# يوجد غيري 💔 ( روايات ليبية)

الحلقة 6

# يوجد غيري 💔
للكاتبة : Rana
الحلقة 6
مياس. امورك
اني. اكيد اموري
كملنا ونزلنا غسلنا الاماعين
ورقدنا
———-
تاني يوم الساعة 7:00ص
منبهي شرين نضت سكرته وطلعت خليت مياس راقدة
طلعت لقيتهم كلهم راقدين
طلعت الجنان وفتحت تليفوني
قبلت الطلب الصداقة يلي باعته محمد
قعدت شوية نتصفح لين وصلتني رسالة منه
( السلام عليكم )
رديت عليه ( وعليكم السلام )
بعت ( كيف حالك انشاءلله بخير)
اني بعتت ( اي الحمدلله تفضل )
بعت ( اني نبي ندوي معالك في موضوع شخصي الصراحة )
اني ( تفضل )
هوا ( اني الصراحة )
اني(انت شني )
هوا ( والله ماني عارف كيف بنقولك )
اني( قتلي مياس )
هوا ( باهي كويس مدام قتلك شن رايك )
اني ( مش عارفه خل انفكر في الموضوع )
مردش اني بعتت ( لاكن انشاءلله خير )
هوا ( انشاءلله)
اني( راهو اني ولد عمي متقدملي)
هوا( يعني مفيش نصيب )
اني ( اني منبيشي ولد عمي انحاول نبعد عليه قدر الامكان )
هوا ( يعني بتتجوزيني مصلحة لا غير )
اني ( لا اني لو قبلتك معنيتا رتحتلك)
هوا( باه تمام انشاءلله خير )
اني ( هي باي توا )
هوا ( امتى تردي عليا )
اني ( الليلة انشاءلله)
هوا (تمام)
اني ( سلام)
هوا(سلامات )
سكرت تليفوني وقعدت انفكر في الموضوع
اني ارتحتله الصراحة من اول يوم شفته وهوا شكله ولد كويس ويبي الحلال
اوووف لاكن المشكلة الدراه يلي اسمه جاد
وقعدت انفكر بعدين طردت الافكار من راسي وقررت اني معاش نفتح نت ل الساعة عشرة ونرد طول بدون م نفكر
——————
حوش مياس
سالم. ها شني يام
كوثر. اسمع تمام تو نخطبلك يلي تبيها
طبعاً هادا كان بعد جهد جهيد من ارضائها
سالم. تمام يام ربي يخليك ليا
كوثر. امتى بتروح ب اختك
سالم. اهو توا هي تبي شي
كوثر. سلامتك
طلع سالم ووصل عندنا
بس للاسف مياس قاعدة راقدة
شرين تليفونها مرة وتنين وتلاتة بس مفيش رد
نزل سالم وقعد يخبط علي الباب
اني في الجنان كلمته من ورا الباب وقالي تبي مياس قتله شوية وتطلع
ركبت نجري لقيتها قاعدة راقدة
اني. ميااااااس خوك جي
مياس. اممم شن تقولي
اني. مياس خوك جي حي عليك حي
مياس دفتني. شكلك تحلمي هلبا يا ملاك
اني. ت نوضي بلا هبال خوك جي
مياس. اها حي عليا
في سرعة اسرع من الفيراري كملت لبس ولما حوايجها
نزلت وطلعت ل خوها وروحو
اني خشيت للكوجينهه انطيب في قهوة
حطيت كل شي وقعدت انخلط فيها ع النار
بس فجأة جتني حاجة قتلي افتحي ودري علي محمد
مهم ان مدرتش ساعتين كنت نكلم فيه
فتحت ولحسن حظي كان فاتح
اني بعتت ( اني موافقة )
هوا بعت( انشاءلله خير بس ردي علي سؤالي بصراحة ع خاطر مصلحة ولا حاجة غير)
اني( اقسم بالله مش مصلحة اني من الاول ارتحتلك بس طردت هادي الافكار من راسي ، توا سامحني اني لازم انديرلك بلوك لين تجي تطلبني من بابا لان خوتي ح يطلعلهم من الاصدقاء تبي تدوي معاي نتلاقو في الجامعة )
هوا ( تمام خلاص انشاءلله خير )
كيف جاية بندير بلوك القهوة فاجت 😂😂😂
مسحتها وقعمزت نشرب ودرتله بلوك مش ح ننساه يعني 😂😂😂😂
فتحت مذكرتي م العادة وكتبت ( كل عين تراك بقدر حبها)
في نفس الوقت فتح محمد وكتب ( لا تكسـر قلباً يراك اجمل مـ يملك )
سكر وقعد يفكر فيها هيا تحبه او مجرد مصلحة
قعد يفكر دقائق بعدين طرد الافكار من راسه وقال ان البنت هادي صادقة ومش مجرد مصلحة
وكان تفكيره صح ان ملاك مكانتس تبيه مصلحة بل كانت مش متأكدة من مشاعرها ولاكن توا تأكدت وردت عليه
فات الصبح والقايلة وجت العشية
بتمشي ملاك وامها يخطبو امال من امها ل احمد
اني نضت لبست سروال حرير اسود وفوقه بلوزه حمرا ووشاح اسود وشنطة وسبيدرو سود
وطلعنا وصلنا للحوش
نزلت اني وماما للمراة وخوي خش مع الراجل في المربوعة
ام امال. مرحبتين تفضلو تفضلو
غزل. الله يزيد فضلك
خشينا قعمزنا شوية وخشت البنت
شن نقوللكم عليها غير انها كانت عسل معسل تهبل البنت بجديات يعني مفهمتش كيف بتقبل احمد بعدين تفكرت انهم كانو في علاقة قلت في خاطري مهبولة البنت
اني مش خوي شين ولا هكي بس مش حلو جمالها كان مش عادي
المهم هدرزنا وكملنا ولان احني مستعجلين
قررنا ان العرس يكون بعد شهر
اني قعدت نحمد في ربي ان البغل يلي اسمه جاد قال يبي عرس بروحه كنهدا راهو توا عايش في جهنم الحمرا
كملنا وطلعنا
اني ركبت طول دوشت واتكيت بنرقد
ماما تنادي عليا قتلي الساعة تسعة علاش راقدة بكري درت روحي راقدة ومرديتش
لان هيا اول وحدة تقدر تساعدني ومساعدتنيش
تسريع الاحداث!!
بعد سبوعين
بنطلع اني وماما نشرو حوايج
تليفوني يشرين
كان....
اني...
يتبع..
رايكم🤍