد يمكن
اني. اني بنطلع
زيد. تمام خوذيني معاك مفضاهم هادو
اني. هي
طلعت اني من الدار ومشيت ل داري
فات الاسبوع عادي جداً غير انّي شبه يومي نقرا مفيش حاجة تدكر
الباب طقطقطق
زيد. تفضل
خش محمد المربوعة وامه الصالة
محمد....
صالح😡😡
يتبع..
رايكم🤍
أنت تقرأ
# يوجد غيري 💔 ( روايات ليبية)
Fiksi Umum# يوجد غيري 💔 للكاتبة:Rana المقدمة❤️ الرواية تحكي ع بنت عايشة حياة طبيعية وفجأة فـ يوم من الايام صارلها مشكلة وهيا يلي حنتعرفو عليها خلال سرد الحلقات انتظروني....
