# يوجد غيري 💔
للكاتبة : Rana
الحلقة 13 والآخيرة 🔥!
روحنا لقينا جاد قدام الحوش
اني. شن يدير هادا هني
زياد. وووه مفي شي يتم ع خير
نزلنا واني وماما خشينا الحوش
كان جاد جاي يتأسف وكأنه حاس بتأنيمب الضمير
اي المهم تأسف منه واحني خشينا تعشينا وكل واحد خش بيرقد
اني فتحت مذكرتي وكتبت ( أعشق هاؤلاء الذين يعرفون جيدا كيف يجعلون قلوبنا عصافير تطير من الفرح
# محمد )
وسكرت ورقدت
نضت علي منبهي الفجر درت عليا المي وتوضيت وصليت ودعيت وشكرت وحمدت ربي
خلاص فاتو الشهرين وجي يوم العرس
اني. اي هياااا
زيد. باهي اطلعي معلقت فيك الا اني
اني. خوتك عرسان
زيد 😒😒
ييرفعني المزين
طبعاً الحفلة كلنا مع بعض في نفس الصالة طبعاً رواسي عادي لانها بنت خالتي بس مرت عزو ألماسه مرضيناها إلا البسيف كانت تبي ادير بروحها ومتحشمة مننا وابصر شني
محمد في الاستراحة يوتي في روحه
محمد. سالم نلبس قرواطة ولا فيوكة
سالم. قصدك ببيونة
محمد. تي لا ياراجل اسمها فيوكة
سالم. باه ألبس قرواطة
محمد. بنلبس فيوكة
سالم. 😳😳
اي محمد واتي وكان طلع زي العسل
ماما وامال و مياس واتين ومشو للصالة
امال ومياس ليسو زي بعض يهبلو
واني والعرايس لبسنا نفس بعض
الناس كلها إلتمت في الصالة
اول حاجة خش عزو بما انه الكبير هوا ومرته
خش عزو وألماسه مع بعض ع اسماء الله الحسناء وخدو صور وطلع عزو
كانو يهبلووو
اي بعده زياد
ايه زياد يا ناس مش يهبل بس
يهبل ويضحك وكل شي وجهه احمر شكله متحشم المهم خدي صور هوا ومرته وطلعو
حتى هما يهبلو زي العسل
من خوي ياحنة🌝😂😂😂😂
خشيت اني ومحمد برضو ع اسماء الله الحسناء
خشينا الصالة العيون كلها علينا كانّا نهبلو طالعين ع بعض الزوز شيينين 😂😂😂نبصر
نهبلو طبعاً اني نهبل هوا لا 😂😂 نبصر مشعارفه جتني الحالة شكلها
هوا يهبل اكثر مني الصراحة
خشينا وخدينا صور وطلع محمد
اي حقا العروسات ع اساس غطوهم ب وشاح ولا ابصر شني لما خش محمد ع اساس يعني ع اساس لاكن لي تقولك تسريحتي ولي تقول مكياجي مبردهم 😒
اححححح خل الفرحة تكمل
تم العرس وكل وحدة روحت مع راجلها واولهم اني روحت استقبلوني امالي محمد احلااستقبال قعدت معاهم شوية وركبت لي شقتي
بعد 5 سنين💙
اني. تعالا يا زيد
زيد. زيد الكبير ولا الصغير
اني. الصغير
زيد. علاش سميتيه زيد
اني. لانك سميت بنتك ملاك
من قد حبي لي خوتي سمتي الكبير زيد وبنتي سميتها ملك
زيد هوا ومياس عندهم 3 صغار سفيان و ملاك و غزل ع اسم ماما
احمد وامال عندهم 3 صالح و ابراهيم و يزن معندهمش بنات
عزو و ألماسه عنده وليد واحد اسمه يوسف طبعاً منحكيلكمش علي مرته يمكن الكنه الوحيدة يلي تحرق الدم جت مبردها مبردها لاكن هي شن بديري 😂😂
والاخير زياد ورواسي عندهم توم ايهاب ومهاب طالعينلي ره يشبهوني هلبا يعني اكيد حلوين
خلاص هادي عيلتنا كانت فرحة تعم حوشنا
اي حقا ماما حتى هيا الحمدلله عايشة بخير ولادها الاربعة فوقها مش يعني اربعة دوار الحوش 😂يعني الدور الاول يلي هيا فيه الدور التاني مقسوم عزو و احمد ويلي بعده زيد وزياد
كانت فرحة حلوا لاكن ناقصة بابا ! 💔
النهاية...
رواية # يوجد غيري 💔
للكاتبة : Rana
اسوء شي الظلم اياكم انكم تظلمو شخص
الظلم يسبب في هلبا حاجات ره
في يلي ينتحر وفي يلي يمرض ب التوحد او الاكتأب وفي .. وفي
اهني نكونو وصلنا نهاية الرواية انشاءلله استمتعتو في قرايتها يمكن مش هلبا استمتعو بها لان هادي ثاني رواية نكتبها يعني مش وااو 😂
رايكم يهمني 🤍
وتفاعل واتباد 🤍
Rana🤍.
أنت تقرأ
# يوجد غيري 💔 ( روايات ليبية)
Narrativa generale# يوجد غيري 💔 للكاتبة:Rana المقدمة❤️ الرواية تحكي ع بنت عايشة حياة طبيعية وفجأة فـ يوم من الايام صارلها مشكلة وهيا يلي حنتعرفو عليها خلال سرد الحلقات انتظروني....
